Үлгілі мектептер. Қазақ тілі (орыс сыныбы), 5 сынып, сабақ жоспары.

САБАҚ: 4

Мектеп: Шымкент қаласындағы физика-математика бағытындағы Назарбаев Зияткерлік мектебі

Күні:

Мұғалімнің аты-жөні: Көпбосынов Б.К.

Сынып: 5

Қатысқан оқушылар саны: 10

Қатыспағандар:

Сабақтың тақырыбы

Үлгілі мектептер

Осы сабақ арқылы жүзеге асатын оқу мақсаттары

А5. Берілген сұрақты дұрыс түсініп, лайықты жауап беру, шағын диалогке қатысу.

 Сабақтың мақсаттары

 Бағалау критерийі

Сұрақтарға еркін жауап бере алады.

Көзқарасын дәлелді жеткізеді.

 Күтілетін нәтиже

Оқушылар үлгілі мектеп туралы мәтінмен таныса отырып, болашақ мектеп туралы көзқарасы қалыптасады.

Тілдік мақсат

Сабақта жүзеге асырылатын құндылықтар

Өзіне және өзгелерге құрмет, ынтымақтастық

Пәнаралық байланыстар

Кейіпкерлер бейнесін ашуда портрет, мінездеме беруде әдебиет теориясымен байланыстырылады.

АКТ қолдану дағдылары

Оқушыларға берілетін тапсырмалар үшін презентация қолданылады.

Алдыңғы оқу

Ауызша мәтіндер құрауда қазақ тіліндегі төл дыбыстардың дыбысталуын, үндестік заңын ескеріп айтуды меңгерген болатын.

Жоспар

Жоспар бойынша орындалуы тиіс іс-әрекеттер

Қызығушылықты ояту

«Көңілді доп». Оқушылар шеңбер бойымен отырады. Мұғалім қолына доп алып, оқушыларға сұрақ қойып лақтырады. Допты қолына алған оқушы сұрақтарға жауап береді.

Мектеп деген не?

Саған мектепте не ұнайды?

Егер қолыңда билік болса, мектепте нені өзгертер едің?

Болашақтың мектебін қалай елестетесің?

Топқа бөлу: Оқушылар 4топқа зат есім, сын есім, сан есім, етістік атаулары жазылған қағаз қиындыларымен бөлінеді.

Топтық жұмыс.

«4 аялдама» әдісі. Оқушылар мәтінді оқып болған соң, мұғалім сыныпқа тапсырманың 4 аялдамадан тұратындығын айтып өтеді.

Әр аялдамада А3 парағы мен маркер жатады. Оқушылар 1-топ 1-аялдаманың шартын ( берілген мәтіннен кім? не? деген сұрақтарға жауап беретін сөздерді тауып жазу) орындайды; 2-топ 2-аялдаманың шартын (мәтіннен не істеді? не істеген? сұрақтарына жауап беретін сөздерді теріп жазу); 3-топ 3-аялдаманың шартын (мәтіннен қандай? сұрағына жауап болатын сөздерді теріп жазу); 4-топ 4-аялдаманың шартын (қанша? сұрағына мысалдар жазу) орындайды. Берілген уақыт біткен кезде топтар сағат тілімен жылжи отырып, аялдама ауыстырады да, алдыңғы топтың бастаған жұмысын жалғастырады. Осылай екі аялдамадан кейін тапсырманың шарты өзгереді. Енді әр топ үшінші аялдамаға келгенде алдыңғы топтардың орындаған жұмыстарын тексеріп, қажет болса толықтырады, түзетеді.

Мәтін

Итон мектебі, Англия (Тәртібі ең қатал мектеп)

Аты аңызға айналған британдық Итон метебі – саясат пен мәдениет әлеміне аяқ басар рұқсат қағазы десе де болады. Білесіз бе, мектептің негізі 1440 жылы қаланған екен. Алғашқыда мұнда 70 қана шәкірт өз білімдерін жетілдіретін болған. Ол кездері мектеп өте суық және тар бөлмелерде сабақтар өтетін және темірдей қатал тәртіп пен таңертеңгі  алтыда басталатын сабақтар шәкірттер үшін өте ауыр еді.

Араға 500 жыл салған мектептің бүгінгі жағдайы өте жақсы! Итонда қазіргі таңда мыңнан аса шәкірт өз білімдерін шыңдауда. Ал «тәртіпке бағынған – құл болмайды» деген ұстанымды берік ұстанатын мектеп ұжымы баяғы қатаң тәртіпті әлі жалғастыруда. Әлемге ең қатал мектеп деген атпен танымал.

Сабақтар әрбір оқушыға жекеше өтіледі және таңнан кешке дейін жалғасады. Итон мектебінен небір танымал жазушылар мен өнер қайраткерлері және саясаттанушылар түлеп ұшқан. Спорт саласындағы жетістіктері де көңілден шығады.

Мектептің ең негізгі ерекшелігі: мұнда тек ұлдар ғана білім алады.

Жауаптар.

Кім? сұрағына жауап беретін сөздер: шәкірт, оқушы, жазушы...

Не? сұрағына жауап беретін сөздер: мектеп, қағаз, сабақ...

Қандай? сұрағына жауап беретін сөздер: ауыр, суық, тар...

Не істеді? сұрағына жауап беретін сөздер: қаланған, білімдерін жетілдіретін, жалғастыруда.

Бағалау критерийі:

Мәтінді оқып, түсінеді;

Зат есім, сын есім, сан есім, етістіктерді мәніннен таба алады.

Кері байланыс: «Екі жұлдыз, бір тілек»

Топтар бір-бірінің жұмыстарының екі сәтті тұсын және бір ұсынысын айтады.

Шығармашылық жұмыс.

«Болашақтың мектебі» атты жазба жұмысын жазыңыз. Сонан соң оны өзіңіңіздің жұбыңызға таныстырыңыз.

Шарты:

Болашақтың мектебі қазіргі мектептен жаңаша үлгіде болу керек;

Ойға қонымды, шындыққа жанасымды болу қажет.

Бағалау «Бас бармақ» әдісі.

Жұптар бір-бірінің жұмысын тыңдаған соң бас бармағын көтеріп, бағалайды, пікір айтады.

Рефлексия

Бүгінгі тақырып бойынша алған керекті ақпараттарыңызды сандықшаға салыңыздар, керек емес болған, артық дүниені қоқыс жәшігіне салыңыздар. Ал бүгінгі ақпараттың ішінде әлі оқуым керек, толықтыруым керек дегендері болса, еттартқышқа салыңыздар.

Қосымша ақпарат

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Пәнаралық байланыс

Қауіпсіздік ережелері

АКТ-мен байланыс Құндылықтармен байланыс (тәрбиелік элемент)

Дифференциацияны берілетін тапсырма, күтілетін нәтиже, қолдау көрсету, бөлінетін уақыт, қолданылатын дереккөздер арқылы жүзеге асыруға болады.

Дифференциация сабақтың кез келген бөлімінде қолданылады.

Сабақ жоспарын құру үшін сізге өзге пән мұғалімдерінің көмегі керек пе?

Берілген тапсырмалардың қайсыбірі оқушылардың қауіпсіздігіне немесе денсаулығына қауіп төндіре ме?

Оқушылар сабақ барысында өздерінің АКТ дағдыларын дамыта ала ма?

Осы сабақ барысында НЗМ құндылықтарын дамытуға қандай мүмкіндік бар?

Ойлану

Сабақ мақсаттары/оқу мақсаттары жүзеге асырымды болды ма?

Бүгін оқушылар нені үйренді? Сыныптағы оқу атмосферасы қандай болды? Дифференциацияны жүзеге асыру қолымнан келді ме? Мен жоспарланған уақытымды ұстандым ба? Мен жоспарыма қандай өзгерістер енгіздім және неліктен?

Жалпы баға

Сәтті өткен екі нәрсені атап көрсетіңіз (сабақ беру және оқытуға қатысты)?

1:

2:

Қандай екі нәрсе сабақтың одан да жақсы өтуіне ықпалын тигізер еді (сабақ беру және оқытуға қатысты)?

1:

2:

Осы сабақ барысында сынып немесе жеке оқушылар туралы менің келесі сабағыма дайындалу үшін қажет болуы мүмкін қандай ақпарат алдым?