Нақты процестердің графиктерін қолданып шамалар арасындағы тәуелділіктерді зерттеу. Математика, 6 сынып, дидактикалық материал.

Жеке жұмыс.

Тапсырма 3.

№1.

4-суретте 14 тәулік бойы белгілі бір уақыттағы ауа температурасының өзгерісі кескінделген. Графиктен төмендегі сұрақтарға жауап беріңіздер:

4-сурет.

а) Берілген график бойынша ауа температурасы неге тәуелді?

b) Неше күн бойы ауа температурасы нөлден төмен болды?

c) Неше күн бойы ауа температурасы нөлден жоғары болды?

Дескриптор: Білім алушы

- тәуелсіз айнымалыны жазады;

- ауа температурасы нөлден төмен болған күнді жазады;

- ауа температурасы нөлден жоғары болған күнді жазады.

№2.

5-суретте қалтқының су толқынымен қозғалыс графигі кескінделген. h - қалтқының су толқынымен қалыпты деңгейден ығысу биіктігі (сантиметр есебімен), t – уақыт (секунд есебімен).

5-сурет

Графиктен мыналарды анықтаңыз:

• Су толқынымен қалтқы неше сантиметр (ең биік) жоғары көтерілді?
• Су толқынымен қалтқы неше сантиметр (ең төмен) төмен түсті?
• Қалтқы қандай уақыт аралықтарында су толқынымен жоғары көтеріле бастады?
• Қалтқы қандай уақыт аралықтарында төмен (ең жоғары көтерілуінен) түсе бастады?

Дескриптор: Білім алушы

- қалтқының ең биік көтерілген биіктігін табады;

- қалтқының ең төмен түскен биіктігін табады;

- жоғары көтерілген уақыт аралығын табады;

- төмен түскен уақыт аралығын табады.