Бәріне ортақ музыка. Музыка, 3 сынып, қосымша материал. 5 - сабақ.

 Сабақты ұйымдатыруға арналған әдістемелік нұсқаулық

«Өнер» бөлімінің соңғы тақырыбы «Бәріне ортақ музыка» деп аталады.

Сабақтың тақырыбы және мақсатымен таныстырыңыз.

1-тапсырмада оқушыларға Л. Хамиди «Қазақ вальсы» әнін Күміс Базарбаеваның орындауында тыңдатыңыз. Оқушылармен сұрақтарды талқылаңыз. Әннің құрылымын анықтауды тапсырыңыз. Ол үшін алдын-ала геометриялық фигуралар бейнеленген карточкаларды таратып беріңіз. Оқушылардың құрылымын дұрыс анықтағанын тексеріп қарап шығыңыз.

Вальс туралы ақпарат беріп кетіңіз. Дидактикалық материалдар. 1-қосымша.

2-тапсырмада оқушыларға Е.Сейдахметовтың сөзіне жазылған С.Тұяқова,

«Мектеп вальсы» әнін ережеге сай үйретіңіз. Әннің сөзін таратып беріңіз.

Дидактикалық материалдар. 2-қосымша.

3-тапсырмада әнді шулы және ұрмалы аспаптардың сүйемелдеуімен орындауды тапсырыңыз. Орындау бағаланатынын ескертіп бағалау критерийімен таныстырыңыз. Шулы және ұрмалы музыкалық аспаптарды дайындап алыңыз.

Бағалау критерийі:

• Ансамбльді сақтайды;
• Ырғақты дұрыс сақтайды;
• Әнді музыкалық аспаптармен сүйемелдейді;

4-тапсырмада оқушыларға «Мектеп вальсы» әніне вальс билеп үйренуді және билеп көрсетуді ұсыныңыз. Ол үшін оқушыларды жұптастырып кең орынды жерге орналастырыңыз. Вальс қалай биленетінін көрсетіңіз немесе би мұғалімін сабаққа шақырып, оқушыларға көрсетуін сұраңыз.

Осы бөлім тақырыптарын толық меңгергенде оқушылар:

• Музыка тыңдап, шығарманы талдайды;
• Музыкалық шығармалардың құрылымын анықтайды;
• Вальс биімен танысады және билейді;
• Әнді музыкалық аспаптардың сүйемелдеуімен орындайды.