Масштаб. Математика, 6 сынып, сабақ жоспары.

Ұзақ мерзімді жоспар бөлімі:

6.1А Қатынастар және пропорциялар

Мектеп: Химия-биология бағытындағы Назарбаев Зияткерлік мектебі

Күні:

Мұғалімнің аты-жөні: Шайхиева Н.Ш.

Сынып: 6

Қатысқандар саны:

 Қатыспағандар саны:

Сабақ тақырыбы

Масштаб

Осы сабақта қол жеткізілетін оқу мақсаттары (оқу бағдарламасына сілтеме)

6.1.1.5

масштаб ұғымын меңгеру;

6.5.1.3

картамен, сызбамен, жоспармен жұмыс барысында масштабты қолдану;

 Сабақ мақсаттары

Оқушылар:

- масштаб ұғымын түсінеді;

- екі санның қатынасын жазады;

- пропорция ұғымын біледі;

- картамен, сызбамен, жоспармен жұмыс барысында масштабты қолданады.

 Бағалау критерийлері

Білім алушы

- масштаб ұғымын түсінеді;

- екі санның қатынасын жаза алады;

- пропорция ұғымын біледі;

- картамен, сызбамен, жоспармен жұмыс барысында масштабты қолданады.

 Тілдік мақсаттар

Оқушылар:

- берілген бөлімнің терминдерін қолдана алады;

- берілген қатынаста бөлуге, тура және кері пропорционалдық тәуелділікке, пайызға және масштабқа қатысты есептердің шешіміне түсінік береді;

- пропорцияның белгісіз мүшелерін табу ережелерін тұжырымдайды;

- шамалар арасындағы тәуелділіктің түрлері туралы ой тұжырымдайды;

- картамен/жоспармен/сызбамен жұмыс барысында масштабты қолданады;

Бөлім бойынша лексика және терминология

- пропорция;

- пропорцияның негізгі қасиеті;

- пропорцияның шеткі мүшелері;

- пропорцияның ортаңғы мүшелері;

- пропорцияның белгісіз мүшесі;

тура пропорционалдық тәуелділік;

кері пропорционалдық тәуелділік;

- масштаб;

- Жер бетіндегі арақашықтық;

- картадағы /сызбадағы/ жоспардағы арақашықтық;

Диалогқа/жазылымға қажетті тіркестер

- а : b = с: d өрнегін «a-ның b-ға қатынасы c-ның d-ға қатынасындай» деп оқимыз;

- а : b = c : d өрнегін «аb-ның қандай бөлігін құраса,онда c да d-ның сондай бөлігін құрайды» деп оқимыз;

- пропорцияның белгісіз ортаңғы мүшесін табу үшін ... керек;

- пропорцияның белгісіз шеткі мүшесін табу үшін ... керек;

- берілген шамалар тура/кері пропорционал, себебі ...;

Құндылықтарды дарыту

Белсенді қарым- қатынас, өзіндік шешім қабылдауды үйрену және оны дамыту. Бір – бірінің пікірлерін құрметтеу, қабылдау. Оқушылардың өз бетімен білім алу дағдыларын қалыптастыру.

 Пәнаралық байланыстар

Өмірмен байланысты есептер

 АКТ қолдану дағдылары

Интерактивті тақтамен жұмыс жасау дағдыларын жетілдіру

Бастапқы білім

Оқушылар жай бөлшек, бүтін сан, рационал сан ұғымдарын біледі; рационал сандарды қосу мен азайту амалдарын орындай алады.

Сабақ барысы

Сабақтағы жоспарланған іс-әрекет

Ұйымдастыру кезеңі.

Амандасу. Оқушылар бір-біріне жақсы тілек тілеп, сыныпта жақсы ахуал қалыптастырады.

Үй тапсырмасын тексеру.

Ой-түрткі:

С-1: Масштаб дегеніміз не?

С-2: Масштаб қайда және не үшін пайдаланады?

С-3: Егер дененің нақты өлшемі сызбада 100 есе кемісе, сызбаның масштабы неге тең?

Топтық жұмыс

1 топ

№1.

1:12250000 карта масштабын пайдалана отырып, Астана мен Тараз қалаларының Жер бетіндегі арақашықтығын табыңдар.

Жауабы: 919 км.

№2. Пішіні квадрат тәрізді жер бөлігінің сызбасы 1:500 масштабымен жасалған. Оның қабырғасы сызбада . Осы жер бөлігінің ауданын есептеп табыңыз. Жауабы:

ІІ топ

№1.

Астана мен Атырау қалаларының Жер бетіндегі арақашықтығы 1500 км болса, онда карта масштабын табыңдар. Жауабы: 1:20000000.

№2. Тік төртбұрышты алаңның ауданы 73500м². Масштабы 1:7000 сызбада осы алаңды кескіндегенде, ұзындығы тік төртбұрыш шықты. Алаңның енін табыңыз. Жауабы:

ІІІ топ

№1. Астана мен Жезқазған қаларының арақашықты,ы 496 км. 1:8000000 масштабымен берілген картада екі қаланың арақашықтығы неше сантиметр. Жауабы: 6,2 см.

№2. Масштабы 1:10000000 картада Алматыдан Мәскеуге дейінгі қашықтық 3 дм. Алматы-Мәскеу темір жолының ұзындығы Алматыдан Мәскеуге дейінгі ара қашықтықтан 50%-ке артық. Темір жолдың ұзындығын табыңыз. Жауабы: .

Сергіту сәті.

Көзге жаттығу видео

Жұптық жұмыс

• Дифференциалданған тапсырмалар беру.
• А: Екі елді мекеннің Жер бетіндегі арақашықтығы 68 км. Осы елді мекеннің:
• 1) масштабы 1:2000000;
• 2) масштабы 1:1700000 картадаға арақашықтығын табыңдар.
• В: Екі елді мекен арасын мотоциклші 40 км/сағ жылдамдықпен 1 сағ 24 мин жүрді. Осы екі елді мекеннің картадағы арақашықтығы:
• 1) 7 см; 2) 4 см болса, картаның масштабын табыңдар. Жауабы: 1) 1:800000; 2) 1:1400000.
• С: Картада А және В қалаларының арасы 2,8 см, ал В және С қалаларының арасы одан 7 см артық. Егер А және В қалаларының Жер бетіндегі арақашықтығы 180 км болса, В және С қалаларының Жер бетіндегі арақашықтығы неше киолметр? Жауабы: 630 км.

Үйге тапсырма: Масштаб. Шығармашылық тапсырма. Есеп құрастырып келу.

Сабақ соңында рефлексия жүргіземіз.

Нені түсіндім

Нені түсінбедім

Әлі де дайындық қажет етемін.

Саралау –оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Оқушылар сабақта топтық жұмыста бірлесе отырып талдайды, түсінбеген есептерін бір-біріне түсіндіреді. Жұптық жұмыстарды шығара отырып өз білімдерін шыңдайды.

Сабақтың әр бөлімінде оқушылардың жасаған жұмыстарына мадақтау сөздер айту. Жалпы сыныптық, өз беттік жұмыста тапсырманы орындауда өзара бағалау жүзеге асады.

Сергіту сәті көзге жаттығу жұмысы.