Берілген заңдылық бойынша тізбекті құру. Математика, 2 сынып, сабақ жоспары.

Пән:

Ұзақ мерзімді жоспар бөлімі:

1А-бөлім: Екітаңбалы сандар

Мектеп: Талдықорған қаласының физика-математика бағытындағы Назарбаев Зияткерлік мектебі

Күні:

Мұғалімнің аты-жөні: Кудабаева А.К

Сынып: 2А

Қатысқандар саны:

Қатыспағандар саны:

Сабақ тақырыбы

Берілген заңдылық бойынша тізбекті құру

Осы сабақта қол жеткізілетін оқу мақсаттары

2.4.3.1 100-ге дейінгі сандар, 1000-ға дейінгі жүздіктер тізбектерінің заңдылығын анықтау.2.4.3.2 Берілген заңдылық бойынша тізбекті құрастыру, тізбектегі заңдылықтың бұзылуын табу.

 Сабақ мақсаттары

Берілген заңдылық бойынша тізбек құрастыру, тізбектегі заңдылықтың бұзылуын анықтау.

 Бағалау критерийлері

Берілген заңдылық бойынша тізбек құрастырады.

Тізбектегі заңдылықтың бұзылуын анықтайды.

 Тілдік мақсаттар

• екі таңбалы сандардың разрядтарын атау
• екі таңбалы санға сипаттама беру
• бірліктер, ондықтар, разрядтар:
• есептеу, тура ретте есептеу, кері ретте есептеу;
• артық; кем; … қарағанда артық; … қарағанда кем;
• разрядтық қосылғыштар;
• разрядтық қосылғыштардың жиынтығы;

разрядтардың кестесі

 Құндылықтарды дарыту

Оқушылар топпен, жұппен жұмыс кезінде өзара көмек беруге, қолдау көрсетуге ұмтылады. Математика пәніне деген қызығушылықтары артады.

Құндылықтарды дарыту/әлем азаматы/көпмәдениеттілік/

 /интернационализм

Білімдерін өмірде пайдалану

 Пәнаралық байланыстар

Жұптарға жануарларды сандық түзуде дұрыс орналастырып шығу тапсырмасы кезінде дүниетану пәнімен байланысады, оқушылар жануарлардың мекендейтін жері туралы өз білетіндерін айтады.

 АКТ қолдану дағдылары

Сан қатарын табуға берілген тапсырма негізінде.

Бастапқы білім

Оқушылар бірінші сыныпта алған санау дағдыларын еске түсіреді.

Сабақ барысы

Сабақтағы жоспарланған іс-әрекет

Психологиялық дайындық «Сағат бойынша достар» ойыны.

Шарты: Сағаттың әр санына байланысты достарына жақсы көңіл-күй сыйлайды.

1. Қолын қыс

2. Арқасынан қақ

3. Қол ұстасып күлімсіре

4. Қол бұлға

5. Көзіңді қыс

6. Бір –біріңнің алақандарыңды тигіз

7. Бір -біріңнің иықтарыңды түйістір

8. Иығынан қақ

9. Қолтықтас

10. Бастарыңды түйістір

11. Құшақта

12. Қол ұстасып 3 рет секір

Миға шабуыл Заңдылығын анықта Қайық - -------------- жаңбыр --------------- Теңіз – -------------- тлұб-------------------- 

Келесі сандар тізбегін жаз.

10,30,50, ....

9, 29, 49, ...

29, 28, 26, 23, ...

Заңдылық бойынша тізбекті үш санға жалғастыр.

99, 96, 93 …

16, 61, 26, 62, 36, 63, 46, 64, ... .

10,14, 15, 19, 20, 24, 25, 29, 30, ....

Сергіту сәті

Қалыптастырушы бағалау

Заңдылығын анықтап, бос орындарға сан қой

27, ... , 33, 36, 39, ... , 45, 48, ...

24, 21, 19, 18, 15, 13, …, …, 7.

Дифференциация

Кім не кигенін анықта

Бим, Бам және Бом — сайқымазақтар. Олар қызыл, көк және жасыл түсті қалпақ пен бант тағып шықты. Бомның қалпағы да, банты да көк түсті емес. Бимның қалпағы жасыл, ал банты басқа түсті. Бамның қалпығы да, банты да бірдей түсті.

Рефлексия

Оқушылар екі қатарға сандық түзу құрып тұрады.

1-қатарға берілген заңдылық бойынша тізбек құра аламын деген оқушылар тұрады.

2-қатарға берілген заңдылық бойынша тізбек құруда әлі де үйренемін, достарымнан көмек сұраймын деген оқушылар тұрады.

Дифференциация – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы