Аудан. Ауданның өлшем бірліктері. Математика, 3 сынып, қосымша материал.

Мұғалімдерге арналған нұсқаулық

Тақырыбы: Аудан. Ауданның өлшем бірліктері

Оқу мақсаты: 3.1.3.2 мм, км/ г, т/см², дм², м² /сек өлшем бірліктерін қолданып өлшеу

3.1.3.3 шамалар мәндерін (мм,см, дм, м/ г, кг, ц, т / л/ см², дм², м^2, га/ сек, мин, сағ, тәул, жыл, ғасыр) салыстыру және амалдар орындау

3.1.3.4 ұзындық (мм, см, дм, м, км)/масса (г, кг, ц, т)/ аудан (см², дм², м²/ уақыт (сек,мин, сағ, тәул. ғасыр) бірліктерін олардың арақатысына сүйеніп түрлендіру

Сабаққа қажетті ресурстар: әрбір оқушыға арналған палетка-палетканың торкөздері 1см²,әртүрлі фигуралар

Сабақта қолданатын деректі материалдар: фигураның ауданы- бұл жазықтықтағы фигураның алатын орны.

Кіріспе тапсырма. Еңбектің рөлі

(Ж.Ж) Мұғалім оқушылармен қандай маман иелері ауданды өлшейтіні жайында әңгімелеседі, күнделікті өмірде бұл білімді қалай пайдалануға болады?

Сөздік бағалау «Жарайсың!», « Өте жақсы!», «Керемет!» т,б.

(Т.Ж)Оқушылар 1- тапсырмаға берілген суреттерді қарап, қанша тақтатас кететінін санайды.

1-сурет.Ұзындығына 4 тақтатас еніне 4 тақтатас барлығы 16 тақтатас сияды. Ұзындығына 4 тақтатас ,еніне 4 тақтатас төсейтін болсақ, ұзындығы мен енін көбейтеміз.

2-сурет. Ұзындығына 6 тақтатас еніне 2 тақтатас барлығы 12 тақтатас сияды.Бұл ауданға тақтатас төсейтін болсақ 12 тақтатас керек

(Ж.Ж). 2-(а) тапсырмада – тіктөртбұрышта қанша қатар бар екенін, бір қатарда қанша торкөз барын, тікбұрышты квадратта қанша торкөз барын санайды.(1 торкөзді 1 см² – деп есептесек)

Әрбір қатарда 4 торкөзден , 3 қатар торкөз болса тіктөртбұрыштың ауданын қалай табамыз?Тіктөртбұрыштың ауданын табу үшін 4пен 3-ті көбейтеміз.Ауданы 12 см² болады.

2-(ә) тапсырмада – тіктөртбұрышта қанша баған бар, квадратта қанша баған барын, барлығында қанша баған барын санайды.

Ш:4·4=16 (см² )

Оқушылар санаудың екі әдісінің нәтижесін салыстырады.

3-тапсырмада оқушылар өрнектің мәнін есептеп шығарады, сандық өлшемдермен ұсынылған, ауызша көбейту алгоритмін сақтай отырып, өрнектің қосындысы мен айырымын, көбейту кестесін білетіндер көбейту мен бөлу амалдарына арналған білімді пайдаланады.

60см²+ 452 см²=512 см² 5 га ·8 см²= 40 га

21 дм² : 7 =3 дм² 800 м²- 535 м²=265 м²

(Ө.Ж) 4-тапсырмада а)АВ кесіндісі 6 см, ал СD кесіндісі

18 см.Біреуі екіншісінен неше есе ұзын екенін табады.

Бірінші кесіндіден екінші кесіндінің неше есе кем екенін табу үшін ұзын кесіндіден қысқа кесіндінің ұзындығын бөлеміз.

Ш: 18см: 6 см=3 (есе кем) Ж:АВ кесіндісі СD кесіндісінен 3 есе кем.

ә) АВ кесіндісі 5 см, ал СD кесіндісі 15 см. СD кесіндісі АВ кесіндісінен неше сантиметрге ұзын?

Бірінші кесіндіден екінші кесіндінің неше сантиметр ұзын екенін табу үшін , ұзын кесіндіден қысқа кесіндінің ұзындығын азайтамыз.

Ш:15 см-5 см =10 см Ж: СD кесіндісі АВ кесіндісінен 10 см ұзын.

(Ж.Ж) Оқулықтағы 5-тапсырманы оқушылар жұппен орындайды,сандық мәліметтерді ұсынылған қысқа жазбалармен толықтырады, әр оқушы өз серіктесіне көмектеседі, есеп шығарады, өзара тексеру үшін алмастырады.

Қызанақ – 8 кг-нан 3 жәшік

Қияр – 6 кг-нан 2 жәшік? кг

Ш: (8·3)+ (6 ·2)=30 (кг)

Ж:барлығы 30 килограмм көгөніс жиналды.

«Басбармақ» арқылы бағалау.

(Ө.Ж) Оқулықтағы 6-тапсырманы еденді толтыру үшін жұмысшыларға қанша сары тақтатас қажет екенін табады.Егер 1 тақтатастың ауданы

1 дм² болса, онда сары тақтатас төселген еденннің ауданы қанша болатынын табады.

36 сары тақтатас 36 дм²

40 сары тақтатас 40 дм²

Сөздік бағалау «Жарайсың!», « Өте жақсы!», «Керемет!» т.б.

(Ж.Ж)7-тапсырмада оқушылар аудан өлшем бірліктерін көбейтіп немесе азайту арқылы салыстырады.

3 м² *6 = 25 м² – 7 м² 56 м² + 34 м² > 9 м² * 5 м²

96 м² – 28 м² > 35 м²:7 18 м² :2 < 9 м²·3

8-тапсырма оқушылардың функционалды сауаттылығын қалыптастыруға бағытталған, алдымен әр жер телімінің периметрін табу көзделген.Оқушылар сұрақтың астарында, барлық гүлзарды қоршауға қажетті ұзындық, олардың периметрінің қосындысына тең.

1-гүлзар.Р=4м+4м+4м+4м=16 м немесе Р=4м·4м=16 м

2-гүлзар. Р=4м+6м+4м+6м=20 м немесе Р=(6м+4м)·2=20 м

«Басбармақ» арқылы бағалау.

Тез ойлан! 9-тапсырмада қима қағаздарға тапсырмаларды көрсеткенде шапшаң есептеп жауабын айтады.

Сөздік бағалау «Жарайсың!», « Өте жақсы!», «Керемет!» т.б.

Кері байланыс

-Ауданды қалай табамыз?

-Тік төртбұрыштың ауданын қалай табамыз?

«Жетістік баспалдағы» арқылы бағалау