Центрлік симметрия. Осьтік симметрия. Математика, 6 сынып, сабақ жоспары.

Ұзақ мерзімді жоспар бөлімі:

6.3С Координаталық жазықтық

Мектеп: Атырау қаласы ХББ НЗМ

Күні:

Мұғалімнің аты-жөні: Шамеденова Л.Х.

Сынып: 6

Қатысқандар саны:

 Қатыспағандар саны:

Центрлік симметрия. Осьтік симметрия

6.3.2.5

тік бұрышты координаталар жүйесінде координаталар басы және координаталық осьтерге қатысты симметриялы нүктелер мен фигураларды салу;

Оқушыларға:

• тік бұрышты координаталар жүйесінде координаталар басына қатысты симметриялы нүктелер мен фигураларды салып үйрету;
• тік бұрышты координаталар жүйесінде координаталық осьтерге қатысты симметриялы нүктелер мен фигураларды салып үйрету.

Оқушылар:

• тік бұрышты координаталар жүйесінде координаталар басына қатысты симметриялы нүктелер мен фигураларды салады;
• тік бұрышты координаталар жүйесінде координаталық осьтерге қатысты симметриялы нүктелер мен фигураларды салады.

Оқушылар

• түзуге немесе нүктеге қатысты берілген функцияларға симметриялы фигураларды салады.

Пәнге қатысты лексика мен терминология:

• симметрия;
• осьтік симметрия, центрлік симметрия;
• симметрия осі;
• симметрия центрі;
• фигура бейнесі;
• фигураның бастапқы бейнесі.

Диалогқа/жазылымға қажетті тіркестер:

• берілген нүктенің оське қатысты симметриялы нүктесін салу үшін ...;
• берілген нүктенің центрге қатысты симметриялы нүктесін салу үшін ...;
• координаталар басына қатысты симметриялы нүктелердің ... болады;

- абсцисса осіне қатысты симметриялы нүктелердің ... болады.

Жұптық тапсырмаларды орындағанда ынтымақтастық пен өзара құрмет құндылықтарын дарыту. Жеке тұлғааралық қарым-қатынасты қалыптастыру және қолдау, өзара құрмет, өзара жауапкершілік.

Осьтік және центрлік симметрия ұғымдарын меңгеру, салып білу арқылы қоршаған ортада кездесетін сызбалардан (суреттерден) алынған ақпараттарды талдау және зерттеу.

Оқушыларды Active Board-тың кең спектрін пайдалануды үйрету, АКТ бойынша дағдыларын дамыту және жетілдіру, симметриялы фигураларды көрсету.

Вертикаль және сыбайлас бұрыштардың анықтамаларын білу; координаталық түзуді кескіндей алу және координаталық түзуде нүктелерді белгілей алу.

 Сабақ барысы

 Сабақтағы жоспарланған іс-әрекет

Ұйымдастыру кезеңі.

Сәлемдесу

Біріккен оқу ортасын құру.

Үй тапсырмасын тексеру, көмек қажет ететін оқушыларға көмек ұйымдастыру.

Оқушылардың сабаққа ынтасын аударып, қызығушылығын арттыру, күш қуатын нығайту үшін сергіту сәтін ұйымдастыру.

«Математиктер биі»

 Оқушылар, бүгінгі сабақ өткен тақырыпты пысықтау сабағы, сондықтан негізгі теориялық ұғымдарды, қасиеттерді еске түсіре отырып жұмыстанамыз.

Жалпы сыныппен талқылап орындау ұсынылады.

№1. Қай фигураның симметрия осі жоқ?

№2. Дәптерлеріне берілген суреттерді көшіріп алыңыз. k түзуіне қатысты симметриялы фигураны салыңыз.

№3. Қызыл сызыққа қатысты симметриялы екі фигура берілген. Бос орынды толтырыңыз.

А нүктесі ___ нүктесіне симметриялы.

М нүктесі ___ нүктесіне симметриялы

Тапсырмаларды орындау кезінде сырттай бақылаңыз, қажет болған жағдайда көмек ұйымдастырыңыз. Орындалған әр жұмысқа кері байланыс беріңіз.

Сабақ мақсаты бойынша түсіндіріле орындалатын тапсырмалар:

Координаттық жазықтықта нүктелерді салмай,

- абсцисс осіне (көк түсті)

- ордината осіне (қызыл түсті)

симметриялы нүктелердің координаталарын жазыңыз:

- координаталар бас нүктесіне (сары түсті)

симметриялы нүктенің координаталарын жазыңыз.

Мысалы,

– абсцисс осінде 0,2 және -0,2 сандары қалай орналасқан? (координаталар бас нүктесінен бірдей қашықтықта және оған симметриялы).

– ординат осінде 0,3 және -0,3 сандары қалай орналасқан? (координаталар бас нүктесінен бірдей қашықтықта және оған симметриялы).

– Қандай қорытынды шығаруға болады? (нүктелер координаталар бас нүктесіне симметриялы орналасқан).

– Координаталар бас нүктесіне симметриялы орналасқан нүктелердің координаталарын жалпы түрде жазу формуласын шығарайық.

Координаталар бас нүктесіне симметриялы нүктелердің координаталары (x; y) и (– x; – y).

Абсцисс осіне симметриялы орналасқан нүктелер координаталары(x; y) и (x; – y).

Ордината осіне симметриялы орналасқан нүктелер координаталары(x; y) и (–x; y).

– Тапсырманың жауабы:

Жеке оқулықпен жұмыс (өзі оқып, түсініп орындауға)

№1211

Координаталық жазықтықтағы А(2;5); В(-3;2); С(-4;-4) нүктесіне: ординаталар, абсциссалар остеріне қатысты симметриялы нүктені тауып, координаталарымен жазыңдар

Дескриптор:

• координаталар жүйесінде нүктені координаталары бойынша белгілейді, салады;
• осьтерге қатысты табылған нүктелердің координаталарын жазады.

№1238 

Координаталық жазықтықта. А(3;4) нүктесі берілген:

1) А нүктесіне ординаталар осіне қатысты симметриялы А₁ нүктесін салыңдар;

2) А₁ нүктесіне абсциссалар осіне қатысты симметриялы А₂ нүктесін салып, оны координаталарымен жазыңдар. Координаталар басы О нүктесіне қатысты А және А₁ нүктелері симметриялы бола ма? Дәлелдеңдер.

Дескриптор:

• координаталар жүйесінде нүктені координатасы бойынша белгілейді, салады;
• осьтерге қатысты табылған нүктелердің координаталарын салады, жазады;
• оське қатысты нүктелердің симметриялы болатынын дәлелдейді.

№1240

Координаталық жазықтықтағы А(-3;1) нүктесі төбесі болатын, ABCD тік төртбұрышының симметрия центрі – E(2;3) нүктесі. Оның B, C және D төбелері координаталарымен жазыңдар. ABCD тік төртбұрышының ауданын табыңдар.

Дескриптор:

• координаталар жүйесінде нүктені координатасы бойынша белгілейді, салады;
• ізделінді нүктелерді салады, координаталарын жазады;
• тік төртбұрышының ауданын табады.

Тапсырмалар орындалып болған соң ұсынылған дайын дескриптор бойынша оқушы өзін – өзі бағалайды.

Жұппен орындауға тапсырма

№1.

Координаталық жазықтықта:

1) А(-8; 2); В(-2; 2); С(-2; -4) төбелері бойынша ABCD квадратын салыңдар. Оның D төбесін, координатасын табыңдар.;

2) ординаталар осіне қатысты ABCD квадратына симметриялы A₁B₁C₁D₁ квадратын салып, оның симметрия центрі болатын Ғ нүктесін табыңдар. Ғ нүктесін координаталарымен жазыңдар.

№2.

О нүктесіне қарағандағы берілген фигуралардың симметриясын салыңдар.

Дескриптор: Білім алушы:

• квадраттың D төбесін, координаталарын дұрыс табады;
• ординаталар осіне қатысты симметриялы фигураны салады;
• Ғ нүктесін және оның координаталарын табады.

Дайын дескриптор арқылы жұптар арасында өзара бағалау ұйымдастырыңыз.

Сабақты қорытындылау

Оқушылардың бүгінгі сабақ бойынша алынған оқу мақсаты, оның орындалуы туралы пікірлерін тыңдау.

Үйге тапсырмасы № 1241

Тік бұрышты координаталар жүйесінің координаталар басы О нүктесіне қатысты Е(х; 3) нүктесі Ғ(2; у) нүктесімен симметриялы. х – ті және у – ті табыңдар.

Рефлексия

 Бүгін мен білдім …

 Мен … сезіндім

 Мен үшін қызықты болғаны …

 Бұл туралы менің басқа пікірім бар …

 Менің тағы да тыңдағым келеді …

 Тапсырма бойынша жұмыс … маған көмектесті.

 Менде ынта пайда болды …

 Саралау –оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

 Бағалау – оқушылардың материалды меңгеру деңгейін қалай тексеруді жоспарлайсыз?

 Денсаулық және қауіпсіздік техникасының сақталуы.

Сабақ барысында шығарылатын есептер деңгейге қарай сараланған. Ұсынылған есептерде оқушы қабілеттері де ескеріледі.

Әр жұмыстан кейін кері байланыс жасап отыру. Жұптық және жеке жұмыстарда бірін-бірі бағалау,өзін өзі бағалау жүргізіледі.

Іс – әрекеттегі өзгерістер оқушыларға күштері мен көңіл-күйлерін тиімді қолданып, жақсы нәтижелерге қол жеткізуге мүмкіндік береді. Көзге жаттығу орындауды ұсыныңыз.