Ұлттар арасындағы түсіністік – ел бейбітшілік кепілі. М. Мағауин «Бір атаның балалары» (үзінді). Қазақ тілі (орыс сыныбы), 5 сынып, сабақ жоспары.

САБАҚ: Қазақ тілі

Мектеп: Павлодар қаласындағы химия-биология бағытындағы Назарбаев Зияткерлік мектебі.

Күні:

Мұғалімнің аты-жөні: А.С. Куатова

Сынып: 5 Т2

Қатысқан оқушылар саны:

Қатыспағандар:

Бөлім атауы:

Қазақстандағы ұлттар достығы

Сабақтың тақырыбы

Ұлттар арасындағы түсіністік – ел бейбітшілік кепілі.

М. Мағауин «Бір атаның балалары» (үзінді).

Сабақтың түрі

Қорытынды сабақ

Жүзеге асатын оқу мақсаттары

5.Ж2.Эссе құрылымын сақтай отырып, адамды, табиғатты, белгілі бір оқиғаны сипаттап жазу.

5.ТБ1.5. Болымды, болымсыз етістіктерді ауызша және жазба жұмыстарда орынды қолдану

Сабақтың мақсаты

Эссені талаптарға сай жазуға дағдыландыру.

Болымды, болымсыз етістіктерді тілде орынды қолдануға үйрету.

Барлық оқушылар:

Көркем шығарма үзіндісінің мазмұнын түсінеді, лексикалық минимумды тілде орынды қолданады. Болымсыз етістіктің жасалу жолын біледі.

Көптеген оқушылар:

Эссенің құрылымын бұзбай жазады. Болымды, болымсыз етістіктерді жазба жұмысында орынды қолданады.

Кейбір оқушылар:

Эссе жазуда өзіндік стильді қолданады. Шығармадағы оқиғаға сыни пікір білдіріп, баға бере алады.

Бағалау критерийлері

• Эссе құрылымын сақтайды;
• Болымды, болымсыз етістіктерді орынды қолданады

Дескриптор

• Эссенің кіріспе, негізгі қорытынды бөлімдері анық жазылған;
• Аргумент келтірілген;
• Шығармадағы оқиғамен байланыс бар;
• Болымды, болымсыз етістіктер сөйлемдерде орынды қолданылды

Тілдік міндеттер

Лексикалық минимум

Түрлі ұлт өкілдері, құндылық, түсіністік, ынтымақ, бауырына басу, өгейсітпеу, төзу.

Сөйлеу мәдениетін жетілдіру үшін қолдануға ұсынылған тілдік оралымдар

Менің ойымша, біріншіден, сонымен қатар, қорытындылай келе т.б.

Құндылықтар

Адами құндылықтар. Қазақстан – түрлі ұлттардың ортақ шаңырағы.

Мұғалім әр оқушыға өз пікірін білдіруге мүмкіндік береді.

Осыған дейін меңгерілген білім

М. Мағауин «Бір атаның балалары» (үзінді). Шығарманың мазмұнымен танысып, композициялық құрылымына талдау. Кейіпкерлерге мінездеме беру.

Пәнаралық байланыс

Қазақ әдебиеті, тарих.

Жоспар бойынша орындалуы тиіс іс-әрекеттер

Сәлемдесу.

Топқа бөліну.

Оқушыларға екі түсті карточкалар ұсынылады. Достық пен татулық туралы мақалдардың басы сары түсті, соңы жасыл карточкада жазылады.

Оқушы қалауы бойынша бір карточканы таңдайды. Мақалдың толық нұсқасын шығару мақсатында сыныптастарының қолындағы карточкалармен танысып, сәйкестендіреді. Сөйтіп балалар үш топқа жиналады:

1-топ: Татулық - табылмас бақыт

2-топ: Жартыны жарып жеген - татулықтың белгісі

3-топ: Байлықтан артық достық бар, достықтан артық байлық жоқ

Әр мақалдың мағынасын ашып, ой бөліседі.

«Адасқан сөздер» ойыны. Оқушылар тақтада шашыраңқы түрде жазылған сөздерді сөйлемде рет-ретімен орналастырып, сабақтың тақырыбын анықтайды.

Мұғалім шәкірттерді оқу мақсаттарымен және бағалау критерийлерімен таныстырады

• Оқушылар сөздіктің көмегіне сүйеніп, сәйкестендіру жұмысын орындайды.

• Болымсыз етістіктің жасалу жолын қайталау мақсатында «Шынжыр» ойыны ойнатылады. Әр оқушы бір етістікті қатыстырып, шаблонды толтыру керек. Нәтижелері топ ішінде өзара тексеріледі.

Ұсынылатын етістіктер: бауырына басу, өгейсіту, бөлу, өкпелеу, құтқару.

Шаблон үлгісі

Ықтимал жауап:

Көмектесу – көмектеспеу - оған көмектесу - Ахмет ата Зигфридке көмектесті.

• Жазылымалды тапсырмасы.

Оқушылар Зигфрид Волфганг Вагнерді бауырына басқан Ахмет шалдың әрекетіне баға береді. Өз жауабын шығармадағы оқиғамен/дәйексөзбен дәлелдейді.

Мысалы:

Ахмет бауырмалдық қасиетін танытты. Оның әрекеті ұлтқа нәсілдікке бөлінуге болмайтынын насихаттайды.

Өзге ұлт баласын бауырына басып, барлық қиыншылықтарға төзе білді.

Бағалау.

Оқушылар жауаптарды «Екі жұлдыз, бір тілек» техникасы арқылы өзара бағалайды.

Мұғалімнің оқушыларға берген кері байланысы.

• Оқушылар шығармадағы оқиғаны негізе ала отырып, ұсынылған тақырып бойынша шағын эссе жазады.

Эссе тақырыбы: Ұлттар арасындағы түсіністік пен бауырмалдық ел бейбітшілігінің кепілі бола алады ма?

Кіріспе бөлімі – 2-3 сөйлем

Негізгі бөлім – 1 аргумент

Қорытынды бөлім - 2-3 сөйлем

Бағалау.

Шәкірттер топ ішінде сағат тілімен дәптерлерімен ауысып, дескриптор бойынша жұмысты өзара тексереді. Соңында дәптерді мұғалімге қорытынды тексеріске өткізеді.

Кері байланыс

Балалар төменде берілген кестені толтырып, мұғалімге өткізеді

Үйге тапсырма: Достық пен татулық туралы 5 мақал жаттап, мағынасын ашу.

Қосымша ақпарат

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Пәнаралық байланыс

Қауіпсіздік ережелері

АКТ-мен байланыс Құндылықтармен байланыс (тәрбиелік элемент)

Берілетін тапсырма, күтілетін нәтиже, қолдау, берілетін уақыт, қолданатын дерек көздеріне байланысты бөліп оқыту.

Топта бірлесіп оқыту.

Пәнаралық байланыс – тарих, қазақ әдебиеті.

Адами құндылықтар. Қазақстан – түрлі ұлттардың ортақ шаңырағы.

Мұғалім әр оқушыға өз пікірін білдіруге мүмкіндік береді.

Интерактивті тақта сабақ материалдарын демонстрациялау мақсатында қолданылады.

Ойлану

Сабақ мақсаттары/оқу мақсаттары жүзеге асырымды болды ма?

Бүгін оқушылар нені үйренді? Сыныптағы оқу атмосферасы қандай болды? Дифференциацияны жүзеге асыру қолымнан келді ме? Мен жоспарланғануақытымды ұстандым ба? Мен жоспарыма қандай өзгерістер енгіздім және неліктен?

Жалпы баға

Сәтті өткен екі нәрсені атап көрсетіңіз (сабақ беру және оқытуға қатысты)?

1: таңдалған ресурс көздері

2:топтық жұмыс

Қандай екі нәрсе сабақтың одан да жақсы өтуіне ықпалын тигізер еді (сабақ беру және оқытуға қатысты)?

1: жұптық жұмыс формасын қолдану

2: жоғары дәрежелі сұрақтардың қойылуы

Осы сабақ барысында сынып немесе жеке оқушылар туралы менің келесі сабағыма дайындалу үшін қажет болуы мүмкін қандай ақпарат алдым?

Болымсыз етістіктердің тәжірибедегі дұрыс қолданысына көбірек көңіл бөлу.