Гүлзарлар мен көгалды алаңдар. Математика, 3 сынып, сабақ жоспары.

Тақырып: Гүлзарлар мен көгалды алаңдар

Мектеп:

Күні:

Мұғалімнің аты-жөні:Дастанбаева Фарида Кушекбаевна

Сынып:

Қатыспағандар саны:

3.1.2.9 100 көлеміндегі сандарды ауызша көбейту мен бөлуді орындаудақосындыны және көбейтіндіні бір таңбалы санға бөлу, қосындыны санға көбейту ережесін қолдану

3.1.2.5 үш таңбалы сандарды/мыңдықтарды санның ондық құрамы негізінде ауызша қосу және азайтуды орындау

3.1.2.8 үш таңбалы сандарды жазбаша қосу және азайту алгоритмдерін қолдану

Көбейту мен бөлу кестесі. 10 мен 100 сандарына, толық ондықтарға көбейту және бөлу, көбейтудің терімділік қасиеті, қосынды мен көбейтіндіні біртаңбалы санға көбейту ережесі, 100 көлемінде ауызша көбейту және бөлуді орындау кезінде қосындыны санға көбейту.

Жоспар

Жоспарланған іс-әрекет

Ынталандыру.

Қане тәртіп сақтайық

Тез есептеп аттайық

Алға қадам басқанда

Батылдықпен аттайық

Белсендіру.

«Иә», «Жоқ» әдісі арқылы ауызша есептеуге бірнеше мысал тапсырма орындалады.

-50 мен 10-ның көбейтіндіс 500-ге тең

-200 бен 20-ның бөліндісі 100-ге тең.

-27 мен 10-ның көбейтіндісі 270-ге тең-–«иә»

-400 бен 20-ның бөліндісі 100-ге тең- «жоқ»

Мақсат қою (мәселелі жағдаят)

Бүгін біз өз білімімізді нақтылаймыз, әрқайсыңызда туындаған қандай да бір қиындықты тауып, оны түзейміз.

(Т.Т) «Гүл жинау» ойыны.1-тапсырма . Бұл тапсырманы қатар бойынша жарыс түрінде (егер оқушылар қатар бойынша отырса) немесе топта орындайды. Тақтаға 1, 2, 3-қатар (топ) деп жазып қойылады. Тапсырмаларды орындау барысында, оқушылар қолдарын көтереді, оны тексеріп, жұмысты орындап шыққан оқушы қай топтың оқушысы болса, сол топқ ұпай беріледі. Барлығынан көп ұпай жинаған топ жеңіске жетеді.

(Ж.Ж) «Тиінге көмектесу» ойыны.2-тапсырма жұпта орындалады.Жұпта талқылап,есептеп жауабын эталоннан тексереді. Тапсырма дөңгелек сандарды бөлу дағдысын бекітуге бағытталған.

(Ж.Ж) Орындап көр. 3-тапсырма жұпта орындалады. Оқушыларға ауыспалы жұптық құраммен жұмыс жасайды. Тапсырманы параққа орындайды. Тапсырманы орындауға уақыт беріледі. Оқушылар амалдардың орындалу тәртібі анықтап орындайды Есепті шығарып болған соң, барлық нәтижелерді салыстырады, өйткені оқушылардың есептеу нәтижелері әртүрлі болуы мүмкін. Барлық жауапты тексеріледі.

(Оқушылардың тапсырманы орындау барысында, қиындыққа кезіккен оқушыларға көмек көрсету.)

4-тапсырма. а)Көгалдың периметрі белгілі болса, қабырғаларының ұзындығын тауып, ауданын табу үшін бұрынғы білімдерін еске түсіреді. Периметр – фигураның барлық қабырғаларының ұзындықтарының қосындысы.Ендеше,периметрі арқылы бір қабырғасын тауып, ауданын табады.

ә)Оқушылар шаршының ауданын қалай меңгергенін анықтау үшін, келесі сұрақтарды қойылады:

• Шаршының ауданын қалай табамыз?

• Аудан белгілі болғанда шаршының қабырғаларының ұзындығын қалай табамыз?

• Шаршының ауданын қандай өлшем бірліктермен өрнектеуге болады: см², мм², дм²,см ,м

(Ө.Ж) 5-тапсырма.Шығарып көр . Бұл тапсырманы өз беттерінше орындайды. Оқушылар есептеу дағдыларын бекітеді. Тақтаға 1, 2, 3-қатар (топ) деп жазып қойылады. Тапсырмаларды орындау барысында, оқушылар қолдарын көтереді, оны тексеріп, жұмысты орындап шыққан оқушы қай топтың оқушысы болса, сол топқа ұпай беріледі. Барлығынан көп ұпай жинаған топ жеңіске жетеді.

6-тапсырма.Тапсырма жұпта орындалады.Тіктөртбұрышты атыздың ені белгілі,жиналған өнімнің салмағына қарап,атыздың ұзындығын табады.

7-тапсырма. Бұл тапсырманы орындауды да жарыс түрінде өткізуге болады. Әрбір қатардан (топтан) бір-бір оқушыдан шығады. Олардан теңдеуді шешуді жарыса отырып, тез және дұрыс орындайды. Содан соң оқушы теңдеуді шешкеннен кейін, қай компоненттің белгісіз болғанын және оны табу үшін оның не істегенін айтады. Егер тақтадағы оқушы қиналса, оған сол қатардың (топтың) мүшесі көмек көрсете алады.

8-тапсырма. «Өрнек құрастыр» Оқушылар өрнек құрастырып, оның мәнін есептейді. Олар алдымен мысалдарды жұпта талқылап, содан кейін өз беттерінше дәптерге жазады. Тапсырманы орындаған соң, жұптар арасында бірін-бірі тексереді.

Кері байланыс

«Ыстық орындық» әдісі арқылы кері байланыс беру.

-Периметр деген не?

-Шаршының ауданын қалай табады?

-Белгісіз көбейткішті қалай табамыз?

-Белгісіз бөлінгішті қалай табамыз?