Компьютердің тілін табу - өнер. Қазақ тілі (орыс сыныбы), 5 сынып, сабақ жоспары.

САБАҚ:

Мектеп: Атырау қаласы ХББ НЗМ

Күні:

Мұғалімнің аты-жөні:

Сынып:

Қатыспағандар:

Бөлім тақырыбы

Компьютердің тілін табу - өнер

Сабақтың түрі

Жалпылау және меңгерілген ақпаратты жүйелеу сабағы

Осы сабақ арқылы жүзеге асатын оқу мақсаттары

5.Ж4.Мәліметтерді жинақтай отырып, тақырып бойынша постер жасау.

Сабақтың мақсаттары

Барлық оқушылар

• мәліметтерді жинақтайды;

Көптеген оқушылар

• мәліметтерге сүйеніп, постер жасайды;

Кейбір оқушылар

• постер жасауда ерекше идея ұсынады.

Бағалау критерийлері

• қажетті мәліметтерді жинақтайды;
• тақырып бойынша постер жасайды.

Тілдік мақсаттар

Пән лексикасы және терминология:постер

Диалог және жазылым үшін қажетті сөз тіркестер: «Балалар әлемі» сайты

Пәнаралық байланыс

Информатика пәні

Мектеп құндылықтары

• Ынтымақтастық: өзіне жағымды қатынастарды дамытуды, ынтымақтастық дағдыларын қалыптастыруды және сындарлы көзқарасты дамытуды, өзара қарым-қатынастар құрған кезде сыни ойлай білуді қамтиды.

Осыған дейін меңгерілген білім

Тыңдалым материалдарының мазмұны негізінде сұрақтарға жауап берді.

Жоспар

Жоспар бойынша орындалуы тиіс іс-әрекеттер

• Ұйымдастыру.
• Тақтадан «соптер» деген әріптер тізбегі көрсетіледі. Осы әріптер тізбегінен басқа бір жаңа сөздер тауып айту тапсырылады. Барлық әріптер қатысу міндетті екені ескертіледі. (Таба алмаған жағдайда «П» әрпінен басталатын қандай сөз жасауға болады?» немесе «Берілген алты әріптің алғашқы үш әрпін керісінше оқып сөз құрап қарасаңыз қалай болады?» – деген сұрақтармен бағыттауға болады.)
• Оқу мақсаты таныстырылады.

Жазылым алды тапсырма

Тапсырма №1

• «Галерея шарлау» әдісі

«Балалар әлемі» сайтын жарнамалауға, таныстыруға арналған суреттер қабырғаларға ілінеді.

Оқушылар суреттерді аралап қарайды.

ЖЖ. Оқушылар жұп құрап, «Балалар әлемі» сайтынан қандай мәліметтер алуға болатындығы туралы сөйлеседі.

Екі жұп қосылып, өз ойларын бөліседі.

Олар одан әрі топтық жұмыста бірлесіп жұмыс жасайды.

Жазылым тапсырмасы

Т. «Балалар әлемі» сайтының 7 түрлі пайдасы»

деген тақырыпта жинаған мәліметтерін қолдана

отырып, постер дайындайды.

Жазылымнан кейінгі тапсырма

• Дайындаған постерлері әр топтың өз парталарында қалады. Топтар бір-бірінің жұмыстарын аралап қарап, танысады.
• Ф. Мұғалім белгі берген уақытта әр топ өзге топтың бір жұмысын бағалауға тұрып қалады. «Екі жұлдыз, бір тілек» арқылы бағалайды.

Бүгінгі сабақ, мен үшін...

Оқушылар ауызша ойларын айтады.