Көбейтудің үлестірімділік қасиеті. Бау-бақ құрылысы. Математика, 3 сынып, қосымша материал.

Мұғалімге арналған әдістемелік нұсқаулық

70-сабақ. Көбейтудің үлестірімділік қасиеті

Тақырыбы: Бау-бақ құрылысы

Оқу мақсаттары

3.1.2.9 100 көлеміндегі сандарды ауызша көбейту мен бөлуді орындаудақосындыны және көбейтіндіні бір таңбалы санға бөлу, қосындыны санға көбейту ережесін қолдану

Күтілетін нәтижелер

Барлық оқушылар үшін:

Қосындыны санға көбейту ережесін білу.

Бірқатар оқушылар үшін:

Қосындыны санға көбейту ережесін ауызша есептеуде қолдану.

Кейбір оқушылар үшін:

Қосындыны санға көбейту ережесін тиімді есептеу үшін қолдану.

Тілдік мақсаттар

Оқушылар:

Ауызша көбейту орындауда қосындыны санға көбейту ережесін түсіндіру

Пәндік лексика және терминология:

Өрнек, қосындыны санға көбейту

Сабақта диалог/жазу үшін пайдаланылатын тіл.

Талқылау:

Қосындыны санға қалай көбейтуге болады?

Бұл қасиеттерді тиімді есептеу үшін қалай қолдануға болады?

Жазу:

Өрнектерді жазу.

Көбейту мен бөлудің ауызша тәсілдері

Ынталандыру.

"Шындық па, әлде жалған ба?"әдісі

Парта үстінде жеміс-жидек суреттеріне жазылған,мәні табылған өрнектерді орналастырыңыз..Және 2 себет қойыңыз.Біреуі "Шындық", екіншісі "Жалған"

Оқушылар өрнектерді тексеріп, мәні дұрыс болса,"Шындық"себетіне, дұрыс емес болса, "Жалған" себетіне салады.

24:4+6=12 65-8+14=71 100-54:9=94

32:8+28=32 45:5∙6=54 48:8∙8=48

400+42:6=407 700-64:8=692 72:8+92=101

Бау-бақ туралы ролик көрсетіңіз.

Белсендіру.

Белсендіру.

«Математикалық волейбол» әдісі.Оқушылар жұптасып отырады.Бір-біріне өрнек ұсынады,өрнектің мәнін тауып, жұбына келесі өрнекті ұсынады

40·8, 240:6, 320:8, 500:100, 4·10,

40 + 480, 540: 6, 40 · 7, 650: 10, 400 : 8, 420 : 6, 720 : 90.

Отшашу арқылы бағалаңыз.

Оқушылар орындарынан тұрып,еңкейген қалпында шапалақ ұрады, бойларын бірте-бірте көтерген күйі шапалақ соғуды жалғастырады.Соңында тік тұрған бойы үздіксіз шапалақ соғады.

Мақсат қою (мәселелі жағдаят)

25 пен 5 санының қосындысын 2 есе арттыр. 40 пен 8 санының қосындысын 4-ке кеміту

Жаңаны ашу.

Қиындықтардың орны мен себебін анықтау.

Гүлбақтағы гүлзар санын әртүрлі нұсқамен санау үшін көбейтудің қандай қасиетін пайдалануға болады?-деп сұраңыз.

Берілген тапсырмада санау тәсілдерін салыстыру және жазу керек. Қосындыны санға көбейтудің 2 тәсілін табу керек.

Қиындықтан шығу жобасын құру.

Оқушылар тапсырманы екі тәсілмен жазады және олардың әрқайсысын карточкаға жазуды таңдайды.

. (а+в)∙с=а∙с+в∙с

Көбейтудің үлестірімділік қасиеті

Бармақ арқылы бағалау

Тапсырма дұрыс болса, бармақ жоғары қарай, қате болса, бармақ төмен қарай бағытталады.

(Т.) №2 тапсырма

Тәжірибелік жұмыс.

Тіктөртбұрыштың периметрін әртүрлі тәсілмен табу жолын үйретіңіз.

–Тікбұрыштың ұзындығын а деп, ал енін b деп белгілеуді тапсырыңыз. Ауданды қалай есептеуге болады? Периметрін қалай есептеу керек?

Р = а + b + a + + b

= a + a + b + b = a · 2 + b · 2 = (a + b) · 2.

Көбейту мен қосу амалдарын қолдана отырып, тікбұрыштың периметрін әртүрлі жолмен есептеуді үйретіңіз. Мысалы, егер қабырғаларының ұзындығы – 5 см және 3 см болса.

Топтар есептеп, өз тапсырмаларын көрсетеді.

– Әрқайсысының тәсілі әртүрлі болып шығады. Кім бір тәсілмен, кім екі, үш?

Талқылау нәтижесімен ортақ жазба енгізіледі.

Р=5+3+5+3=16см

P=2∙5+2∙3=16см

P=(5+3)∙2=16см

"Бағдаршам" арқылы бағалаңыз

Оқушылар бағдаршам көзіне сәйкес сигналды карталарды көтеру арқылы бағалайды.

Жасыл түс- "Түсіндім"

Сары түс-"Сұрағым бар"

Қызыл түс- Түсінбедім

Түсіндіре отырып алғашқы бекіту.

Тапсырма орындауды ұсыныңыз: тікбұрыштың кестеде көрсетілген периметрі мен ауданын, ұзындығы мен енін есептеуді айтыңыз..

Ұзындығы Ені Периметрі Ауданы

.

Үлгі бойынша тексеріп, смайликтер арқылы бағалаңыз.

Жаңаны қолдану.

№ 6 тапсырманы орындауды ұсыныңыз.

Тіктөртбұрыштың периметрі-20см, ал ұзындығы-6см. Тіктөртбұрыштың енін табудың жолдарын түсіндіріңіз Формуланы ұсыныңыз..

Р=20см

ВС=6см

АВ=?см

в=Р:2-а

Мен:

Қосындыны санға көбейту ережесін қолданып, әртүрлі тәсілдермен есептеймін;

Қосындыны санға көбейту ережесіне негіздеп, сандардың көбейту алгоритмін біртаңбалы санға қолданамын.Сабақ соңында кері байланыс алыңыз.

Рефлексия.

Бүгінгі сабақта мен түсіндім, мен білдім, анық-қанығына жеттім …;

«Мен … өзімді мақтан етемін»;

«Әсіресе маған ұнағаны …»;

«Бүгін … менің қолымнан келді»