Процентке мәтіндік есептер шығару. Математика, 5 сынып, сабақ жоспары.

Ұзақ мерзімді жоспар бөлімі

5.4. А Процент (12 сағ)

Мектеп: Қарағанды қаласындағы химия-биология бағытындағы Назарбаев Зияткерлік мектебі

Күні:

Мұғалімнің аты-жөні: Рыскельдиева Г.К., Хасенова Р.С.

Сынып: 5

Қатыспағандар саны:

Сабақ тақырыбы

Процентке мәтіндік есептер шығару

Сабақтың түрі

Ойын –сабақ: білім, білік және дағдыларын бекіту

Осы сабақта қол жеткізілетін оқу мақсаттары (оқу бағдарламасына сілтеме

5.5.2.6 процентке мәтіндік есептер шығару

Сабақ мақсаты

Проценттерге мәтіндік есептер шығару біліктіліктерін бекіту

Бағалау критерийлері

Оқушы мақсатқа жетті, егер:

• Берілген санның процентін табу және проценті бойынша санды табу формулаларын біледі;
• Формулаларды мәтіндік есептер шығаруға қолдана алады.

 Тілдік мақсаттар

Оқушылар:

Процентке арналған мәтіндік есептерді талдайды және реттеп жазады.Пәнге қатысты лексика мен терминология:

Процент, проценті бойынша сан, берілген санның проценті, екі санның бүтін бөлігінің проценті, проценті қолдануға мәтіндік есептер.

Диалогқа/жазылымға қажетті тіркестер:

Берілген санның процентін табу үшін:....

Проценті бойынша санды табу үшін...

Құндылықтарды дарыту

Оқып білу дағдысы, ақпаратты өздігінен табу, жағдайды сараптау, жаңа жағдайларға қалыптасу, мәселе қойып және шешім қабылдай білу, топта жұмыс істеу, өз жұмысының сапасына жауап беру, өз уақытын ұйымдастыра білу

Құндылықтарды дарыту осы сабақта жоспарланған жұмыс негізінде жасалынады.

Пәнаралық байланыстар

Процентке байланысты білім, білік және дағдылары химия, экономика пәндерін оқу барысында қажетті, өмірде қолдануда практикалық маңызды болып табылады

АКТ қолдану дағдылары

Интербелсенді тақтаны презентация таныстыру үшін қолдану, тақтаны жазу құралы ретінде қолдану.

Бастапқы білім

Шамалардың қатынасын, үлес, жүзден бір бөлігі, процент ұғымдарын біледі.

Сабақ барысы

Сабақтағы жоспарланған іс-әрекет

• Ұйымдастыру кезеңі.
• оқушылардың назарын жинақтау;
• оқушылармен бірлесіп оқу мақсатын, сабақ мақсаттарын анықтау.
• оқушылардың «жақын даму аймағын», сабақ соңында күтілетін нәтижелерді анықтау

ІІ. Білімді өзектендіру. Сабақ басында мұғалім оқушыларға жұптарда келесі ұғымдарды өзара қайталауды ұсынады: процент, проценті бойынша санды табу, берілген санның процентін табу

ІІІ. «GO TO» ойыны.

Кабинетте 11 түрлі қағазға жазылған тапсырмалар әр жерге ілініп тұрады. Әр парақта тапсырма нөмірі, тапсырма мәтіні және жауап нұсқалары бар. Әр оқушы кез келген бекеттен тапсырмасы бар парақты алып, есеп шығаруды бастайды. Берілген тапсырманың әр жауаптарының тұсында қай бекетке баратындығы көрсетілген. Кезекті есепті шығарып болғаннан кейін, олар жауабын тауып қана коймай келесі бекет парағының нөмірін анықтайды. Барлық бекеттен өтіп, бастаған бекетіне қайтып келген оқушы жеңімпаз атанады. Ойын тоқтатылып, бекеттердің дұрыс бағыты бойынша жауаптары тексеріледі (6 слайд). Әр оқушы дұрыс жауаптар санын анықтап, бір –бірімен және интерактивті тақтадағы жауаптармен тексеріс жасап, жауап парағына өзін бағалайды.

1.N қаласында жүруге ыңғайлы 2,8 мың жеңіл машина бар. Олар барлық жеңіл машиналардың 7% - ін құрайды. N қаласында барлығы неше жеңіл машина бар? Жауабы: 40 мың машина

2.Егер ауа температурасы алғашында 25% -ке жоғарыласа, сосын 40% -ке төмендесе, қалай өзгерген? Жауабы: 25%

3.Жаңа компьютер 120000 теңгеге сатып алынды. Оның жылдық амортизациясы 20% - ті құрайды. Бір жылдан кейін компьютердің құны неше теңгені құрайды? Жауабы: 96000 тг

4.Сыныптағы 35 оқушының 60% -і математикалық үйірмеге қатысады. Неше оқушы математикалық үйірмеге қатыспайды? Жауабы: 14

5.Балалар суреттерінің көрмесіне барлық суреттердің 24% -ін құрайтын 72 жұмыс таңдалып алынды. Барлығы неше сурет ұсынылған? Жауабы: 300

6.80 г дәннің 64 граммы өсіп шықты. Дәннің өнімділік процентін табыңыз. Жауабы: 80%

7.Хайуанаттар бағында маймылдар күнделікті көкөністер мен жемістердің 60 кг-мын жейді. Олардың 27 % - і банан, 33% - і сәбіз, ал қалғаны – алмалар. Маймылдар неше килограмм алма жейді? Жауабы:

8.Сүт құрамының 6% - і кілегей. 12,6 кг кілегей алу үшін қанша сүт қажет? Жауабы:210

9.Картоптың 21% - і крахмал. 12,6 кг крахмал алу үшін қанша картоп керек? Жауабы: 60

10.Кесіндіні 25% -ке үлкейтті. Бастапқы кесіндіні қайта алу үшін, жаңа кесіндіні неше процентке кішірейту керек? Жауабы:20%

11.Кесіндіні 20% -ке кішірейтті. Бастапқы кесіндіні қайтып алу үшін, жаңа кесіндіні неше процентке үлкейту керек? Жауабы:25%

Бағалау критериі.

30 минутта есепті шығару және 3 минутта тексеру:

• 11 тапсырманың кез келген 7 –еуін дұрыс орындау.
• Немесе 5 тапсырманы дұрыс орындау: №7, №8, №9, №10, №11.

Есептер жауаптары слайдқа шығарылып, көрсетіледі. Мұғалім дайын жауаптарымен жұмыс барысында оқушыларға нұсқау береді.

Тапсырмаларды басқалардан бұрын аяқтаған оқушылар үшін, келесі қосымша тапсырмалар ұсынылады.

1.Екі себетте 7,92 кг көкөніс бар. Біреуіндегі көкөніс екіншісінен 20% -ке артық. Әр себетте неше килограммнан көкөніс бар? Жауабы:7,1 және 0,82

2.Екі санның қосындысы 76 -ға тең, ал бірінші саннық 25% -і мен екінші саннық 15% -інің қосындысы 14-ке тең. Жауабы: 26 және 50

3.Концентрациясы 20%, 30% және 40% -ті құрайтын сәйкесінше 250 г, 300 г және 450 г азот қышқылдарын араластырды. Қоспаның концентрациясы қандай? Жауабы: 32%

Сабақ соңында оқушылар рефлексия жүргізеді:

Үй тапсырмасы.

(қосымша 3, есептер)

Саралау

Саралау оқушылардың жеке қабілеттерін ескере отырып оқу материалын және ресурстарды (көптеген түрлері Гарднер теориясы интеллекті) іріктеу жеке қолдау, оқушыны қамтамасыз ету, жұмыс орындарын іріктеу, нақты оқушыға күтілетін нәтиже көрсетілген болады.Саралау арқылы оқушыларға көбірек қолдау көрсетіледі.

Қабілеті жоғары оқушыларға екінші деңгейдегі тапсырмалар ұсынылады

Бағалау

Осы бөлімді оқушылардың материалды меңгеру деңгейін қалай бағалауды қолданғаныңызды және пайдаланылған әдістерді жазу үшін қолданыңыз.

Оқушылардың өзіндік бағалануы. Мұғалімнің сабақ бойы тапсырмалардың дұрыс орындалуын қадағалау – формативтік бағалау

Сабақ бойынша рефлексия

Сабақ мақсаттары/оқу мақсаттары дұрыс қойылған. Оқушылар проблемалық жағдай туғызу арқылы сабақ мақсатын және оқу мақсатын ашты. Оқушылардың барлығы ОМ қол жеткізді. Барлық оқушының өзін толғандырған сұрақты талдап және түсінуге мүмкіндігі болды.

Сабақта саралау дұрыс жүргізілді. Оқушылар бастапқыда практикалық тапрсырмалар орындады, сосын тапсырмаларды өз беттерімен орындады.

Мұғалім тарапынан саралауға сәйкес сұрақтар қойылды.

Сабақтың уақыттық кезеңдері сақталды.

Бұл бөлімді сабақ бойынша өз пікіріңізді жазуға пайдаланыңыз. Сол жоқ бағандағы өз сабағыңыз туралы негізгі сұрақтарға жауап беріңіз.

Сабақтың нақты, қол жеткізуге мақсаттары, оқушыға түсінікті тұжырымдалған анық тілдік алдын-ала жоспарлау оқыту нәтижелері болып табылады.

Бұл сабақта орындалған тапсырмалар оқушыларды салыстыруға, себептері мен салдары іздеуге, сол арқылы ғылыми-зерттеу дағдыларын және сыни тұрғыдан ойлауын дамытуға үйренеді.

Бұл сабақтың жақсы сәттері оқушыларды сабақта белсенді жұмысы үшін мадақтау маңызды - бұл сыртқы ынталандыру негізгі жақтарының бірі болып табылады. Сондай-ақ келешектегі жұмысын жоспарлауда оқушыларға көмектесу - кеңестер, ескертулер, ұсыныстар болып табылады.