Жақсылықпен жаным дос. Қазақ тілі (орыс сыныбы), 4 сынып, дидактикалық материал.

Сабақтың тақырыбы:

Жақсылықпен жаным дос

Тыңдалымалды тапсырма:

Балалар, жақсылық деген не? Айтар ойымызды бір сөзбен білдіріп көрейікші!

Тірек сөздер:

• Достық
• Жақсылық
• Қызмет

Тыңдалым тапсырмасы.

1-тапсырма. Мәтінді түсініп тыңдаңдар. Мәтін мазмұнын өз ойларыңмен жалғастырып көріңдер. Әрі қарай не болады деп ойлайсыңдар?

 Ерте, ерте, ертеде орман патшасы арыстан тоғайдың қалың беделінде ұйықтап жатады. Бір тышқан ойнақтап, үстінен жорғалап жүргенін сезіпті. Арыстан ұйқысынан ызаланып оянып, тышқанды ұстап алып, өлтірмекші болғанда тышқан жалбарынып:

• Тақсыр, мені өлтірмеңізші. Бір жолға кешіре көріңіз. Бір күні мен де бір қызметіңізге жарармын, - депті.

 Арыстан оның сөзіне күліп:

• Сен өзің кішкентай бір тышқансың, менің қандай қызметіме жарамақсың, - деп жаны ашып, тышқанды қоя беріпті. Тышқан қуанып, «арыстан - досым» деп, жүгіріп ойнап кетеді.

 Күндердің күнінде арыстан жортып ойнап жүріп, аңшылардың құрған тұзағына түсіп қалыпты. Сол кезде ... ... .

 Сұрақтар:

• Мәтінді қалай атауға болады?
• Мәтін мазмұны қандай тақырыпқа арналған?
• «Өзің кішкентайсың, менің қандай қызметіме жарайсың?»-дегенді қалай түсінесіңдер?

Айтылым тапсырмасы:

2-тапсырма. Берілген сұрақтарға өз ойларыңды білдіріңдер.

• Жақсылық дегенді қалай түсінесіңдер?
• Менің ойымша, жақсылық деген ... ... .
• Сен кімге жақсылық жасадың? Не үшін жасадың?
• Мен ... ... жақсылық жасадым. Себебі, ... ... .

 3-тапсырма: Төмендегі сөздердің жазылуы бойынша дұрыс жазыңыздар, айырмашылығын түсіндіріп көріңіздер!