Жылулық тепе-теңдік теңдеуі. Физика, 8 сынып, дидактикалық материал.

Есептер шығару «Жылулық тепе-теңдік баланс теңдеуі»

1. 100⁰С температурасындағы мыс бөлекті 15⁰С температурадағы 420 г суға салған. Осы кезде су 18⁰С-ге дейін қызған болса, мыс бөлшектің массасы неге тең?

2. 39 л көлемдегі 20⁰С суға 60⁰С температурадағы 21 л суды араластырғанда, қоспаның температурасы қалай өзгереді?

3. 20⁰С температурасындағы 200 г суға 10⁰С-дағы 300 г темір мен 25⁰С-дағы 400 г мысты орналастырған. Осы кездегі қоспаның температурасы қалай өзгереді?

4. Массасы 3 кг, температурасы 40⁰С суға 95⁰С температурадағы 500 г мысты салғанда, жылулық тепе-теңдік орнаған кездегі қоспаның температурасы неге тең?

5. Температурасы 20⁰С суға температурасы 100⁰С суды құйып араластырды. Сол кезде пайда болған қоспаның температурасы 40⁰С. Суық су массасының ыстық су массасына қатынасы қандай?

6. Температурасы 42⁰С массасы 6 кг суға температурасы 72⁰С массасы 4 кг су құйылды. Осының үстіне тағы да массасы 20 кг, температурасы 18⁰С су құйылса, қоспаның температурасы қандай болады?