Спорт жарысына қатысамын, жарысты тамашалаймын САБАҚ ЖОСПАРЫ

Пән: Қазақ тілі және әдебиеті

Ұзақ мерзімді жоспар бөлімі: 5-бөлім: Дені саудың – жаны сау

Мектеп: Талдықорған қаласындағы физика-математика бағытындағы Назарбаев Зияткерлік мектебі

Күні:

Мұғалімнің аты-жөні: Cарыева А.Т.

Сынып:

Қатысқандар саны:

Қатыспағандар саны:

Сабақтың тақырыбы

Спорт жарысына қатысамын/жарысты тамашалаймын. Жұрнақ пен жалғау

Оқу мақсаты

• • Тыңдалған материалдың мазмұнын түсіну

3.4 Оқыған, тыңдаған және аудиовизуалды материалдар бойынша жазба жұмыстар жазу

 Сабақтың мақсаттары

2.1.1.1 тыңдаған материал бойынша түсінбеген сөздерін белгілеу, мәтін мазмұны бойынша қойылған сұрақтарға жауап беру

2.3.4.1 мұғалімнің көмегімен оқыған, тыңдаған және аудиовизуалды материалдар бойынша тірек сөздерді пайдалана отырып, қысқа жазба/мазмұндама жазу.

 Бағалау критерийлері

Білім алушы:

• Сұрақтарға жауап беріп, түсінгенін айтады.
• Шығармашылық қабілеттерін дамытады.
• Пікір алмасады.

 Тілдік мақсат

 Бұл сабақтағы тірек сөздер «тренер, төреші, жанкүйерлер, қақпашы, ойыншылар». Осы сөздермен барынша көп жұмыс жүргізіледі.

 Құндылықтарды дарыту

Еңбекқорлық, табандылық, жауапкершілікке тәрбиелеп, достық қарым қатынасын нығайту. Салауатты өмір салтын ұстану дағдысын қалыптастыру.

 Пәнаралық байланыстар

Дене шынықтыру, АКТ

Алдыңғы білімдер

Денсаулық, спорт туралы мақал-мәтелдер мен жұмбақтар оқыды. Жұрнақ пен жалғаумен танысты.

Сабақ барысы

Сабақтағы жоспарланған іс-әрекет

Ресурстар

(Ұ) Оқушыларды шеңберге жиналуды сұрау. Футбол добын дорбаға салып жасыру. Оқушыларға дорбада не бар екенін сұрақтар қою арқылы табуды сұрау. Оқушылардың қойған сұрақтарына «иә», «жоқ» деп жауап беру.

 (Ұ) Сілтеме бойынша «Футбол» мультфильмінен үзіндіні көрсету (00.30 -3.00 мин аралығында).

  «Сұрақтар бұрқасыны» ойынын ойнау. Ортаға бір оқушы шығып, доптағы сұрақтарға жауап беру арқылы қақпаға гол кіргізеді. Егер оқушы дұрыс жауап берсе, допты тақтада ілініп тұрған қақпаның ішіне жабыстырады. Ал жауап бере алмаса қақпаның сыртына жабыстырады.

 -Футбол ойынына кімдер қатысады? («Астра», «Тюльпан» командалары)

 - Ойыншылар қандай киімде болды? (ақ, қызыл)

 - Футболды кімдер ойнайды? (қақпашы, ойыншылар)

 -Ойын алаңында басқа кімдерді байқадыңдар? (тренер, төреші, жанкүйерлер)

 -Ойында кімдер жеңімпаз болды? («Астра» командасы)

 (Ж) Оқушылар жұптасып жеңген және жеңілген командалардың көңіл-күйлерін сипаттайды.

 Сергіту сәті. Өлең жолы жазылған қағаз тақтаға ілінеді. Оқушылар өлеңді оқи отырып, қимылмен көрсетеді.

 Добын, добын, домалақ, Тоқтамайсың домалап, Үстел үстін бүлдірдің, Тәрелкені сындырдың, Тентек болдың кеттің деп, Тұрмын сені тепкім геп.

 (Ұ) Көп нүктенің орнына қазақ тіліне тән дыбыстардың тиістісін қойып, мәтінді оқып шығуды ұсыну.  

 Футбол 

 Футбол – ..те қызы..ты ойын. Осы ойынды ек... команда ойнайды. ...р командада он бір адам болады. Бір қақпашы, он ойыншы. Ойында т...реші болады. Төреші ойын барысын бақылайды. Төрешіден ескерту ал...ан ойыншы – сары карточка алады. Ойында ...ызыл карточка алған ойыншы ойыннан шығады. Себебі, тыйым салын...ан тәсілмен ойнауға болмайды. 

 - Футбол қандай ойын? - Футболды неше команда ойнайды? - Әр командада неше адам болады? - Олар кімдер? - Төреші не істейді? - Сары карточканы кім алады? - Қызыл карточка алған ойыншы не істейді? - Себебі неде? 

https://www.youtube.com/watch?v=I8q3EkC6G2M

 Деңгейлік тапсырма.

• Мәтіннен зат есімдерді тауып, түбір қосымшасын ажырат.
• Мультфильмдегі жеңілген «Тюльпан» командасына қандай ақыл - кеңес бересің. Хат жаз.

Рефлексия.

Жасыл, сары, қызыл карточканы көтеру арқылы сабаққа кері байланыс жасайды.

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Сұрақтарға жауап беруге, хат жазуға қиналатын оқушыларға бағыт бере отырып, жеке қолдау көрсету.

Оқушылар жұптасып жұмыс жасаған уақытта түртіп алу арқылы бағалау. Жеке жауап бергенде комментарий беру арқылы бағалау. Оқушылардың жұмыс жасау барысын, іс-әрекетін бақылау арқылы бағалау.

Сергіту сәтін өткізу