Бекіту / Лагерьде демалу мәдениеті. Математика, 3 сынып, сабақ жоспары.

Тақырыбы: Бекіту / Лагерьде демалу мәдениеті

Мектеп:

Күні:

Мұғалімнің аты-жөні:

3-сынып

Қатыспағандар саны:

Оқу мақсаттары

3.5.1.1 2-3 амалмен орындалатын есепті кесте, сызықтық/бағандық диаграмма, сызба, қысқаша жазба түрінде модельдеу

3.5.1.2 есептерді шығаруда «бір заттың массасы», «саны», «жалпы масса»/ «бір затқа жіберілген шығын», «заттардың саны», «жалпы шығын»/ ұзындығы, ені, ауданы ұғымдарының өзара тәуелділігін пайдалану.

Сабақтың мақсаттары

Тілдік мақсаттар

Тірек білім, білік, дағдылар

«бір заттың массасы», «саны», «жалпы масса»; «бір затқа жіберілген шығын», «заттардың саны», «жалпы шығын» ұғымдарын, есеп туралы, есептердің түрлі шешімдерін, есептің қысқаша жазбасының суреттемесін түсінеді.

Жоспар

Жоспарланған іс-әрекет

Ынталандыру.

Біз лагерьде демаламыз, ойнаймыз.

Неше түрлі қызықтарға тоймаймыз.

Жүгіреміз, секіреміз жарысып,

Ән саламыз, би билейміз майысып.

Оқушылардан лагерьде демалудың пайдасы, лагерьде демалу мәдениеті туралы сұрау. Лагерьде демалған оқушылардан басқа оқушыларға өздерінің демалыстарын әңгімелеп берулерін ұсынады. Егер сыныпта лагерьде демалған оқушылар болмаса, онда лагерьдегі демалыс туралы өзі әңгімелеп береді.

Өзектендіру.

«Жалғастыр» әдісі.

Мысалы:

Бір тоқаш 30 теңге тұрады. ... неше ...?

5 қарындашқа 75 теңге төледі. ... неше ...?

Бір қапшықтың салмағы 3 кг. ...неше ...?

Үш көйлекке 18 метр мата жұмсады. ... неше ...?

Смайликтер арқылы бағалау

Мақсатты бекіту (мәселелі жағдаяттар).

Мұғалім оқушылардан бүгінгі сабақтың мақсатын тұжырымдауды сұрайды (есептер құрастыру және шығару)

Өткенмен жұмыс

Есеп құрастыр. 1-тапсырманы орындауды ұсынады. Есептер құрастырады және шығарады.

Тапсырманы орындау алдында «бір заттың массасы», «саны», «жалпы масса» шамаларының арасындағы өзара тәуелділік туралы айтып, формуланы еске түсіру керек.

«Бас бармақпен» бағалау

Өзіндік жұмыс

(Ж.Ж) 2-тапсырманы өз беттерімен орындауды және жұппен тексеру ұсынады. Есептің шартын құруына ,есепті шығаруға қосымша сұрақтар арқылы көмек беру.

Сөздік бағалау «Жарайсың!», «Өте жақсы!», «Керемет!»

Қиындықтарды түзету

Әрбір жұп өздері құрастырған есептерін сыныпқа оқып береді. Бұдан кейін оқушылар есепті шығаруға қажетті формуланы анықтап, есепті шығарады.

(Ж.Ж) Ойлан-жұптас-тексер

3-тапсырманы өзара тексерумен жұппен орындатуына болады. «бір затқа жіберілген шығын», «заттардың саны», «жалпы шығын» шамаларының арасындағы тәуелділік туралы еске түсіру керек.

Оқушылар жұптасып есепті шығарады. Шығарып болған соң, сағат тілімен жұмыстарын ауыстырып, жұптар бір –бірінің тапсырмасын тексереді.

Бағдаршаммен бағалау

Өткенді қолдану

4-тапсырма функционалдық сауаттылыққа берілген. Оқушылар диаграмманы талдаудан бастайды, көлденең шкалада әрбір маусымда лагерьде демалған оқушылардың саны берілген. Оқушылар диаграмма бойынша сұрақтар құрастырады. Диаграмма бойынша есептер құрастырып,оларды шығарады.

(Т.Ж) «Елшілер» әдісі бойынша 5-тапсырманы топпен орындатуға болады. Барлық топқа тапсырмалар беріледі. Берілген тапсырмаларды орындап болғаннан кейін топтың бір адамы «елші» болып сайланады да, тапсырманы орындап болған соң жаңа топтың ойын, бір шешімге келгенін немесе жетістікке жеткенін білу үшін басқа топқа барады.

Әр топ «Елшіге» тапсырманың орындалу алгоритмін математикалық тілмен түсіндіріп берулері керек.

Бұдан кейін елші өз тобына қайтып оралып, өз тапсырмаларының дұрыстығына көз жеткізеді. Сондай-ақ,бұл әдіс елшінің математикалық тілді қолдану шеберлігін дамытады.

«Бас бармақпен» бағалау

Шығарып көр. 6-тапсырмада сызбасы берілген есепті шығарады тапсырманы тақтада орындатуға болады. Есепті талдап, қысқаша жазылуын жазып шығарады.

«Ойлан,тап» әдісі.7-тапсырма зерттеушілік қасиетті талап етеді. Оқушылар белгісіз сандарды табады. Әрбір тапсырмаға қандай амалдың қажеттігін анықтайды, өрнектерді жазады және олардың мәнін табады.

Сөздік бағалау «Жарайсың!», «Өте жақсы!», «Керемет!»

Сабақтың тақырыбы бойынша сұрақтар құрастыр.

Әр жаңа сабақта немесе бекіту сабағында оқушылар сұрақтар құрастырады. Бұл тақырыпты ұғынып, дұрыс қабылдауға мүмкіндік береді. Оқулықта берілген сөздермен сұрақтар құрастыру керек. Мына тәсілдерді қолдануға болады: түймедақ немесе Блум кубигі.

Кері байланыс

"Екі жұлдыз, бір тілек"

Оқушылар стикерге сабақта ұнаған екі жұмысты жазады және келесі сабақта не білгісі келетінін жазады.