Астана – тәуелсіздік символы. Қазақ тілі (орыс сыныбы), 5 сынып, дидактикалық материал.

1-топқа арналған мәтін.

Астана-шын мәніндегі жаңа дәуірдің қаласы. Астана - қазақтың үшінші мынжылдыққа, жиырма бірінші ғасырға аман жеткен, абыроймен жеткен ұлт екендігін айғағы. Астана-қазақтың достыққа адал, сертке берік салты барлық қазақстандықтардың ортақ менталитетіне айналған. Астана дегеніміз- алдымен адамдар. Астана адамдарымен асқақтайды. Астананың көркеюі – ел дамуының негізгі көрсеткіштердің бірі. Астана тек қана әкімшілік қала емес, халықаралық деңгейдегі жоғары оқу орындары, ғылыми мекемелері, театрлары мен музейлері бар орталық. Астана – келешектің қаласы болуы тиіс. Астана – толассыз түлеу, дамылсыз даму үстінде әсем қала. Бұл біздің Астанамыз жайқалған жас қаламыз ұрпақтан ұрпаққа айтылатын аңыз болып айтылар ардақты Астанамыз!

http://asyl-bilim.kz/load/shy_armalar/oldanushylardy_shy_armalary/astana_sem_ala/55-1-0-641

2-топқа арналған мәтін.

Елорданы Астана атаған да қалың бұқара, мың сан қаралы халық. Астана мәңгі қала болады деген үміттің сүйеніші, тірегі – бейнетқор осы асыл жұрт.

Арқаның сәні, сақара көркі, елдің ажары болған Астана бүгінде тілекші халықтың тарқамайтын қуанышына айналып отыр. Сірә, қазақ – бақытына жеткен ұлт.

Қазіргі кезде саяси кескіндемеде орны айқындалған, дүниежүзіне кеңінен танылған алып мемлекет.

Елге келген мейман талайы өскен, маңдайы жарылған Қазақстан жұртын Астанадан көріп, Астанадан таниды. Астана – елдің есігі. Елорда – әлемдегі бар қазақтың рухани жан дүниесінің қақпасы. Қақпаның кілті де – Астана.

Бас шаһар – қазақтың жанын ұқтыратын, қазақтың сырын ашатын қала. Қазақ жұмбағының шешімі – Астана.

Астана көшкенде, қазақтың санасы өсті. Ұлттың ертеңі үшін көштік. Бұл – барлық қазаққа әсер етті.

Күннен тараған шұғыладай, болашаққа бастар мұратты жолдың бәрі Астанадан тарайды.

http://abai.kz/post/view?id=13048