Табиғат дыбысы. Музыка, 3 сынып, сабақ жоспары. 2 - сабақ.

Ұзақ мерзімді жоспар бөлімі: 1 бөлім: «Тірі табиғат»

Сабақ: 2

Күні:

Мұғалімнің аты-жөні: Магавина Гульбану

Сыныбы:

Қатысқандар

саны:

Қатыспағандар саны:

Сабақ тақырыбы:

Табиғат дыбысы

Осы сабақта қол жеткізілетін оқу мақсаттары (оқу бағдарламасына сілтеме)

3.1.1.1- тыңдалған әуеннің сипатын, мазмұнын, жанрын, көркемдеуші құралдарын анықтаужәне салыстыру

3.1.2.3 - музыкалық штрихтарды қолдана отырып,аспаптарда ойнау дағдыларын көрсету

 Сабақ мақсаттары

Оқушылар:

• аспаптарда орындалған музыканы талдайды, сыбызғы, сазсырнай аспаптарын ажыратады;
• тембр және интонация терминімен танысады;
• тыңдалған әуенге ырғақтық сүйемелдеу жасайды.

 Бағалау

 критерийлері

• Тыңдалған әуеннің музыкалық көркемдеуші құралдарын анықтайды.
• Екі әуеннің дыбысталуын салыстырады.
• Ұлттық аспаптарды ажыратады

 Тілдік мақсаттар:

Оқушылар:

• музыканы талқылай және талдай алады;
• тыңдалған музыкалық шығармалары туралы өз ойын ортаға салады.

Пәндік лексика мен терминология:

• тембр;
• интонация
• сыбызғы;

сазсырнай;

Талқылауға арналған сұрақтар:

• Бұл ненің дыбысы?
• Бұл дыбысты қайдан кездестіруге болады?

Құндылықтарды дарыту

Топтық жұмыстарға қатысу арқылы оқушылардың бір-біріне деген құрмет сезімерін қалыптастыру.

 Пәнаралық

 байланыстар

Дүниетану пәнімен байланыс – оқушылар табиғат құбылыстарын анықтайды

 АКТ дағдылары

Бастапқы білім

Оқушылар кемпірқосақ түстеріне сай ноталары ажыратып үйренді. Скрипка балалайка, қобыз аспаптарында орындалған музыканы тыңдап, анықтап

Сабақ барысы

Сабақтағы жоспарланған іс-әрекет

Музыкалық сәлемдесу

Сабақ тақырыбы мен мақсаттарын анықтау үшін оқушыларға табиғат дыбыстары тыңдатылады

Жаңбыр, жел, бұлбұл құс, тоқылдақ

• Бұл ненің дыбысы?
• Бұл дыбысты қайдан кездестіруге болады?

Бүгінгі сабақта біз

• музыкалық аспаптармен танысамыз;
• аспаптарының дыбысталуын тыңдап, оларды ажыратып үйренетін боламыз .
• тембр және интонация терминімен танысамыз.

Тапсырма 1. Музыка тыңдау және талдау

- Балалар, қазір сіздер екі әуен тыңдайсыздар. Тыңдалған әуенді талдау үшін партада қасыңызда отырған досыңызбен ақылдаса отырып мына парақтарды толтыру қажет болады

Әрбір жұпқа музыка талдау парақтары беріледі.

Оқушыларға сыбызғы және сазсырнай аспаптармен орындалған әуен тыңдатылады.

Оқушылар әрбір әуенді 2 рет тыңдайды. Бірінші рет өзі тыңдау үшін, екінші рет сыныптасымен ақылдасып талдау үшін тыңдайды.

Бірнеше оқушы өз жауаптарымен бөліседі.

Қалыптастырушы бағалау. Сынып оқушылардың жазғанымен келісемін, келіспеймін деп басбармақ әдісін қолдана отырып көрсетеді.

Тапсырма 2. Аспаптарды анықтау және ажырату

Оқушыларға сыбызғы және сазсынай аспаптарының суреттері көрсетіледі.

• Жаңағы тыңдалған күйлер осы екі аспапта орындалды. Бұл аспаптар қалай аталады?
• Қандай аспаптар қатарына жатады?
• Сазсырнай аспабы неден жасалған?
• Сыбызғы аспабы неден жасалған?

Сыбызғы және сазсырнай аспаптары қалай жасалатыны туралы бейнематериал көрсетіледі.

Музыкалық терминдермен танысу

Тембр  (фр. tіmbre – кішкене қоңырау) – дыбыстың сапасы (оның “бояуы”, “характері”). Ол әр түрлі аспаптарда немесе түрлі дауыста орындалған белгілі бір биіктіктегі дыбыстарды ажыратуға мүмкіндік туғызады. Тембр дыбыс тербелістерінің формасына байланысты болады. Тембрге музалық аспаптың материалы, формасы, дыбыс шығару тәсілі, т.б. әсер етеді.

Интонация  латын тілінде «қатты айтамын» дегенді білідереді. Кең мағынада көркем образды музыкалық дыбыстар арқылы жеткізу дегенді білідреді. Интонацияны музыканың жаны, музыкалық ойлау мен түсініктің негізі деп атайды.

Тапсырма 3. Дауысты анықта ойыны

Ойынның мақсаты оқушылар бір-бірінің дыбыс бояуы мен интонация арқылы тануы.

Ойынның шарты. Барлық оқушылар көздерін жұмып отырады. Мұғалім сынып ішінде жүріп бір оқушыны таңдап түртеді, сол оқушы өлең оқып немесе ән орындауы қажет.

Тапсырма 4. Ырғақтық сүйемелдеу орындау.

Оқушылар Сейдолла Байтерековтың «Кішкентай» күйін тыңдайды.

Топқа бөлу. Үлкен шеңберге оқушыларды тұрғызып 3 топқа санау бойынша бөлінеді.

1 топ – ұрмалы аспаптар /ағаш таяқшалар, тоқылдақ, дауылпаз, тұяқтас, барабандар /

2 топ – шулы аспаптар /сылдырмақ, қолдан жасалған маракастар, бубен, асатаяқ/

3 топ – музыкалық аспаптар /металлофондар/

Музыка ойналған уақытта мұғалім сандарды айту арқылы әр аспаптар тобына орындау қажет партияны ойнатады. Оқушылар шеңбер бойымен тұрып ойнайды. Белгілі бір топ партияны ойнап тұрғанда қалған оқушылар музыкаға сай шеңбер бойымен жүреді.

Топтар өз партиясын мұғалімнің көмегімен бірнеше рет орындап болған соң, топтар күйге сүйемелдеуді өздері орындайды.

Оқушылар өз орындауларын бағалайды

Рефлексия:

• Бүгін не білдім?
• Бүгін не үйрендім?
• Маған не ұнады?
• Тағы да нені білгім келеді?

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Музыканы талдау барысында музыканың көркемдеуші құралдары жазылған стендке оқушылардың назарын аудару.

Күйге сәйкес ырғақтық сүймелдеу орындау барысында ырғқтық қабілеті төмен оқушылармен орындалатын ырғақты бірнеше рет орындап көрсету.

Бақылау

Өзара бағалау

Бағалау критерийлері арқылы

Ырғақтық сүйемелдеу жасау барысында оқушылар шеңбер бойымен қозғалып жүреді.

Интерактив тақтасын кажет болмаған кезде өшіріп отыру

Сабақ бойынша рефлексия

Сабақ мақсаттары /оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақытты кезеңдері сақталды ма?

Сабақ жоспарынан қандай ауытқулар болды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?