Батыр туса-ел ырысы. Әзілхан Нұршайықов «Ақиқат пен аңыз» (үзінді). ІІІ-бөлім. Қазақ тілі (орыс сыныбы), 7 сынып, сабақ жоспары.

САБАҚ: 7

Бөлім тақырыбы

ІІІ-бөлім: Батыр туса-ел ырысы. Әзілхан Нұршайықов «Ақиқат пен аңыз» (үзінді)

Сабақтың түрі

жаңа сабақ

Осы сабақ арқылы жүзеге асатын оқу мақсаттары

О5. Қосымша ақпарат көздерінен алынған мәліметтерді кесте, диаграмма, сызба, шартты белгілер түрінде ұсыну.

Сабақтың мақсаттары

Барлық оқушылар

• Тақырыпқа қатысты мәліметтерді анықтайды, ажыратады;

Көптеген оқушылар

• Ұқсас мәліметтерді біріктіреді, алшақ мәліметтерді ажыратады;

Кейбір оқушылар

• Ақпараттарды қажетінше өңдей алады, құрастырады.

Бағалау критерийлері

• мәліметтерден кесте, түйіндеме, ментальді карта жасайды.
• Ұқсас мағыналарды біріктіреді;
• Алшақ мағыналарды ажыратады.

Тілдік мақсаттар

қаһарман, біртуар азамат, партизан жазушы, сұрапыл соғысқа

қатысқан батыр, қарапайым, қыран жетекші.

Пәнаралық байланыс

тарих

Мектеп құндылықтары

Өзіне және айналадағы адамдарға құрмет: әлеуметтік бейімдеушілікті және салауатты өмір салтын ұстануды білдіреді. Өз мәдениеті мен тіліне құрмет сияқты, басқа да мәдениеттер мен тілдерге, құқықтарға, адамгершілік пен пікірлердің әртүрлілігіне құрметті қамтиды.

Осыған дейін меңгерілген білім

Оқылым стратегияларын қолдану: комментарий жасау, іріктеп оқу, зерттеп оқу.

Жоспар

Жоспар бойынша орындалуы тиіс іс-әрекеттер

Ұйымдастыру бөлімі.

Сабақ мақсаты мен жетістік критерийлері таныстырылады.

Оқылым алды тапсырма.

Сыныпқа жаңа сөздер ұсынылады. Сөздерді қатыстырып, өткен сабақтағы білімдерін қолдана отырып, сөз тіркестерін немесе сөйлемдер құрастырады.

Мұғалімнің таңдауы бойынша оқушылар жеке-жеке сөйлемдерін оқиды, ауызша кері байланыс арқылы сөйлем құрылымдары мен мазмұны бағаланады.

Мысалы: «Көзілдірік кигендер сөйлемдерін оқысын», «галстук таққандардың сөйлемін тыңдаймыз», «Орындығының астында пластилин жабысқандар сөйлемін оқысын (мұғалім алдын ала орындықтарға пластилин жабыстырып қойса болады)»т.б.

Оқылым тапсырмасы

Т/ЖЖ

Мұғалім сыныпты 4 топқа/жұпқа бөледі. Топтарға ноутбук, планшет, сөздіктер ұсынылады. Халық қаһарманы, партизан жазушы, Қасым Қайсенов туралы (жергілікті майдангердің есімімен ауыстырса болады) мәлімет, ақпараттар іздейді. Мұғалім ұсынған формада ақпараттарының таныстырылымын жасайды.

1-топ/жұп: түйіндеме дайындайды (қосымша ақпарат көздерінен алынған мәліметтерді пайдаланады)

2-топ/жұп: сызба-кесте (құрылымын қолда бар ақпараттарға сүйене отырып, дайындайды. Мысалы: аты-жөні, шығармалары, наградалары, нақыл сөздері, т.б.)

3-топ/жұп: ментальді карта (ақпараттарға сүйене отырып)

4-топ/жұп: сызба карта дайындау (жазушы туралы деректер мен өмірбаянына сүйене отырып)

Ауызша кері байланыс

«Бейбіт күннің бүгінгі балаларының тілегі...» (оқушылар ой толғауы)

Ұсынылатын сөздер: қаһарман, біртуар азамат, партизан жазушы, сұрапыл соғысқа қатысқан батыр, қарапайым, қырандай.

Жетелеуші сұрақтар:

• Бүгінгі заманды қалай бағалайсың?
• Батыр аталарымыздың ерлігі саған қандай сабақ береді?
• Болашақ үшін қандай жауапкершілікті сезінесің? т.б.

Қосымша ақпарат

Рефлексия

Сабақ мақсаттары/оқу мақсаттары жүзеге асырымды болды ма?

Бүгін оқушылар нені үйренді? Сыныптағы оқу атмосферасы қандай болды? Дифференциацияны жүзеге асыру қолымнан келді ме? Мен жоспарланғануақытымды ұстандым ба? Мен жоспарыма қандай өзгерістер енгіздім және неліктен?

Жалпы баға

Сәтті өткен екі нәрсені атап көрсетіңіз (сабақ беру және оқытуға қатысты)?

Қандай екі нәрсе сабақтың одан да жақсы өтуіне ықпалын тигізер еді (сабақ беру және оқытуға қатысты)?

Осы сабақ барысында сынып немесе жеке оқушылар туралы менің келесі сабағыма дайындалу үшін қажет болуы мүмкін қандай ақпарат алдым?