Үлгілі мектептер. Қазақ тілі (орыс сыныбы), 5 сынып, дидактикалық материал.

Әлемнің ең таңдаулы мектептері

Ле Рози мектебі, Швейцария (Әлемдегі ең қымбат мектеп)

Көненің көзі саналатын Швейцариядағы бұл мектептің негізі  1880 жылы қаланған. Ле Розе ұзақ жылдар бойы тек ұл балаларды қабылдап келіп, 1967 жылдан бастап қыз балаларына да білім алуға мүмкіндік берді. Оны кейде «Патшалар мектебі» деп те атап жатады. Өйткені мұнда хандық әулеттің мұрагерлері білім алатын болған. Сондықтан болар, Ле Розе әлемдегі ең қымбат мектептердің бірі саналады. Мектеп оқушыларының жағдайлары толықтай жасалған. Олар әдеміше келген айдын көлдің жағасында тұрады және онда кітапхана, компьютер сыныптары, театр, көркем студиялар, лаборотория, спортзал, теннис залдары, футбол алаңы, бассейн бар. Ал қыс мезгілі төрлетісімен барлық мектеп ұжымы «қысқы резиденцияға» көшеді. Гштаад резеденциясында  шәкірттердің білім алуына және алаңсыз демалуына барлық жағдай жасалған. «Қандай керемет! Мынау өзі бір шипажай ғой!» деп ойлап отырған боларсыз! Олай емес! Мұндағы білімнің сапасы өте жоғары әрі сабақтар да өте қиын. Ал тәртібі тіптен қатал. Білім сапасы жөнінен ең алдыңғы орында тұрған Ле Розе мектебінде тек қана жүзден жүйрік, мыңнан тұлпар дегендер ғана білім ала алады. Итон мектебі, Англия (Тәртібі ең қатал мектеп)

Аты аңызға айналған британдық Итон метебі – саясат пен мәдениет әлеміне аяқ басар рұқсат қағазы десе де болады. Білесіз бе, мектептің негізі 1440 жылы қаланған екен. Алғашқыда мұнда 70 қана шәкірт өз білімдерін жетілдіретін болған. Ол кездері мектеп өте суық және тар бөлмелерде сабақтар өтетін және темірдей қатал тәртіп пен таңертеңгі  алтыда басталатын сабақтар шәкірттер үшін өте ауыр еді. Араға 500 жыл салған мектептің бүгінгі жағдайы өте жақсы! Итонда қазіргі таңда мыңнан аса шәкірт өз білімдерін шыңдауда. Ал «тәртіпке бағынған – құл болмайды» деген ұстанымды берік ұстанатын мектеп ұжымы баяғы қатаң тәртіпті әлі жалғастыруда. Әлемге ең қатал мектеп деген атпен танымал. Сабақтар әрбір оқушыға жекеше өтіледі және таңнан кешке дейін жалғасады. Итон мектебінен небір танымал жазушылар мен өнер қайраткерлері және саясаттанушылар түлеп ұшқан. Спорт саласындағы жетістіктері де көңілден шығады. Мектептің ең негізгі ерекшелігі: мұнда тек ұлдар ғана білім алады. Бененден мектебі, Англия (Көшбасшы аруларды даярлайтын мектеп)

Бененден мектебі өз жұмысын 1929 жылы ғана бастағанымен, алдыңғы екі мектеппен иық тірестірер шамаға жетіп үлгерген. Мұнда білім алушылардың дені қыз балалар. Мектептің мақсаты да – ғасырдың көшбасшы қыздарын тәрбиелеп шығару. Сондықтан олар білім алып қана қоймай, балет өнерін, атпен шабуды, садақ атуды және әскери қатынастар жүргізуді үйреніп шығады. Мектеп қабырғасында жұмыс жасайтын драма театрдың арқасында 500-ге жуық ару өздерін актриса ретінде сынап көре алады. Бененден өз мақсатына еш сүрінбестен жетіп келеді. Өйткені, бүгінде әлем мойындаған нәзік жандылардың көбісі осы мектептің түлектері екен.

Суреттер:etoday.ru Дайындаған: Айгерім СматуллаеваТолығырақ: http://massaget.kz/layfstayl/alemtanu/sayahatty-syemin/3881/