Мәтінді есептерді шығару. Математика, 6 сынып, презентация.

Сабақтың тақырыбы:

Мәтінді есептерді шығару

Оқу мақсаттары:

6.5.2.4

рационал сандарды қолданып мәтінді есептерді шығару;

Бағалау критерийлері:

Білім алушы:

- есептің шартын математикалық тілге аудара алады;

- есеп шешімінің жоспарын құрастыра алады;

- жоспарды жүзеге асырады (есептеулер орындайды)

- есептің сұрағына жауап бере алады:

- мәтінді есептерді шығара алады.

Жұптық жұмыс

Негізгі деңгей

№1. Бірінші қорапта екіншіге қарағанда 2 есе артық, ал екі қорапта барлығы 48 дәптер бар. Бірінші қорапта қанша дәптер болған?

№2. Аулада 16 үйрек және балапандар жүр. Егер үйрек саны балапандар санынан 3 есе кем болса, онда аулада қанша балапан бар?

Орта деңгей

№1. Үш санның қосындысының мәні 94-ке тең. Бірінші сан екінші саннан 18-ге кем, ал үшінші сан екінші саннан 4-ке артық. Осы сандарды табыңдар.

Ілгерілеу деңгейі

Схема бойынша есептің шартын құрастыр және автомобильдің қозғалыс жылдамдығын табыңдар:

Жеке жұмыс

1-тапсырма

Арақашықтығы 21 км болатын екі елді мекеннен бір мезетте бір-біріне қарама-қарсы екі велосипедші шықты. Бірінің жылдамдығы екіншісінен есе кем. Егер екі велосипедші 45 минуттан кейін кездескен болса, велосипедшілердің жылдамдықтарын табыңыз (жауабын км/сағ түрінде жазыңыз).

Дескриптор: Білім алушы

- жылдамдықтың бірін екіншісі арқылы өрнектейді;

- уақытты сағатпен өрнектейді;

- теңдеу құрастырады;

- жылдамдықтарды есептейді.

2-тапсырма

Автомобиль екі қаланың арасын 70 км/сағ жылдамдықпен жүріп өтті. Қайтар жолында жылдамдығын 10 км/сағ-қа кемітіп, барған уақытқа қарағанда 45 минутқа ұзақ жүрген болса, екі қаланың ара қашықтығын табыңыздар.

Дескриптор: Білім алушы

- есептің математикалық моделін құрады;

- қайтар жолдағы жылдамдықты табады;

- жүрілген жолды есептеу формуласын қолданады;

- теңдеу құрады;

- белгісіз уақытты есептейді;

- ара қашықтығын есептейді.

Үй тапсырмасы:

Рефлексия

№1. Катердің меншікті жылдамдығы өзен ағысының жылдамдығынан 11 есе көп. Катер өзен ағысына қарсы 3,5 сағатта 84 км жүрді. Катердің меншікті жылдамдығын табыңдар?

Төменде көрсетілген өзіңнің көңіл-күйіңе сәйкес бағанды таңдаңыздар: