Мерейтой – өмірдің жаңа белесі. Қазақ тілі (орыс сыныбы), 7 сынып, дидактикалық материал.

Дидактика №1

... туған күнің құтты болсын! Қуанышты, бақытты күндер көп болсын! Әрдайым аспаның ашық болсын.

* * * * *

Аққудың – ақтығын,

Өмірдің – пәктігін,

Арманның – ажарын,

Бақыттың – базарын,

Денсаулықтың – зорын,

Махаббаттың - молын тілеймін!

* * * * *

Бірінші - ұзақ жасты өмірлі бол,

Екінші-тіл мен көзден аман бол,

Үшінші-берекелі, беделді бол,

Төртінші-арыстандай айбатты бол,

Бесінші-ақылды, қайратты бол.

Алтыншы - өнерлі бол!

* * * * *

Бүгін сенің туылған күнің - төл мерекең, қуанышың. Біз сені осы мерекеңмен құттықтап, қуанышыңды бөлісуге келіп отырмыз. Бауырым, сенің бағың жансын, сол бағыңнан шыққан жалын сенің өміріңді жарық етсін! Бақытты бол!

* * * * *

Ең жылы да мейірімді құттықтау сөздер көңіліңізден шығып, өмір сізді бақыт құшағында аяласын!

* * * * *

Жылдарыңыз жемісті,

Айларыңыз арайлы,

Күндеріңіз көңілді,

Сағаттарыңыз сәтті,

Минуттарыңыз мәнді болсын!

* * * * *

Көңілің күлген күндей ашық болсын,

Сүйгенің бір өзіңе ғашық болсын,

Әрқашан сүйгеніңмен бірге болып,

Алдыңнан бақыт жолы ашық болсын.

* * * * *

Саған айтар тілек:

Таусылма еш жүдеп,

Қиналсаң – төз,

Жарыссаң – оз,

Ойнасаң – ұт,

Күрессең – жық,

Ешкімді басынба,

Басыңнан асырма,

Табысқа тасыма,

Намысқа жасыма.

* * * * *

Тілеймін бұл өмірде бақыт саған,

Тілеймін талмас қанат, асқақ арман,

Мәртебең биік болып әрқашанда,

Көрейін сені достым заңғарлардан!

* * * * *

Дидактика № 2

1. Жаңа сөздермен танысыңыз;

2. Мәтінді оқыңыз;

Құрметті Үміт Нәзірқызы!

 Сізді торқалы мерей тойыңыз – 60 жасқа толуыңызбен шын жүректен құттықтаймыз!

 Халқымыздың шәкірттерін білім нәрімен сусындатып, жақсы қасиеттерді бойына дарыта білген ұстазға деген құрметі қашан да ерекше. Өйткені, қоғамның басты байлығы – адам болса, сол «адамның адамшылығы жақсы ұстаздан», - дейді дана Абай.

 Ұлы ойшыл айтқандай, Сіз өзіңіздің барлық саналы ғұмырыңыз бен күш-жігеріңізді Еліміздің білім беру саласына арнап, көп жылдар бойы бірнеше ұрпақ саналы шәкірттеріңізді өмірге дайындадыңыз. Қазір де олар Отаны – Қазақстан үшін едіміздің көптеген салаларында адал қызмет етуде. Сіздің оған қосқан үлесіңіз зор.

 Сізге шын жүректен зор денсаулық, қажымас қайрат, бақыт, береке тілеймін.

 Игі тілекпен,

Қарағанды облысының

Білім беру департаменті бастығыАқберді А.Қ.

3. Мәтінге көрсетілген аспектілер бойынша талдау жасаңыз:

Тақырыбы, стилі, жанры, құрылымы, мақсаты, кілт сөздері.