Қазақстан: менің көзіммен. Қазақ тілі (орыс сыныбы), 5 сынып, дидактикалық материал.

Бөлім/Тақырып

Менің тәуелсіз Қазақстаным

Оқыту мақсаты

А1.Тақырып бойынша меңгерген жаңа сөздерді олардың синонимдерімен, антоним, омонимдерімен қатар қолдану, ойын жеткізе білу.

Ойлау дағдыларының деңгейі

Түсіну және қолдану

Бағалау критерийі

Өлең мазмұнын жеткізу барысында жаңа сөздер мен олардың синонимдерін қолдану

Тапсырма

Сөздік жұмысы: ұлан байтақ дала – дархан дала, шұғылаға толы дала – шуақты дала, қорған болу – қорғау, сақтау, көзінің қарашығындай қарау, жәннат – жұмақ

Айтылым тапсырмасы. Берілген өлеңді тыңдап, автордың ойын қара сөзбен жеткізіңіз.

Тыңдалым мәтіні:

Жан дала – жәннат дала

Өзіңсің , Қазақстан, ән, арманым да,

Аяулым, алтын бесік, қара орманым да.

Бір нәрсе жетпейді деу қате болар

Өзіңдей ұлан байтақ далам барында.

Гүл дала – Қазақстаным.

Сен барда ғажап шебер, ғажап ұстамын,

Түсінем өзендердің саз ағыстарын.

Қалай ақын болмайын, мен түгілі

Ұшады көгіңе жыр жаза құстарың.

Қырандар қанатында даңқы кеткен,

Дән дала – Қазақстаным.

Сен менің шұғылаға толған даламсың,

Жасампазым, сан асу жолдарды аларсың.

Бабамның көздерінің қарашығы ең,

Баламның бақытына да қорған боларсың.

Жан дала – Қазақстаным.

Керемет өріледі гүл өңірде өлең,

Кезің қандай өрік пен шие гүлдеген.

Жүрегіме сыйғызып бар бейнеңді,

Қалсам деп ем өзіңнің жүрегіңде мен.

Кең дала – Қазақстаным.

Керегі жоқ даңқ дейтін маған сөренің,

Жетер біраз есіңде қала алса өлеңім.

Халқым маған сенеді әлсіз демей,

Үйткені мен, туған жер, саған сенемін.

Жасай бер , Қазақстаным.

Күләш Ахметова

Бағалау критерийі

Дескриптор

Өлең мазмұнын жеткізу барысында жаңа сөздер мен олардың синонимдерін қолдану

Бөлім/Тақырып

Менің тәуелсіз Қазақстаным

Оқыту мақсаты

А1.Тақырып бойынша меңгерген жаңа сөздерді олардың синонимдерімен, антоним, омонимдерімен қатар қолдану, ойын жеткізе білу.

Ойлау дағдыларының деңгейі

Қолдану және талдау

Бағалау критерийі

Тақырыпты талқылау барысында жаңа сөздерді қолдану

Тапсырма

Суреттер галереясы: Оқушылар өз жұптарымен бірге сынып қабырғасындағы кез келген суретті таңдайды.

Сөздік жұмысы: Берілген суретті сипаттайтын негізгі тірек сөздерді және олардың синонимдері, омонимдері, антонимдерін жазып, астына іліңіз.

Айтылым тапсырмасы

Астындағы сөздерді пайдаланып, қабырғадағы барлық суреттер бойынша жұбыңызбен талқылау жүргізіңіз.

Бағалау критерийі

Дескриптор

Тақырыпты талқылау барысында жаңа сөздерді қолдану