Музыка және поэзия. Музыка, 3 сынып, қосымша материал. 1 – сабақ.

 Сабақты ұйымдатыруға арналған әдістемелік нұсқаулық

«Өнер» бөлімінің алғашқы тақырыбы «Музыка және поэзия» деп аталады. Сабақтың тақырыбы және мақсатымен таныстырыңыз.

1-тапсырмада оқушыларға Мұқағалидың «Оңай сөз ғой, Отанды сүйем деген» - өлеңінің бейне жазбасын қаратудан бастаңыз. https://marataga.wordpress.com/2011/08/03/hello-world/

Бейнежазба болмаған жағдайда өлеңнің толық нұсқасын А.Енсепов «Балалық шақ» композициясының сүйемелдеуімен мәнерлеп оқып беріңіз. 1-қосымша.

Бейнежазбаны көргенен соң сұрақтарды талқылап, поэзия не екенін айтып кетіңіз.

Музыка мен поэзияның байланысы жайлы айтыңыз. Олардың бір-бірін толықтырып тұратын үйлесімділігі жайлы түсіндіріңіз.

2-тапсырмада оқушыларға ақпарат іздеу үшін «Музыкалық сөздік», газет журналдар дайындап алыңыз, интернет желісін пайдалануға рұқсат етіңіз, алдын-ала ноутбуктар дайындап қойыңыз. Немесе қосымшада ұсынылған ақпараттарды шығарып дайындап беріңіз.

Мұқағалидың өмірі мен шығармашылығы жайлы ақпарат. 2-қосымша http://adebiportal.kz/kz/news/view/2690

Мұқағалидың өлеңдеріне жазылған әндер жайлы ақпарат. 3 -қосымша

https://qazaquni.kz/2012/02/15/10732.html

3-тапсырмада оқушыларға «Балалық шақ» тақырыбына екі шумақ өлең шығаруды тапсырыңыз. Өлең шығаруға уақыт беріңіз және көмек қажет оқушыларға көмек беріңіз.

4-тапсырмада А.Енсепов «Балалық шақ» күйінің сүйемелдеуімен «Балалық шақ» тақырыбына жазған өлеңдерін мәнерлеп оқуды ұсыныңыз. Оқушылардың орындауын бағалау үшін алдын-ала бағалау критерийлерін дайындап алыңыз. Мысалы,

Бағалау критерийі;

• өлеңнің мазмұны;
• өлеңнің ұйқасы;
• өлеңнің әуенмен үйлесуі;
• мәнерлеп орындау шеберлігі.

Осы бөлім тақырыптарын толық меңгергенде оқушылар:

• поэзия туралы және музыкамен поэзияның бір-бірін толықтыратынын біледі;
• Мұқағалидың өмірі мен шағармашылығымен танысады;
• «Балалық шақ» тақырыбына өлең жазады;
• өлеңді мәнерлеп оқуды үйренеді.