Грамм - масса бірлігі. Математика, 3 сынып, сабақ жоспары.

Бөлімі: Көбейту және бөлу

№23-сабақ.

Тақырыбы: Грамм - масса бірлігі

Мектеп:

7

Күні:

Мұғалімнің аты-жөні:

Какимбаева Арайлым Каскырбаевна

Сынып:

Қатысқандар саны:

Қатыспаған оқушылар:

Оқу мақсаты: (Оқу бағдарламасының ұзақ мерзімді жоспарына сәйкес)

3.1.3.4 4 ұзындық (мм, см, дм, м, км)/масса (г, кг, ц, т)/ аудан (см², дм², м²/ уақыт (сек,мин, сағ, тәул. ғасыр) бірліктерін олардың арақатысына сүйеніп түрлендіру.

Сабақтың

мақсаты:

Ғылыми тіл

Құндылықтар

Жауапкершілік,өмір бойына білім алу

Пәнаралық байланыс

Әдебиеттік оқу, көркем еңбек.

АКТ қолдану дағдылары

Интербелсенді тақта

Алдыңғы меңгерілген білім

Өрнектер, тонна, грамм

Сабақ барысы

Оқушылардың жоспарланған іс-әрекеті

Психологиялық дайындық

«Тілек шоғы» (партадағы көршілер бір-біріне тілек тілейді)

–Ал менің сендерге не тілейтінімді білгілерің келсе, мына өрнектерді шығарып беріңдер

200-25=д   590-490=е  840+130=н

750-150=с    670-600=а   320-310=у

880-770=л    500+400=ы   800-760=қ

-Міне, менің тілегім, басты байлық –денсаулық.

(Ұ.Ж) Математикалық диктант

• Үшбұрыштардағы сандардың айырмасын тап.(18)
• Шаршыдағы санның жартысын жаз.(3)
• Нәтижені дөңгелектегі санға көбейт.(51)
• Шыққан санға төртбұрыштағы санды қос.(80)
• Нәтижені алтыбұрыштағы санға бөл. (20)

«Ойлан, тап!»

• 1 кг темір ауыр ма, 1 кг мақта ауыр ма?

Оқушылардың жауабы тыңдалған соң, интербелсенді тақтадағы тапсырмалар орындалып, төмендегі сұрақтарға жауап береді.

• Бұл суреттерге қарап нені табуымыз керек деп ойлайсыңдар? (заттардың салмағын)
• заттың салмағын білу үшін бізге не қажет?( таразы)
• қандай таразы түрлерін білесіңдер?
• Қанеки, бұл заттардың салмағын анықтайық.
• Бұл өлшем бірліктер қалай аталады? (масса өлшем бірліктері)
• Массаның қандай өлшем бірліктерін білесіңдер? (кг, тонна)
• Кг-нан кіші өлшем бірлікті атай аласыңдар ма? (грамм)
• Грамм, кг, тоннамен нені өлшеуге болады? 1 кг-да неше грамм бар? Кір тастарының массасы қандай болатынын қара.

«Назар аудар!»

1 кг = 1000 г

«Жарайсың!», « Өте жақсы!», «Керемет!» т.б. сөздік бағалау.

Сөздік бағалау «Жарайсың!», « Өте жақсы!», «Керемет!» т,б.

(Т.Ж).

Төмендегі массаларды алу үшін қандай кір тастары қажет екенін білуді ұсыну. Тапсырманы орындау үшін, оқушылар кір тастарын қолданады. Тапсырманы оқу, бірақ оны қалай орындауды оқушыларға түсіндірмеу, оларға іс-әрекет жоспарын өздері ойлауға мүмкіндік беру.

Тапсырманы орындап болған соң, топтардың нәтижелерін салыстырады. Нәтижелер әр түрлі шыққан жағдайда, неліктен әртүрлі шыққанын сұрау.

«Жұлдызша» арқылы бағалау

(Ж.Ж) (Сен және мен» ойыны

Жұптағы 1-оқушы көрсетілген өлшем бірлікті өсу ретімен жазса, 2-оқушы кему ретімен жазып шығады. Әр оқушы қалай орындалғанын түсіндіреді.

«Жұлдызша» арқылы бағалау

(Ө.Ж) Тиісті өлшеммен сәйкестендір. Оқушылар суретте көрсетілген заттардың массаларын тиісті өлшем бірлігімен сәйкестендіру керек. Оқушылар өмірлік тәжірибелеріне сүйене отырып және 1 грамм масса туралы түсініктері бойынша, шай, шоколад тақтасының массасы граммен берілетінін, ал бір себет алма мен сиырдың массасы килограммен, ұшақтың массасы тоннамен берілетінін анықтай алады.

«Жұлдызша» арқылы бағалау

(Ж.Ж) Түрлендір.

Оқушыларға көрсетілген өлшем бірліктеріне сай өрнектеу ұсынылады. Тапсырманы орындау үшін оқушылар масса өлшем бірліктерінің ара қатынасын еске түсіріп алады.

«Жұлдызша» арқылы бағалау

Кері байланыс.

Оқушылардан осы сабақта қандай жаңалықтармен танысқанын сұрау. «Сиқырлы таяқша» ойынын жүргізу. Ортаға 4 оқушы шығып, 3 таяқ тасталады. Оқушылар музыка ырғағымен айналып жүреді, тоқтағанда таяқшаны алып үлгеру керек. Таяқсыз қалған оқушыға біреуі тақырып аясында сұрақ қояды. Осылай таяқ саны кеміп, соңында жеңімпаз анықталады.

Қосымша ақпарат

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау - оқушылардың материалды меңгеру деңгейін қалай тексеруді жоспарлайсыз?

Денсаулық пен қауіпсіздік техникасының сақталуы

Жұптардың өзара сөйлесулерін бақылап, тыңдап жүру барысында тапсырманы орындауға қиналатын оқушыларға қолдау көрсету.

Оқушыларды сөздік бағалау

«Жұлдызша» арқылы бағалау

Өмір қауіпсіздігінің ережелері.