Демалу мәдениеті №7. Қазақ тілі (орыс сыныбы), 3 сынып, дидактикалық материал.

МҰҒАЛІМГЕ АРНАЛҒАН НҰСҚАУЛЫҚ

3-сынып (ОМЖ)

8-бөлім: Демалу мәдениеті. Мерекелер

7-сабақ «Демалу мәдениеті»

Бұл сабақта оқу мақсаттарына сәйкес оқушылардың оқылым және тілдік бағдар дағдыларын қалыптастыру көзделеді.

Сабақта ұстанатын қағидалар:

• Сабақты жоспарлау кезінде әр сыныптың ерекшеліктерін басшылыққа алуды ұмытпаңыз;
• Аймақтың ерекшелігіне, тілдік ортаға, сыныптың деңгейіне қарай тапсырмаларды күрделендіруге немесе жеңілдетуге болады;
• Сыныптағы оқушылардың қажеттіліктерін (аудиал, визуал, кинестетик) ескере отырып, саралау тапсырмаларын беруге болады;
• Әр оқушының білім деңгейін, оның ілгерілеуі үшін не істеу керектігін білген өте маңызды;
• Оқушыларды үнемі қадағалап, үнемі қолдау көрсетіп отырыңыз;
• Сабаққа қажет ресурстарды алдын-ала дайындап, қажетіне қарай бейімдеңіз;
• Ең басты міндет - мақсатқа жету.

Сабақтың тақырыбы мен мақсаты:

• Ұйымдастыру кезеңінде оқушыларды «Суретті аяқта» әдісі арқылы қызығушылық туғызыңыз. Оқушыларға алдын ала даярланған плакатта немесе тақтада бір нүкте салынады. Оқушылар кезек-кезек шығып, сол нүктеден бастап бір сызықтан салады, соңында шыққан суретті бағалап, әркім өзі жүргізген сызық арқылы нені бейнелеуге тырысқан және қандай сурет нәтижесінде шыққанын бағалайды.
• Сабақтың басында мұғалім сабақтың тақырыбы мен мақсаттарын оқушыларға түсінікті тілмен жеткізуі керек. Оқушы осы сабақта нені білу керектігін жақсы түсінуі керек;
• Сабақ барысында қажетіне қарай сабақ мақсаттарын оқушылардың естеріне түсіріп отырыңыз.

Жаңа сөздер:

• Жаңа сөздердің мағыналарын ассоцация арқылы түсіндіріңіз;
• Қолдану ерекшеліктерін көрсетіңіз;
• Бірнеше рет қайталатып айтқызыңыз;
• Сабақ барысында түрлі жағдаяттарда қолдатыңыз;
• Сөздерді меңгертуде сөздің аудармасын айтпаңыз;
• Сөздерді сөздік дәптерлеріне жаздыртыңыз.

Сергіту сәті:

• https://www.youtube.com/watch?v=744V_ESD7-Y «Бала, бала, балапан» атты бейнеклипті көрсетіңіз;
• Ұзақтығы – 2 мин, 32 сек.
• Арнайы мәтін сөзін беріп қажеті жоқ, оқушыларға бірнеше сабақта көрсеткен соң жаттап, бірге орындайтын болады.
• Қазақ халқының әнімен танысысады, жазуды оқып бірге орындайды;
• Оқушылар ән арқылы қимылдарды, әрекеттерді үйренеді, көңілдерін көтереді.

Грамматикалық қоржын:

• Мұғалім ойын ретінде өткізеді (тақта, қоржын, сөздер немесе суреттер);
• Мақсаты: логикалық ойлау арқылы меңгерту
• Оқушылар тақтаға қарайды, түсінбеген сөздерді талқылайды;
• Мұғалім қоржыннан сурет немесе сөзді көрсетеді (дауыстап айтады), оқушылар ойланып тақтадағы ақпаратпен теңестіреді.

1-тапсырма:

• Тапсырманы орындатпас бұрын оқушылардың алдына «Қазақстанның суретшілері» атты кітап көрмесін (суреттерін) ұйымдастырыңыз;
• тапсырманы шағын топқа бөліп орындатыңыз;
• тапсырмамен таныстырып, түсінгендеріне көз жеткізіңіз;
• кестеде берілген мәліметтерді өзгерте аласыз;

2-тапсырма:

• Тапсырманы оқушылар жұптасып орындайды. Берілген сөйлемдерді мұқият оқып, көп нүктенің орнына тиісті қосымша жалғап жазады.

3-тапсырма:

• Оқушы жеке орындайды. Мәтін мазмұны бойынша іс-әрекеттің қашан орындалғанын белгілейді.

Бағалау:

• қажетті ақпаратты іздейді және ақпаратты берілген кестеге салады;
• шағын мәтіндегі етістіктің шақ формаларын ауызша және жазбаша тілде қолданады.

Кері байланыс оқушының оқыту үрдісі қалай өткені және қандай нәтижеге қол жеткізгендігі туралы ой-пікірін тыңдауға негізделеді. Кері байланыс сабақтың соңында ғана емес, сабақ барысында оқушылардың өз бетімен орындайтын тапсырмаларының соңында жүргізіліп отыруы керек. Мұғалім оқушының кез келген кері байланыс парағын оқи  отырып, жұмысының сәтсіз шыққан тұсын және сәтті шыққан қадамын, ендігі  іс-әрекетін қалай жақсартуға болатынын алдын-ала біледі. Сонымен қатар кері байланыс парағы арқылы оқушының үніне құлақ түріп, оқу мен оқытудағы кездесетін кедергілерді айқындап, келесі оқытуға бұдан да жақсырақ дайындалуына түрткі болады.

Рефлексия мақсаты - еске түсіру, өзінің  сабақ бойындағы іс-әрекетіне баға беру, талдау және мәселелердің шешу жолдарын іздестіру.

«Бес саусақ» тәсілі арқылы оқушылар өз істерінің  мәнін түсініп, оны ойлану барысында  өзіне-өзінің нені, қалай жасағаны туралы толық және анық есеп береді.

Бас бармақ – неден қиналдым?

Балаң үйрек – кімге көмектестім?

Ортан терек – көңіл күйім қандай болды?

Шылдыр шүмек – қандай жетістікке қол жеткіздім?

Кішкентай бөбек – бүгін не үйрендім?