Қазақ тілі_2-сынып_1-бөлім Өзім туралы_Ауызекі сөйлеу _Дидактик

Құлын. Атам жайлаудан құлыны мен биені алып келді. Оны ағашқа байлап қойды. Биенің қасында ойнап жүрген құлын әдемі - ақ. Жанына жақындауға қорықтым. Біраздан кейін барғым келді. Құлын менен қорқып, біраз жерге ұзап барып, қарап тұрды . Қайта келіп, есік алдындағы шелекті иіскелей бастады. «Жануар - ай, шөлдеген екенсің ғой» деп ойладым. Көшедегі су құбырының суын ағызып қойдым. Құлын қорқа басып суға жақындады. Аузын тосып еді, су танауына(мұрнына кіріп кетіп, артқа кетіп келді. Суды азайтып ағыздым. Құлын суға тұмсығын тосып, ұзақ ішті. Осылайша екеуіміз достасып кеттік. 

Жаман жолдас. Екі дос ағаштың арасымен келе жатып бір аюға кездесті. Олардың біреуі әлсіз, ауру екен. Аюды көрген кезде дені сау бала ауру жолдасын тастап, жүгіріп барып, бір ағаштың басына шығып кетеді. Ауру, әлсіз досының ағашқа шығуға күші болмайды. Ол жерге жата қалды, өлген кісідей, дем алмастан жата қалады. Өйткені аю өлген кісіге тимейді екен. Аю жатқан адамның қасына келіп, иіскелеп, дыбысы білінбеген соң, жөніне кетеді.Аю кеткен соң, ағаштың басындағы жолдасы жерге түсіп,ауру досынан:- Аю сенің құлағыңа не деп сыбырлап кетті?- депті.- Басыңа қиыншылық түскенде, сені жалғыз тастап кеткен жолдасың жаман екен деді,- деп досы жауап беріпті.