Сан аралықтардың бірігуі мен қиылысуы. Математика, 6 сынып, сабақ жоспары.

Ұзақ мерзімді жоспар бөлімі:

6.3В Бір айнымалысы бар сызықтық теңсіздіктер

Мектеп: Атырау қаласындағы химия-биология бағытындағы Назарбаев Зияткерлік мектебі

Күні:

Мұғалімнің аты-жөні: Шайхиева Н.Ш.

Сынып:

Қатысқандар саны:

 Қатыспағандар саны:

Сан аралықтардың бірігуі мен қиылысуы

6.2.2.9

сан аралықтардың бірігуін және қиылысуын табу;

Оқушылар:

• Координаталық түзуде нүктелерді белгілейді;
• Cан аралықтарынының түрлерін біледі және ажыратады;
• Сан аралықтарын координаталық түзуде кескіндейді;
• Сан аралықтардың бірігуін табады;
• Сан аралықтардың қиылысуын табады.

Оқушылар:

• Координаталық түзуде нүктелерді белгілей алады;
• Cан аралықтарынының түрлерін біледі және ажырата алады;
• Сан аралықтарын координаталық түзуде кескіндей алады;
• Сан аралықтардың бірігуін таба алады;
• Сан аралықтардың қиылысуын таба алады.

Оқушылар:

• санды теңсіздік, тура санды теңсіздік, сан аралығы, сызықтық теңсіздік анықтамаларын біледі;
• санды теңсіздіктердің қасиеттерін біледі; теңсіздіктер қасиеттерін біледі;
• тура санды теңсіздіктерге амалдар қолдана алады;
• сандық түзуде әртүрлі сан аралықтарын бейнелейді;
• сан аралықтарын оқи алады және жаза алады;
• сан аралықтарының бірігуі мен қиылысуын табу алгоритмін түсіндіреді;

Пәнге қатысты лексика мен терминология:

- теңсіздік;

- санды теңсіздік;

- қатаң теңсіздік;

- қатаң емес теңсіздік;

- сәуле, ашық сәуле;

- аралық, кесінді;

- жартылай интервал;

- сан аралығы;

- координаталық түзудегі сан аралығына жататын (жатпайтын) нүктелер;

- өрнектерді бағалау;

- <, >, , ,, ≤, ≥ символдары.

Диалогқа/жазылымға қажетті тіркестер:

• (а; +) белгілеуін «а-дан плюс шексіздікке дейінгі аралық» деп оқимыз;
• (–; а) белгілеуін «минус шексіздіктен а-ға дейінгі аралық» деп оқимыз;
• [-5; 4] белгілеуін «-5 пен 4 сандары қоса алынған минус бестен төртке дейінгі аралық деп оқимыз;
• (-5; 4] белгілеуін «4 саны қоса алынған минус бестен төртке дейінгі аралық деп оқимыз;
• [-5; 4) белгілеуін: «-5 саны қоса алынған минус бестен төртке дейінгі аралық» деп оқимыз;
• [-5; +) белгілеуін «-5 саны қоса алынған минус бестен плюс шексіздікке дейінгі аралық» деп оқимыз;
• ... аралықтарының қиылысуы ...;
• ... аралықтарының бірігуі ...;

- Оқушылар өзара қарым-қатынаста адал және шынайы айқын;

- Өзгенің пікірін құрметтеу;

- Өз бетінше білім алу қабілеттерін дамыту;

Қазақ әдебиет

Санды теңсіздіктер және олардың қасиеттері

Сабақ барысы

Сабақтағы жоспарланған іс-әрекет

Ресурстар

Ұйымдастыру. Амандасу.

Оқушылардың көңіл күйлерін біліп, психологиялық ахуал тудыру. Оқушылар бір-біріне жылылық сыйлау.

Көршіңді оң жақтан құшақта,

Көршіңді сол жақтан құшақта.

Оң жақтағы көршіңе бір жымиып,

Сол жақтағы көршіңе бір жымиып.

Бүгінгі сабақ барысы,

Сәтті болсын бәріңе.

Үй тапсырмасын тексеру, оқушылар бір-бірінің дәптерлерін тексереді, түсінбеген сұрақтарын тақтада орындайды.

Презентация

«Білім таусылмайтын кен» (тест тапсырмасы)

1. ( — ∞;5] сан аралығының аты:

А) ашық сәуле Б) интервал В) кесінді Г) сәуле

2. Белгіленумен жаз: 1-ден 4-ке дейінгі кесінді

А) (1;4) Б) [1;4] В) (1;4] Г) [1;4)

3. Сан аралығындағы бүтін сандарды тап: (4; 7]

А) 4;5;6 Б) 4;5;6:7 В) 5;6 Г) 5;6;7

4. Белгіленуімен жаз: 1-ден 3-ке дейінгі 3 саны қоса алынған жартылай интервал

А) (1;3] Б) [1;3] В) (1;3) Г) [1;3)

5. Теңсіздіктер шешімін сан аралығымен жаз: 2х6

А) [2;6] Б) (2;6) В) [2;6) Г) (2;6]

"Миға шабуыл"

-Сан аралықтары дегеніміз не?

-Сан аралығының қандай түрлерін білесіңдер?

-Қатаң теңсіздіктің шешімдер жиыны координаталық түзуде қалай кескінделеді?

-Қатаң емес теңсіздіктің сан аралығын жазу үшін қандай жақша қолданылады?

-Неліктен кесіндіде координаталық түзуде көрсетілген сандар шешімдер жиынына кіреді? - деген жабық және ашық сұрақтар қоямын.

Қосымша 1

смайликтер

Жаңа сабақты бастамас бұрын оқушыларды сабақтың қол жетімді оқу мақсаттары мен бағалау критерийлерімен таныстырамын.

" Артығын алып таста" әдісін қолданып, оқушылармен бірге жаңа сабақтың мақсатының ашылуына мүмкіндік жасаймын. Оқушыларға жаңа тақырыпқа байланысты және қатысы жоқ суреттер көрсетемін, қайсысы сабаққа қатысы жоқ екендігін талқылап алып тастайды. Жаңа сабақта не туралы үйренетіндерін ұғынады.

• Сан аралықтарының қиылысуы ∩

А ∩ В қиылысу белгісі

Мысал 1. (– ∞; 3] және [– 4; +∞) сан аралықтарының қиылысу аралығын табайық. Жазылуы: (– ∞; 3] ∩ [– 4; +∞) = [– 4; 3].

Мысал 2.Сан аралықтарының қиылысуы. [-2;4] және [1;6] сан аралықтарының қиылысуы - [1;4]. Бұл олардың ортақ сан аралығы. Белгіленуі: [-2;4] [1;6]=[1;4]

Мысал 3. [– 2; 9] және [5; 12] сан аралықтарының қиылысу аралығын табайық. Жазылуы: [– 2; 5] ∩ [5; 12) = [5; 9].

Сан аралықтарының қиылыcпайтын болуы.

[-4;1] және [3;7] сан аралықтары қиылыспайды немесе оларға ортақ сан аралығы жоқ.

Белгіленуі: [-4;1] [3;7]=

Сан аралықтарының бірігуі 

[-2;6] аралығының әрбір саны [-2;3] және [1;6] аралықтарының ең болмағанда біреуіне немесе екеуіне де тиісті.

Белгіленуі: [-2;3][1;6]=[-2;6]

Мысал 4: [– 2; 7] және [4; 11] сан аралықтарының бірігуін табайық.

Жазылуы: [– 2; 7] [4; 11] = [– 2 ; 11]

Мысал 5: [– 6; 1] және [4; 10] сан аралықтарының бірігуін табайық. Жазылуы: [– 6; 1] [4; 10]

Жұптық жұмыс

"Ойлан, жұптас, бөліс" әдісін қолданамын. Бұл әдісті қолдану арқылы оқушылар арасында қарым-қатынасы дамып, бірлесе отырып жұмыс жасауды үйренеді.

А деңгейі

№1011.

Оқулықтағы 6.19-суретте кескінделген сан аралықтарының қиылысуын жазыңдар.

В деңгейі

№1018.

Берілген сан аралықтарын координаталық сәуледе кескіндеп,олардың бірігуін жазыңдар.

С деңгейі

№1019. Координаталық түзіді пайдаланып, сан аралықтарының қиылысуын табыңдар.

• (-7; , (-4; + және ;
• (-; , және ;
• (-8; 7), (-5; 10) және ;
• (-; , (-4; + және

Презентация

Қосымша 2

Математика

2-бөлім,

Жалпы білім беретін оқулық мектептің 6 - сыныбына арналған,

Алматы «Атамұра» 2015, төртінші басылымы.

Сергіту сәті.

“Алыптар мен ергежейлілер”әдісі

Мұғалім біресе қолдарын жоғары көтеріп, біресе төмен түсіріп, алыптар мен ергежейлілерді бейнелейді және «алып», «ергежейлі» деп айтып тұрады. Мұғалім кейде айтқан сөзі мен қимылын керісінше етіп, қатысушыларды жаңылыстыруға тырысады. Кім қателессе, орнына отырады. Соңында қалған үш адам жеңімпаз деп танылады.

Презентация

Жеке жұмыс

 "А,В,С-қоржыны" әдісін ұсынамын.А,В,С-қоржынында деңгейлік тапсырмалар жазылған кеспе қағаздары салынады.Оқушылар өз қалауларымен тапсырмаларды алып, шығарады.Әр деңгей тапсырмалар шартымен таныстырып өтемін. Нұсқау беріп, кері байланыс жасап отырамын.

А-тапсырмалары:

1.Сан аралығының қиылысуын тап: (-7; 5], [4; +∞) және [-1;9)

Жауабы: [4;5]

2.Сан аралығының бірігуін тап: (-∞; 5], [-2; +∞) және [-1;8]

Жауабы: (-∞;+∞)

В-тапсырмалары:

1.Сан аралығының қиылысуын тап: (-∞; -6], [-6; +∞) және [-6;1]

Жауабы: Ø

2.Сан аралығының бірігуін тап: (-7; 5), (-1; 9) және (7;12)

Жауабы: (-7;12)С-тапсырмасы

1.Сан аралығының қиылысуын тап: (-8; 7), (-5; 10) және [-3;2]

Жауабы: [-3;2]

2.Сан аралығының бірігуін тап: [-3; 1), [1; 5) және [5;8]

Жауабы: [-3; 8]

Қосымша 3

Үйге тапсырма: №1016

Рефлесия:

Математика

2-бөлім,

Жалпы білім беретін оқулық мектептің 6 - сыныбына арналған,

Алматы «Атамұра» 2015

Саралау –оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы.

АКТ-мен байланыстар

Саралау тапсырмалары жұптық жұмыста және жеке жұмыстарда беріледі. Жұптық жұмыста қабілеті жоғары оқушылар өз жолдастарына көмек жұмысын ұйымдастырады.

Бағалау сабақтың барлық бөлімінде жүреді, ауызша жауап берген оқушыларды мадақтау.

Оқушылармен сергіту сәті жаттығу жұмысы жүргізіледі.