Қазақстан жері – ұлттар достығы мекені. Қазақ тілі (орыс сыныбы), 5 сынып, дидактикалық материал.

Қалыптастырушы бағалауға арналған тапсырмалар

Бағалау критерийлері:

Бейнематериал мазмұны бойынша сұрақтарға жауап береді.

Эссе жаза алады.

Дескрипторлар:

Эссе құрылымын сақтайды (кіріспе, негізгі бөлім, қорытынды).

Болымды, болымсыз етістіктерді орынды қолданады.

1-тапсырма.

Бейнематериалды тамашаланып, жұптық талқылау жұмысы өтеді. Оқушылар бір-біріне сұрақтар қояды. Одан кейін топ ішінде талқылау жұмысын жүргізеді.

Сұрақтар:

Қазақстанда қанша ұлт өкілдері тұрады?

1 мамыр қандай мереке?

Қазақстан халқын мерекемен кім құттықтады?

Бірлікке қатысты қандай мақал-мәтелдер айтылды?

2-тапсырма.

Болымды етістіктерді болымсыз етістікке айналдыру. (тұрады, көмектеседі, айтады, өмір сүреді, достасады, жетеді, сақтайды)

3-тапсырма. Жеке жұмыс.

«Қазақстан жері – ұлттар достығы мекені» тақырыбы бойынша бейнематериалдың мазмұнын негізге ала отырып, эссе жазады.

(Эссе жазуда абзац құрылымын ескеру.

Абзац жазудың негізгі шарттары: Мәтіндер негізінен бірнеше абзацтан тұрады. Бір абзацта бір ой толықтай ашылып жазылады . Әр абзац тақырыптық сөйлемнен ,қолдаушы сөйлемнен және қорытынды сөйлемнен тұрады.Тақырыптық сөйлем – абзацтың негізгі идеясын көрсетеді.Қолдаушы сөйлемдер – тақырыптық сөйлемдегі ойды ашатын сөйлемдер. Қорытынды сөйлем – абзацтағы ойды қорытындылайтын сөйлем.)