«Ұқсатым. Сән. Талғам.» Қазақ тілі (орыс сыныбы), 7 сынып, сабақ жоспары.

САБАҚ: 7

Мектеп:

Күні:

Оқытушының аты-жөні:

СЫНЫП: 7 Т2

Қатыспағандар:

Оқыту мақсаттары

А2. Сөз мәнері мен сөйлеу этикеті

7.А2. Кеңес беру, ұсыныс жасау, өтініш, талап ету, бұйрық берудің түрлі формалары мен жағдаяттарына сай ұлттық сөз әдебі мен сөйлеу этикеті формаларын қолдана білу.

Сабақтың мақсаттары

Кеңес беру, өтініш білдіру мен талап ету формаларын дұрыс қолдану

Бағалау критерийі

Сыныптастарына/достарына арнап киім киісі туралы мәтіндегі ақпаратты пайдалана отырып кеңес береді, өтініш білдіреді немесе киім киісіне өзгеріс енгізуді талап етеді.

Алдыңғы білім

7-сыныптың бастапқы бөлігінде дамытылған тілдік түсінік пен дағдыларға сүйенеді.

Тілдік мақсаттар

Лексикалық минимум: лайық, тартымды, сенімді, қағида, таңдау, қанағатшылдық, сезінесіз, күту, қадағалау.

 Құндылықтарды

 дарыту

• жұптық және топтық жұмыстар орындау барысында өзіне және айналадағы адамдарға дегени құрмет;
• топтық жұмыстарды орындау барысындағы ынтымақтастық;
• өз пікірін білдіру барысындағы ашықтық;
• топтық жұмыстар, кретаивті шығармашылық ізденістер барысындағы еңбек және шығармашылық;

 АКТ қолдану

 дағдылары

Осы сабақ барысында оқушылар интербелсенді тақтаны қолданады.

Пәнаралық байланыс

Өнер

Жоспар

Жоспарланған әрекеттер

Қызығушылықты ояту

Кіріспе. Әлем таныған дизайнерлер сурет топтамалары беріледі, оқушылар сәйкестендіру кестесін толтырады.

Суреттер арқылы сабақтың тақырыбы болжанады.

Мақсаттар туралы айтылады.

Күтілетін нәтижелер белгіленеді.

Оқушылар суреттер қиындысы арқылы 3 топқа бөлінеді.

1-тапсырма. Сөздерді суреттермен сәйкестендір

- лайық - тартымды

- сенімді - қағида

- таңдау - қанағатшылдық

- сезінесіз - күту

- қадағалау

2-тапсырма. «Джорджио Армани ер адамның киім киісі туралы кеңес ұсынады» мәтінімен танысып, топтық тапсырманы орындаңыздар

Джорджио Армани ер адамның киім киісі туралы кеңес ұсынады

Стильді көріну тек қыздарға лайық деген қағиданы жою керек. Себебі, тартымды, жақсы киінген, киім таңдауда талғамы бар жігіт өзіне-өзі сенімді бола тұра, жетістікке жетуге бір қадам жақындайды.

Бірінші кеңес. Стильге сәйкес киіну үшін барыңды салудың қажеті жоқ. Стильді көрінуге қатты талпынбаған адам стильді көрінетінін ескеріңіз.  Яғни, кейбір адамдар қанағатшылдық сезімнен жұрдай болғандықтан кейде стильді боламын деп асыра сілтеп жібереді.

Екінші кеңес. Киімнің түсі көбіне қара және қара көк болғаны дұрыс, себебі, бұл түстер адамның тұла бойын сұңғақ етіп көрсетеді.

Үшінші кеңес. Егер сіз жақсы, қымбат киім киінетін болсаңыз өзіңізді сенімдірек сезінесіз.

Төртінші кеңес. Егер сіз спортпен шұғылданатын болсаңыз және бұлшық еттеріңіз көлемді болса, киімді тапсырыспен тіктіргеніңіз дұрыс.

Бесінші кеңес. Тартымды көріну – сіз табысқа жартылай жеткеніңіз. Алтыншы кеңес. Кез келген ер адамның гардеробында болуға тиіс нәрсе – пенжак (пиджак). Сондықтан оның өңі бұзылмауын қадағалап, оны күтіп киюіңіз керек.

Жетінші кеңес. Туфлиіңіз қымбат болуы және қымбат болып көрінуі керек. Бұл үнемдеуге болмайтын ерлер гардеробының элементі.

Сегізінші кеңес. Сырбаздық – жетістікке жетудің кілті.

Тоғызыншы кеңес. Киіміңіздің түсін таңдағанда мұқият болыңыз: әртүрлі суреті бар киімді алмауға тырысыңыз.

Оныншы кеңес. Ақ көйлек, қара шалбар және қара галстук. Кім не десе де, осылай киінсеңіз стильді және тартымды көрінетініңіз сөзсіз.

Осы кеңестерге сүйене отырып, өзіңіздің киіну әдетіңізді өзгертуге немесе жақсартуға болады. Егер жоғарыда аталған кеңестерге алып-қосарыңыз болса, пікірлеріңізбен бөлісіңіз. 

Дайындаған: Фариза Әбловаhttp://massaget.kz/kyizdarga/sn/21674/

1-топ – сыныптастарына/достарына арнап киім киісі туралы мәтіндегі ақпаратты пайдалана отырып кеңес білдіреді;

Дескрипторлары:

1. Тақырыпқа қатысты берілген сөздерді қолданалды;

2. Мәтіндегі ақпаратты пайдаланады;

3. Сыныптастарына/достарына береді.

2-топ – киім киісін жөнсіз көрген досына өтініш білдіреді;

Дескрипторлары:

1. Тақырыпқа қатысты берілген сөздерді қолданалды;

2. Мәтіндегі ақпаратты пайдаланады;

3. Досына өтініш білдіреді.

3-топ – киім киісінің манызыдылығы жайлы сөйлесіп, өзгеріс енгізуге талап етеді.

Дескрипторлары:

1. Тақырыпқа қатысты берілген сөздерді қолданалды;

2. Мәтіндегі ақпаратты пайдаланады;

3. Киім киісіне өзгеріс енгізуді талап етеді.

Бағалау

«Галереяға саяхат» әдісі арқылы (топтың ішінен бір оқушы өз жұмысын басқаларға таныстыру үшін қалады, қалған оқушылар басқа топтардың жұмыстарын тыңдап, кері байланыс береді) жүреді.

Қорытынды.

5-минуттық эссе жазып, «Ыстық орындық» әдісі негізінде оқушылар өз ойларымен таныстырады...

Рефлексия

«Аяқталмаған  сөйлемдер» әдісі арқылы оқушылар сабақтағы іс-әрекеттеріне рефлексия жасайды.

Мен бүгін білдім... .

Менің бүгін қолымнан келді... .

Мен келесі сабақта білгім келеді... .

Қосымша ақпарат

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Дифференциацияны берілетін тапсырма, күтілетін нәтиже, қолдау көрсету, бөлінетін уақыт, қолданылатын дереккөздер арқылы жүзеге асыруға болады.

Дифференциация сабақтың кез келген бөлімінде қолданылады.

Жалпы баға

Сәтті өткен екі нәрсені атап көрсетіңіз (сабақ беру және оқытуға қатысты)?

1:

2:

Қандай екі нәрсе сабақтың одан да жақсы өтуіне ықпалын тигізер еді (сабақ беру және оқытуға қатысты)?

1:

2:

Осы сабақ барысында сынып немесе жеке оқушылар туралы менің келесі сабағыма дайындалу үшін қажет болуы мүмкін қандай ақпарат алдым?