Су дыбыстары. Музыка, 3 сынып, қосымша материал. 1 – сабақ.

 Сабақты ұйымдатыруға арналған әдістемелік нұсқаулық

«Су – тіршілік көзі» бөлімінің алғашқы тақырыбы «Су дыбыстары» деп аталады. Сабақтың тақырыбын ашып алу үшін оқушыларды жұппен отырғызып, судың түрлі күйі бейнеленген суреттерді жұптарға таратпаны беріңіз. Дидактикалық материалдар. 1-қосымша.

Оларға су дыбыстарын тыңдай отырып, суреттегі сәйкесті табуды тапсырыңыз.

1 дыбыс –үңгірдегі су, 2 дыбыс – өзен, 3-дыбыс – толқын, 4- су астындағы дыбыс, 5 дыбыс-кранна аққан су, 6 дыбыс – жаңбыр, 7 дыбыс – сарқырама, 8 дыбыс –шатырдан аққан мұздық

Су туралы оқушылардан не білетінін сұраңыз. Су туралы қызықты ақпараттарды оқып беріңіз. Дидактикалық материалдар. 2-қосымша.

1-тапсырмада оқушыларға Қабыкей Ахмерұлының «Сары ала қаз» күйін тыңдауды ұсыныңыз. Сұрақтарды талқылап болған соң шығарманың авторы мен орындаушысы жайлы қысқаша ақпарат беріп кетіңіз. Дидактикалық материалдар. 3-қосымша.

2-тапсырмада оқушыларға түрлі деңгейде су құйылған кеселермен/стакандармен музыкалық әуен құрастыруды тапсырыңыз. Алдымен кеселермен/стакандармен орындалған әуендердің бейнесюжеттін көрсетіңіз.

Ол үшін алдын-ала 3-4 топқа жететіндей 15-20 дай әр түрлі деңгейде су құйылған кеселер/стакандар жәнеағаш таяқшалар дайындап алыңыз. Оқушыларды 3 немесе 4 топқа бөліңіз. Оларға композиция құрастыру үшін уақыт беріңіз. Әр топ өз композицияларын орындаған соң, оқушылармен кері байланыс жүргізіңіз.

• Сіздің орындауыңызда не жақсы шықты?
• Не дұрыс шықпады?
• Тағы нені жақсартуға болады?

Оқушылардың жауабын тыңдап, бірге талқылаңыз.

3-тапсырмада оқушыларға Е. Сейдахметовтың сөзіне жазылған В. Стригоцкийдің «Желкенді кеме» әнін ережеге сай үйретіңіз. Әннің сөзін таратып беріңіз.

Дидактикалық материалдар. 4 -қосымша.

Осы бөлім тақырыптарын толық меңгергенде оқушылар:

• Судың түрлі күйіндегі дыбыстарын тыңдап, ажыратады;
• тыңдалған әуеннің сипатын, мазмұнын, жанрын, көркемдеуші құралдарын анықтайды;
• су құйылған кеселермен су әуенін құрастырады;
• В. Стригоцкийдің «Желкенді кеме» әнін үйренеді және орындайды.