269∙2 түріндегі үш таңбалы санды бір таңбалы санға көбейту. Математика, 3 сынып, сабақ жоспары.

Тарау: Жазбаша көбейту және бөлу

Мектеп:

Күні:

Мұғалімнің аты-жөні: Есмурзина А.Ж.

Сынып:

Қатыспаған оқушылар:

№ 118 сабақ. Тақырыбы:

269∙2 түріндегі үш таңбалы санды бір таңбалы санға көбейту

Оқу мақсаты:

3.1.2.11. Мынадай жағдайларда: 28•3, 269•2, 84:3, 538:2

екі/үш таңбалы сандарды бір таңбалы санға көбейту мен

бөлу алгоритмдерін қолдану.

Сабақтың

мақсаты:

Бағалау критерийлері

Разрядтан аттап өту арқылы үш таңбалы сандарды бір таңбалы санға көбейту мен бөлу алгоритмін түсіндіре алады.

Ғылыми тіл

Құндылықтар

Оқушылардың бойында еңбек пен шығармашылық , ашықтық сияқты жеке қасиеттерін қалыптастыру.

Пәнаралық байланыс

Дүниетану

АКТ қолдану дағдылары

Интербелсенді тақта

Алдыңғы меңгерілген білім

28∙3 түріндегі екі таңбалы санды бір таңбалы санға көбейту

Сабақ барысы

Оқушылардың жоспарланған іс-әрекеті

Сабақтың тақырыбы мен мақсатымен таныстыру.

(Ұ) Белсендіру.

Оқушылардың сабаққа белсенділігін арттыру және өткен тақырыпты қайталау мақсатында дидактикалық ойын жүргізу.

«Дұрыс - бұрыс» дидактикалық ойыны

Оқушыларға кеспе қағаздарда жазылған өрнектер көрсетіледі. Кеспе қағаздарда екі таңбалы сандарға бір таңбалы сандарды көбейту тақырыбын қайталауға арналған өрнектердің шешімі дұрыс, қате түрде көрсетіледі. Егер өрнектің мәні дұрыс болса, оқушы тек «Дұрыс!» деп жауап береді. Егер көрсетілген кеспе қағаздағы өрнектің мәні дұрыс емес болса, оқушы «Бұрыс» деп жауап береді және дұрыс жауабын айтуы керек. Егер де ол оқушы дұрыс жауабын айта алмаса, басқа оқушыларға дұрыс жауабын айтуға мүмкіндік беріледі.

(Т) Пайымда.

Оқушыларға екі таңбалы санды бір таңбалы санға көбейтуге жазбаша тапсырма беру. Оқушылар орындап болған соң сұрақ қою.

• Екі таңбалы санды бір таңбалы санға көбейтуді қандай разрядтан бастау керек?
• Егер бірліктерді көбейткенде екі таңбалы сан шықса, не істеу керек?

Оқушыларға үш таңбалы санға бір таңбалы санды көбейту ұсынылады. Оқушылар орындап болған соң, дұрыстығы тексеріледі, сұрақтар қойылады.

• Үш таңбалы санды бір таңбалы санға көбейту үшін баған түрінде қалай жазасың?

(Үш таңбалы санның бірлігінің астына бір таңбалы санды жазамыз.)

• Үш таңбалы санды бір таңбалы санға көбейтуді қандай разрядтан бастау керек?

(Бірлікті бірлікке көбейтеміз.)

• Егер бірліктерді көбейткенде екі таңбалы сан шықса, не істеу керек?

(Егер бірліктерді көбейткенде екі таңбалы сан шықса, шыққан екі таңбалы санның бірлігін бірліктердің астына жазып, ондығын есте сақтаймыз.)

• Бірліктерді көбейтіп болған соң қандай разряд орындалады?

(Бірліктерді орындап болған соң, ондықты біртаңбалы санға көбейтіп, есте сақтаған санды көбейтіндінің мәніне қосып ондықтың астына жазамыз.)

• Егер ондықты бір таңбалы санға көбейткенде екі таңбалы сан шықса не істейміз?

(Шыққан санның бірлігін жазып, ондығын есте сақтаймыз.)

• Ондықты көбейтіп болған соң қандай разряд орындалады?

(Ондықты бір таңбалы санға көбейтіп болған соң, жүздікке бір таңбалы санды көбейтіп шыққан көбейтіндінің мәнін жүздіктің астына жазамыз.)

Оқушылардың жауаптары тыңдалып, дұрыс жауаптары тақтаға жазылады. Сұрақтың дұрыс жауаптары арқылы үш таңбалы санға бір таңбалы санды көбейту алгоритмі құрастырылады.

Оқушыларға өзін – өзі бағалау парақтарын тарату.

Өзіңе ұнаған түспен бояу арқылы өзіңді өзің бағала

• Маған көбі түсініксіз
• Түсіндім, алайда қате жіберемін
• Алақай, мен түсіндім!

(ӨЖ) Тест

Дұрыс жауаптың тұсына белгісін қояды

Парталас оқушылар тест парақшасын ауыстыру арқылы тексереді. Оқушылар өзара тексеріп, бағалайды.

Бағалау критерийі:

Әр дұрыс жауап бір ұпай береді.

«5» ұпай – «өте жақсы»

«3 - 4» ұпай - «жақсы»

«1 - 2» ұпай – «әлі де дайындал»

(Т) «Ғарышкерлер» дидактикалық ойыны

Ойынның мақсаты: үш таңбалы санды бір таңбалы санға көбейту және бөлу тақырыбы бойынша алған білімдерін бекіту

Шарты: Сыныптағы оқушыларды теңдей үш топқа бөлінеді. Оқушылар ғарышкерлер болады. Ғарышкерлер бірінің артына бірі ретімен тұрады. Ғарышкерлердің мақсаты зымыранды тез әрі сапалы ұшыру. Зымыран суретінің артқы жағындағы үш таңбалы санды бір таңбалы санға көбейтуге берілген тапсырмаларды кезек – кезек орындайды. Барлық топтағы ғарышкерлер ойынды аяқтаған соң, орындалған тапсырмаларды топтар өзара тексереді. Жеңімпаз ғарышкерлер тобын «шапалақтап» марапаттайды.

Кері байланыс

Оқушылар қалған затты таңдап өз оймен бөліседі.

бүгінгі сабақтан «Білім чемоданыма» салып аларым ........

бүгінгі сабақтан «Іздену күнделігіме» жазып аларым ......

бүгін сабақтан «Қажет емес» жәшігіме тастайтын дағдым ......