Судың да сұрауы бар. Қазақ тілі (орыс сыныбы), 4 сынып, дидактикалық материал.

6-бөлім. Қоршаған ортаны қорғау

Сабақтың тақырыбы: Судың да сұрауы бар

Жаңа сөздер: тапшылық, тұщы су, мұхит, шөл, гүлзар, т.б.

Жұптық жұмыс

1-тапсырма: Мәтінді түсініп тыңдаңдар. Су туралы қандай мәлімет білдің?

Су адамның жалпы салмағының 65 пайызын құрайды. Адамға тәулігіне он литр су керек. Ер адамның ағзасы жетпіс пайыз судан тұрады. Әлемдегі судың үш пайызы ғана тұщы су. Қызанақ тоқсан пайыз судан тұрады.

«Қазақстанның экологиясы» кітабынан

Топтық жұмыс.

2-тапсырма. Жағдаяттық тапсырманы түсініп оқыңдар. Өз ойларыңды білдіріңдер. Бұйрық және қалау райлы етістіктерді қолданыңыздар.

Сен тамақтануға дәмханаға келдің. Тапсырыс берген соң, қолыңды жууға бардың. Екі бала суды ағызып қойып, әңгімелесіп тұр екен. Оларға қандай кеңес берер едің?

3-тапсырма. Су туралы мақалдарды теріп жазыңдар.

• Жер – қазына, су - гауһар.
• Жалқаудың ертеңі бітпейді.
• Көлдің көркі – құрақ. Таудың көркі – бұлақ.
• Судың да сұрауы бар.
• Отан отбасынан басталады.

Топтық жұмыс.

4-тапсырма. Берілген тапсырма бойынша сұхбатқа түсіңдер. Осы шақ, өткен шақ, келер шақ етістіктерін қолданыңыздар.

1-топ. Қазақстанның табиғат байлығы.

2-топ. Еліміздегі экологиялық мәселелер.

3-топ. Экологиялық мәселелерді шешудің жолдары.

• Суреттер арқылы топқа бөлу

Сынып оқушылары «Суреттер сөйлейді» әдісі бойынша сынып қабырғаларына ілінген суреттерге сипаттама береді.

«Өзен» тобы «Көл» тобы

«Теңіз» тобы

І Қызығушылықты ояту:

• Өзендер қайда барып құяды?
• Теңіздер мен мұхиттар қалай пайда болған?