Менің мектебім. Музыка, 1 сынып. Сабақ жоспары.

Ұзақ мерзімді жоспар бөлімі:

2 бөлім- Менің мектебім

Көкшетау қаласындағы физика-математика бағытындағы Назарбаев Зияткерлік мектебі

Күні:

Мұғалімнің аты-жөні: Магавина Г. Ғ.

Сынып:

Қатысқандар саны:

Сабақ тақырыбы

Менің мектебім

Осы сабақта қол жеткізілетін оқу мақсаттары

1.1.2.1 ән айтуда оның сипатына және әндету ережелеріне сәйкес орындау

1.1.1.2 шулы және музыкалық дыбыстарды ажырату

 Сабақ мақсаттары

• оқушыларды «музыкадағы ырғақ» түсінігімен таныстыру;
• Қысқа және ұзын дыбыстарды есту арқылы ажыратуға, оларды дауыстап айтуға және қимылмен көрсете білуге үйрету;
• «Сандар туралы ән» әнін үйрету

 Бағалау

 критерийлері

Әнді екпіні мен ырғағын сақтай отырып орындайды.

Әнде айтылатын қысқа және ұзақ дыбыстарды анықтайды.

 Тілдік мақсаттар

Оқушылар:

•қоршаған ортада естіген дыбыстарды суреттеу;

•шығарманың дыбысталуын қарапайым терминдермен талдау;

Пән лексикасы мен терминологиясы

Түйін сөздер

ырғақ – ритм – rhythm

қысқа дыбыс – короткий звук – short sound

ұзақ дыбыс – длинный звук – long sound

Диалогқа/жазуға қажетті сөз тіркестері

• Музыка нені еске түсіреді?

• Музыканы басқаша қалай өзгерте аламыз?

• Сіздің ұсынысыңыз қандай?

Ырғақты қай жерде естуге болады?

 Құндылықтарды

 дарыту

Ынтымақтастық, құрмет, еңбек және шығармашылық

 Пәнаралық

 байланыстар

Математика Ырғақ әрқашан есеппен байланысты. Мысалы: марштың ырғағы, бір, екі, үш, төрт есебінде екпінді «бір» және «үш» есебіне береміз.

Дүниетану Оқушылардан күнделікті сабақ күні немесе бір сабақ туралы ойлауларын сұраңыз. Ырғақтың басы, ортасы мен аяғын мысалы қалай көрсетер еді? Табиғатта да ырғақ бар. Олар қандай?

 АКТ қолдану

 дағдылары

Бұл сабақта АКТ дағдылары қолданылмайды

Бастапқы білім

Оқушылар Курвен жүйесі бойынша қол белгілерін қолданады, музыка жайлы өздерінің қарапайым пікірлері мен ұсыныстарын жасайды және талдай біледі, соль, ми ноталарына негізделген әндермен танысты, музыкалық-шулы ұрмалы аспаптарда ойнайды.

Сабақ барысы

Сабақтағы жоспарланған іс-әрекет

Ресурстар

«қайырлы күн»

«добрый день»

«good day» сөздеріне музыкалық сәлемдесу

/Оқушыларды сабақтың тақырыбына бағыттау үшін, амандасулар қысқа және ұзақ дыбыстардан тұруы керек./

Музыка тыңдау

Сөзі А.Естеновтікі, музыкасы А.Танидің

«Сандар туралы әнін» тыңдаңыз. Әндегі қысқа және ұзақ дыбыстарды анықтаңыз..

• Ән қалай орындалады?
• Тез немесе баяу?
• Әннің көңіл-күйі қандай?

Әннің қысқа ырғағында қолды шапалақтауды, ұзын ырғағында тізені соғуды ұсыныңыз.

Ырғақ соғу

Ырғақ- бұл ұзын және қысқа дыбыстардың алмасуы, күшті және әлсіз бөліктерінің алмасуы, олардың бірізділігіндегі дыбыс ұзақтығының байланысы. Ырғақ музыкалық шығарманың жанрымен мінезіне тәуелді. Қысқа және ұзын (ұзақ) дыбыстар – кез-келген ырғақтың негізі. Ырғақ әрқашан есеппен байланысты. Мысалы: марштың ырғағы, бір, екі, үш, төрт есебінде екпінді «бір» және «үш» есебіне береміз.

оқушылардан сұрау:

- мектепте ырғақты дыбыс шығаратын қандай зат бар, қандай нәрсе ырғақты қозғалады және ырғақтан тұрады?

- табиғатта ырғақ бар ма, олар қандай?

/оқушылардың жауабын тыңдау/

Практикалық бөлім:

-Оқушыларға тоқылдақ аспабы беріледі, олар кезекпен өз ырғақтарын ойлап тауып ойнап шығуы керек.

Сонан соң әр оқушы ойнаған ырғаққа өз есімін немесе мектептегі заттардың атауын қосып айтады.

Терминдермен жұмыс

-оқушыларға сөйлейтін қабырғаларда тұрған терминдерді көрсету, қажет болған жағдайтда қарап есіне түсіруге болатыны жайлы айту

Ырғақтық карталармен жұмыс

Оқушылар та, те бауындарына ырғақтарды айтады.

Сонан кейін оқушыларды жұпқа бөлу

Әр жұпқа ырғақтың түрлі сызбалары салынған флэш-карталар таратылады. / .- қысқа дыбыс ___ - ұзын дыбыс/

Оқушылар ырғақтық сызбаға сүйеніп мектеп туралы сөздерді ойлап тауып, сол сызбаға сай ырғақпен орындауы қажет

«Сандар туралы ән» мұғалімнің сүйемелдеуімен орындау.

Ағасы:

Болмағанмен еш кемің,

Сен – үште, мен - бестемін.

Дұрыс болар үлкенді

Сыйлап әркез өскенің.

Інісі:

Жақсы болып өс деген,

Ақылыңда қош көрем,

Айтшы бірақ анықтап,

Үш деген не, бес деген?

Ағасы:

Үш пен бестің арасы

Қанша болар? Санашы:

Бір қолдағы бес саусақ

Ол менмін ғой, қарашы.

Енді дегбір қашырма,

Жұм екеуін, жасыр да.

Санай алсаң қалғанын,

Шығар сенің жасың да.

Оқушылар әнді өздеріне музыкалық аспаптармен сүйемелдей отырып орындайды.

Рефлексия:

Мен бүгін не білдім?

Сұрағына оқушылар ауызша жауап береді.

Балалардың сабақ соңындағы көңіл-күйін білу үшін, мұғалім сыныптың екі жақ қабырғасында тұрған көңілді және көңілсіз смайликті көрсетеді. Оқушылар өз қалаулары бойынша смайликтің қасына барып тұрады.

Оқушылармен ырғақтық қоштасу

Тақтада бейнеленген ырғаққа сай «сау болыңыз» деп айту

Синтезатор

«Сандар туралы ән» ойын-өлең. Сөзі А.Естеновтікі, музыкасы А.Танидікі

тоқылдақ

қабырғадағы

терминдер

Презентация

Жұптарға арналған сызбалар

Әннің сөзі

Музыкалық аспаптар

Қабырғадағы смайликтер

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Шығармашылық тапсырмаларды орындау барысында мұғалім көмек қажет ететін кейбір оқушыларға бағдар беріп отырады

Ырғақтық тапсырманы тез орындап болған кейбір оқушыларға өздерінің ырғақтық сызбасын жасау ұсынылады.

Өзара бағалау

Бағалау критерийлері бойынша бағалау

Жұптық жұмыс барысында сызбаларды дұрыс орындау, ырғақтарды жеке орындау барысында оқушыларды бақылап қалыптасытырушы бағалау жүргізу.

Қауіпсіздік техникасын сақтау

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?