Егіннің түсімділігіне берілген есептерді шығару. Математика, 4 сынып, сабақ жоспары.

Пәндік терминология мен тірек сөздер:

үлес, бөлшек сан

Сабақта диалог/жазу үшін пайдаланатын тіл.

сызба, график, схема, бағыт;

үштік шама, шамалар тәуелділігі;

егіннің түсімділігі, егін массасы;

Оқу мақсатымен таныстыру:

егіннің түсімділігіне берілген есептерді шығаруды үйренесің

(Ұ)Жапалақ қар. Оқушылар қар жапалақтарында жазылған километр квадратты өсу ретімен атайды, гектарға аударады. Содан кейін қорытынды жасап ережені

естерінде сақтайды.

Жауабы:

3 км² = 300 га 64 км² = 6400 га

7 км² = 700 га 482 км² = 48200 га

18 км² = 1800 га 500 км² = 50000 га

24 км² = 2400 га 3000 км² = 300 000 га

Шығарып көр. Тапсырманың мақсаты диаграмманы оқып, кесте арқылы есептер шығару дағдысын қалыптастыру.

(Т) а) Топтық жұмыс. Сұрақтар қою:

-Тапсырмада не белгілі?

-Қандай сұрақ қойылған?

-Тапсырманың сұрағына бірден жауап беруге бола ма, әлде жоқ па? Неліктен?

-Алдымен не істеу керек? Неліктен?

Орындауға уақыт белгілеу. Содан соң бір топтың өкіліне жауабын тақтаға жазып, шешімін түсіндіру. Басқа оқушыларға жазылған шешімді тексеруді ұсыну.

(Ұ) ә) Оқушылар диаграммаға және кестеге сүйене отырып, ұжыммен есептің шартын талдайды. Топта ақылдасуға және шешімін жазуға уақыт беру. Топ шешімдерін тақтаға жазу. Басқаларына өз тобының шешімін

тақтадағымен салыстырып, талдау жасау.

Жауабы:

1) 240 т = 2400 ц

2400 : 300 = 8 (га) — картоп «Табыс» ш/қ;

2) 250 т = 2500 ц

2500 : 625 = 4 (га) — сәбіз «Табыс» ш/қ;

3) 220 т = 2200 ц

2200 : 275 = 8 (га) — картоп «Достық» ш/қ;

4) 2600 : 520 = 5 (га) — сәбіз «Достық» ш/қ.

Қосымша сұрақтар:

Табыс және Достық шаруа қожалықтарында бар-

лығы қанша жер жұмсалды?

Қайсысы артық? Қаншаға?

8 + 4 = 12 (га) «Табыс» ш/қ;

8 + 5 = 13 (га) «Достық» ш/қ.

Жауабы: «Достық» ш/қ 1 гектарға артық

Жауабы:

ә) 1) 200 · 10 = 2000 (ц);

2) 150 · 10 = 1500 (ц);

3) 2000 – 1500 = 500 (ц);

4) 500 ц = 50000 кг.

Жауабы: құлпынай массасы биылғы жылы былтырғы жылға қарағанда 50 000 кг-ға артық болды.

(Т) Ойлан. Оқушылар тапсырманы топта талқылайды, қорытындыларын шығарады. Әр топтың өкіліне тақтаға жауабымен шығып, өз жауабын дәлелдеу. Оқушылардан сұраққа жауап беру үшін, нені білу керектігін сұрау.

Жауабы:

240 : 3 = 80 (м) — қоршаудың ұзындығы;

80 · 4 = 320 (м²) — жер телімінің ауданы.

(Ө)Қаптағы картоп. Тапсырма логикалық ойлау-

ды дамытуға бағытталған. Оқушылар тапсырманы өз бетінше орындайды.

Жауабы:

10 кг + 40 кг, 20 кг + 30 кг, 50 кг.

(Ө) Орындап көр. Тапсырманы өз беттерінше шешуді ұсыну. Содан соң екі оқушыны таңдап алып (дұрыс және қате жауабы бар), оларға тапсырманың жауабына қалай келгендерін басқа оқушыларға түсіндіруін сұрау. Содан соң басқа оқушыларға кімнің шешімі дұрыс, кімдікі бұрыс екендігі туралы шешім шығаруын және неліктен екендігін түсіндіруін ұсыну.

Жауабы:

900 · 400 = 360 000 м² = 36 га — орамжапырақ

900 · 700 = 630 000 м² = 63 га — жүгері

400 · 500 = 200 000 м² = 20 га — қияр

300 · 500 = 150 000 м² = 15 га — сәбіз

200 · 500 = 100 000 м² = 10 га — қызылша

Қайтала

Теңдік тура болатындай етіп арифметикалық таңбаларды қояды.

Жауабы:

а) 60 · 20 – 200 = 1000;

ә) 800 : 20 + 40 = 80.

Кері байланыс

Күн, ала бұлтты, бұлттың суреттерін алып, кері байланыс береді.