Компьютердің тілін табу – өнер. 5-бөлім. Қазақ тілі (орыс сыныбы), 5 сынып, сабақ жоспары.

САБАҚ:

Мектеп: Атырау қаласы ХББ НЗМ

Күні:

Мұғалімнің аты-жөні: Угыбаева Г.А.

Сынып: 5Т2

Қатыспағандар:

Бөлім тақырыбы

5-бөлім: Компьютердің тілін табу – өнер

Сабақтың түрі

Білімді бекіту сабағы

Осы сабақ арқылы жүзеге асатын оқу мақсаттары

5.Ж1. Ресми стильдің тілдік ерекшеліктері мен талаптарын дұрыс қолдана отырып, хабарлама, хабарландыру, хат жазу.

Сабақтың мақсаттары

Барлық оқушылар

• Ресми стильдің тілдік ерекшеліктері мен талаптарын біледі.

Көптеген оқушылар

• Жазба жұмысында ресми стильдің тілдік ерекшеліктері мен талаптарын қолданады;

Кейбір оқушылар

• Ресми стильді дұрыс қолданып, хабарландыру жазады.

Бағалау критерийлері

Хабарлама, хабарландыру, хат жазуда ресми стильдің тілдік ерекшеліктері мен талаптарын дұрыс қолданады.

Тілдік мақсаттар

Пән лексикасы және терминология:

Ресми стиль, хабарландыру, тілдік ерекшеліктер мен талаптар.

Диалог және жазылым үшін қажетті сөз тіркестер:

Үйірме ұйымдастырылады, компьютерлік сауаттылық, хабарлаймыз, өтетін орны

Пәнаралық байланыс

АКТ

Мектеп құндылықтары

Ашықтық: Зияткерлік мектептің даму жоспары, күтілетін оқу нәтижелері, бағалау рәсімі сынды ақпаратқа қолжетімділік.

Осыған дейін меңгерілген білім

«Сөздік пазл» арқылы өткен сабақтағы тірек сөздерді еске түсіру, сөйлем құрау.

Жоспар

Жоспар бойынша орындалуы тиіс іс-әрекеттер

Сабақтың тақырыбы мен бағалау критерийін таныстыру.

«Сөздік пазл» арқылы өткен сабақта қолданған тірек сөздерді еске түсіру, сөйлем құрау арқылы қолдану.

ЖЖ

Мәтін алды тапсырма

Берілген сөздерді бір-бірімен байланыстыра отырып, 3 сөйлем құрастырыңыз.

Іс қағаздары, ресми құжат, талап, ықшам, ресми қатынастар, қызмет.

ЖЖ

Мәтінмен танысып, жұбыңызбен талқылаңыз.

Оқылым мәтіні

Ресми стиль - ресми қатынастар аясында қызмет ететін стильдің бірі. Ресми құжаттар мен іс қағаздарының стилі деп те аталады.

Ресми стильге тілдік тұрғыдан төмендегідей талаптар қойылады:

• дәлдігі немесе бір мағыналылығы;
• айқындық немесе жүйелілік;
• логикалық, яғни қайшылықтың болмауы, дәлелділігі;
• баяндаудың ықшамдылығы, артық сөздің болмауы.

ТЖ

1-тапсырма: Хабарландыруға тән талаптарды санамалап жазыңыздар.

(Топтар бір-бірінің жұмыстарына көз жүгіртіп, әр жұмыстағы айырмашылықты анықтайды, сыныпқа хабарландыру бойынша ортақ талап дайындайды.)

Кері байланыс

• Дайындаған талаптарыңыз ресми стильге тән талаптарға сәйкес келе ме?
• Қай тұстары сәйкес? Неліктен?

2-тапсырма: Мектепте 3-сынып оқушылары үшін «Компьютерлік сауаттылық» үйірмесі ашылмақ. Оқушыларды сол үйірмеге шақырып, хабарландыру жазыңыз.

Бағалау. «Жұбыңды бағала»

Оқушылар топ ішінде өз жұбының жұмысын бағалау критерийі арқылы бағалайды.

Бағалау критерийі

Хабарландыру жазуда ресми стильдің тілдік ерекшеліктері мен талаптарын дұрыс қолданады.

«Менің табысым» Әр оқушы сабақта жүргізілген жұмыстар бойынша өзі жетік орындаған тапсырманы көрсетіп, табысы ретінде сандықшаға салады.