Компьютердің тілін табу - өнер. Қазақ тілі (орыс сыныбы), 5 сынып, дидактикалық материал.

1-мәтін

  Біз үстел үстілік компьютерлерді жұмыста, үйде, мектепте, кітапханада және тағы басқа жерлерде қолданамыз. Олар кішкентай, орташа, үлкен бола алады және әдетте үстелүстінде тұрады. Ол пернетақта, тінтуір, монитор және жүйелік блоктан тұрады.

Көптеген үстел үстілік компьютерлерді жаңарту, жетілдіру немесе ішіне жаңа бөлшектер салу оңай. Үстел үстілік компьютерлердің тағы бір артықшылығы – бұл олардың бағасы. Егер қызметі жағынан бірдей болатын үстел үстілік компьютер мен ноутбукты салыстыратын болсаңыз, бағасы жағынан үстелік үстілік компьютер арзанырақ болатынын байқайсыз.

2-мәтін

  Компьютер тұрған бөлменің ауасын жиі тазалап тұру керек. Сонымен қатар күн сайын ылғалды тазалық жұмыстары жүргізілу керек. Монитормен жүзіңіздің арақашықтығы кемінде 50 см болуы қажет. Ересек адамдар үшін әр екі сағат сайын, ал балалар үшін әр жарты сағат сайын 15 минут үзіліс міндетті түрде қажет. Оқуға тиісті болған құжаттарды принтерден басып шығарып алып оқыңыз, көзіңіздің саулығына үлкен пайдасы бар. Компьютермен жұмыс істеп болғаннан кейін қолыңызды салқын сумен жуыңыз.

«Карусель» әдісі

Тапсырмалар

• Бірінші мәтінге тақырып қойыңыздар.
• Екінші мәтінге тақырып қойыңыздар.
• Екі мәтіннің ортақ тақырыбын жазыңыздар
• Бірінші мәтіннің мазмұны не туралы?
• Екінші мәтіннің мазмұны не туралы?
• Бірінші мәтіннің идеясы не туралы деп ойлайсыңдар?
• Екінші мәтіннің идеясы не туралы деп ойлайсыңдар?