Орган музыкасы. Музыка, 5 сынып, сабақ жоспары. 1 - сабақ.

Ұзақ мерзімді жоспар бөлімі:

1 тарау. Классикалық музыканың үздік туындылары

Сабақ: 1

Мектеп:

Күні:

Мұғалімнің аты-жөні:

Сынып: 6

Қатысқандар саны:

Қатыспағандар саны:

Сабақ тақырыбы

Орган музыкасы

Осы сабақта қол жеткізілетін оқу мақсаттары (оқу бағдарламасына сілтеме)

6.1.1.1 тыңдаған музыкалық шығарманы талдау және өнердің түрлері, стилі және жанрларын, сонымен қатар, өнердің өзге түрлерімен байланысын анықтау;

6.1.2.1 классикалық музыка жанрлары мен түрлерін анықтау;

6.1.3.1 әуеннің көңіл-күйі мен көркем бейнесін жеткізе отырып, екі дауыспен,немесе канон элементтерін қолдана отырып, әртүрлі стильдегі және жанрдағы әндерді орындау.

 Сабақ мақсаттары

Оқушылар:

• И. С. Бах «Токката мен фуга» ре минор шығармасымен танысып, талдайды;
• Орган аспабы туралы ақпарат алады;
• Шығарманы пәндік терминдерді қолдана отырып, талдайды;
• шығарманың әуенін жатқа үйренеді.

 Бағалау критерийлері

Оқушы:

• пәндік терминдерді қолдана отырып, музыкалық шығарманы талдайды;
• музыка жанрын анықтайды;
• топта белсенді жұмыс атқарады;
• шығарма әуенін мәнерлеп орындайды.

 Тілдік мақсаттар

Оқушылар:

музыканы талдау және талқылау барысында.пәндік терминдерді қолдана отырып шығарманы сипаттайды,

Талдауға арналған сұрақтар:

Орган аспабының дыбысталуы ..., оны естігенде менде … ассоциация болады;

Орган аспабын… салаларда қолдануға болады деп ойлаймын…;

Композиция тыңдау кезінде қандай сезімде болдыңыз?

Бұл аспаптың дыбысталуы басқа аспаптардан қалай ерекшелінеді? (фортепиано, синтезатор, баян т.б)?

Орган аспабының дауысында қандай ерекшелік бар?

Терминдер және түсініктер:

Орган, орган музыкасы, жанр, канон, композитор, токката, фуга

 Құндылықтарды дарыту

Неміс композиторы И.С. Бахтың классикалық музыкасын тындау, сонымен қатар топтық жұмысты ұйымдастыру арқылы музыка өнеріне деген құрметті тәрбиелеу.

 Пәнаралық байланыстар

-

 АКТ дағдылары

Мүмкіндік болған жағдайда смартфон/ноутбук құралдарын қолдана отырып ақпарат іздеу.

Бастапқы білім

Осы сабақтың мазмұны алдыңғы сыныптарда меңгерілген музыкалық шығармаға талдау жасау, орны пәндік терминдерді қолдана отырып (мысалы, жанр, композитор, классикалық музыка, музыкалық аспаптардың классификациясы, симфониялық оркестр), тыңдаған шығарманы сипаттау. Сонымен қатар, ән орындау барысында оқушылар ін айту ережелерін біледі және орындау дағдыларын ән айту барысында қолдана алады.

Сабақ барысы

Сабақтағы жоспарланған іс-әрекет

Оқушылармен сабақтың мақсаты мен тірек сөздерді талқылау.

Тапсырма. Талқылау.

«Аспаптар галереясын» қараңыз:

• Қандай аспаптар бейнеленген?
• Олар қандай топқа жатады?
• Бұл аспаптың көзбе көз қандай ерекшелігін байқадыңыз?
• Қалай дыбыстайды деп ойлайсыз?

Орган аспабы туралы оқушыларға ақпарат беру.

Тапсырма.Тыңдау және талдау.

И.С Бахтың «Токката мен фуга» ре минор шығармасынан (аудио, мүмкіндік болса видеожазба) үзінді тыңдатып, оқушыларға топта талдатыңыз. Сұрақтарды топтарға қағазға түсіріп беру немесе слайдтан көрсету. Әр оқушының қатысуын қадағалау.

1 топ:

• Бұл аспаптың ерекшелігін шығарма аша алды ма?
• Әлде керісінше, шығарманың ерекшелігін аспап көрсетті ме?

2 топ :

• Шығарма қандай музыканың түріне жатады?
• Сіз шығармаға қандай атау қояр едіңіз?

3 топ :

• Композиция тыңдау кезінде қандай сезімде болдыңыз? Неліктен?
• Токката мен фуга көз алдыңызға қандай бейнелер суреттеді? Себебі?

Түйіндеу: оқушыларға токката мен фуга сөздерінің айтылуын анықтаңыз.

Тапсырма. Ақпарат іздеу.

Оқушылардың ақпаратпен жұмыс істеуі (мүмкіндігінше топтық жұмысқа ноутбукты қарастыру, болмаған жағдайда тапсырма тақырыбына сай ақпараты бар түрлі дерек көздерін алдын ала қарастыру).

Бұрынғыдан өзге топқа бөліп, топтарға тақырыптың таратылуы:

1 топ - И.С.Бах шығармашылығы;

2 топ - Орган аспабының шығу тарихы;

3 топ - И.С. Бахтың жазған музыкасы.

Бағалау критерийлері:

• Берілген тақырыпты жеткізу;
• топтық жұмыс;
• пәндік терминдердің қолдануы.

Оқушыларға дайындалу үшін уақыт беру және содан кейін топтың мүшелерінің жауаптарын тыңдау.

Оқушылардың берілген ақпаратты дәптерге жазбаша түсіруі.

Берілген бағалау критерийлеріне сүйене отырып, өз ара бағалауды ұйымдастыру.

Тапсырма. Орындау.

И.С Бахтың "Токката мен фуга" ре минор шығармасының негізгі әуенінің үзіндісін (3 фразасын) "та" буынымен бірнеше мәрте орындату, сонымен қатар әуенді таза айтып, ырғағының нақты айтылуын қадағалау. Орындауға ырғақтық суретті қосып орындату. Орындаудағы мәнерлеп айтудың рөлін еске түсіріп қайталау. Балалармен канон терминін еске үсіріп, әуенді орындату. 1 топ- оқушылар, 2 топ- мұғалім.

Қосымша тапсырма: Оқушылардан әуеннің жүрісін бірнеше рет қолмен көрсеткізіп, сосын оны сызықтардың көмегімен жазып көрсетуді ұсыныңыз. Үлгіге қарап өз өздерін тексертуді ұйымдастырыңыз.

Тапсырма. Қорытындылау.

Оқушыларға парақшаларды таратып, түсініктерге сәйкестікті табуды ұсыну: токката, фуга, И.С.Бах, орган, аспаптық музыка, вокалдық музыка, үрмелі топ, ішекті топ, ұрмалы топ, классикалық музыка.

Бірінші болып орындаған топқа оқып шығуды тапсыру.

Рефлексия

• Не үйрендіңіз?
• Сізге не ұнады?
• Қай тапсырма қиын болды?

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Музыканы талқылауға арналған тапсырма барысында топтарға бағыт беру арқылы қолдау көрсету.

Аспапта орындау дағдылары жоғарырақ оқушылар "Токката мен фуга" шығармасының үзіндісін аспапта орындау (музыкалық білімі бар оқушылар-ми нотасынан)

Топтық жұмыста оқушылардың бір біріне көмек көрсетуі.

Ақпаратты іздеуге арналған тапсырмада бағалау критерийлеріне сүйеніп, топтардың жұмысын бір біріне бағалау арқылы тапсыруға болады.

Орындау тапсырмасында үлгіге қарап оқушылардың өз өздерін тексеруі.

Оқушылардың топта атқарылатын жұмыстарын қадағалау.

Сабақ бойынша рефлексия

Сабақ мақсаттары /оқумақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақытты кезеңдері сақталды ма?

Сабақ жоспарынан қандай ауытқулар болды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?