Мынау қай жануардың мүсіні? (1). Қазақ тілі (орыс сыныбы), 3 сынып, сабақ жоспары.

Пән: Қазақ тілі

Ұзақ мерзімді жоспар бөлімі:

4-тарау «Сәулет өнері» (6-сабақ)

Күні:

Сынып: 3

Мектеп: №127 ЖББМ, Алматы қ.

Мұғалімнің аты-жөні: Ауганбаева Айжан Мырзахметовна

Қатысқандар саны:

Қатыспағандар саны:

Сабақ тақырыбы

Мынау қай жануардың мүсіні? (1)

Оқу мақсаттары

Берілген тақырып бойынша ойын жеткізу

3.​2.​2.​1 берілген тірек сөздер негізінде сөйлеу (3-4 сөйлем);

Грамматикалық нормаларды сақтау

3.​5.​1.​4* мұғалімнің қолдауымен жіктеу есімдіктерінің септелуін ауызша тілде қолдану

Сабақ мақсаттары

Бағалау критерийлері

Берілген тірек сөздерді қолданып сөйлеу барысында септелген жіктеу есімдіктерін (маған/саған/сізге/оған) орынды қолданады.

Лексикалық минимум

сұр

Грамматикалық минимум

жіктеу есімдіктерінің барыс септігіндегі формасын қолдану: мен → маған, сен → саған, сіз → сізге, ол → оған

Құндылықтарды дарыту

Өзіне және өзгелерге құрмет құндылығы жеке және топтық жұмыстар барысында сөйлеу, өзара бағалау мен рефлексия кезінде көрінеді. Интеллектуалдық құндылық сабаққа ынта қоюы мен тапсырмаларды белгіленген критерийлерге сәйкес орындауы барысында жүзеге асады.

Пәнаралық байланыстар

Дүниетану

АКТ қолдану дағдылары

PowerPoint таныстырылымы, Active studio (active board) мүмкіндіктерін қолдану

Бастапқы білім

«Жануарлар» тақырыбы бойынша 1-2-сыныптарда өткен сөздерін еске түсіреді (жылқы, қой, тауық, маймыл, қоян, жылан, доңыз, тышқан, сиыр, ит, барыс, ұлу).

Сабақтың барысы

Сабақтағы жоспарланған іс-әрекет

Қызығушылықты ояту – 2 минут

«Мозаика» ойыны

Оқушыларға суреттер қиындылары таратылады. Қиындылардан суреттер жинау барысында оқушылар 3 топқа бірігеді.

«Мағынаны таны» стратегиясы – 2 минут

Суреттерге қараңдар. Сұрақтарға жауап беріңдер.

• Бұл ненің мүсіні? Оның түсі қандай?
• Субұрқақта қандай мүсіндер бар? Олар неден жасалған? Жылқының мүсінінің түсі қандай?
• Сабақтың тақырыбын жариялау

Сабақ мақсаты мен бағалау критерийлерін бірлесе құру – 2 минут

Есте сақта!

Үлгі бойынша айтып, өзіңді тексер:

Мен (тауықтың мүсіні)

Мынау – тауықтың мүсіні. Маған тауықтың мүсіні ұнайды.

Сен (барыстың мүсіні)

Сіз (маймылдың мүсіні)

Ол (жыланның мүсіні)

1-тапсырма (оқулықтың 109-бетіндегі 3-тапсырма). Үлгі бойынша әр мүсінді сипаттап айту

• Тақтаға жоғарыдағы кесте ілінеді.
• Мұғалім оқушылар назарын оқулықта берілген мүсіндерге (суреттерге) аударады.
• Тақтаға үлгі жазылады:

ҮЛГІ: Маған жылқының мүсіні ұнайды. Жылқының мүсінінің түсі – қоңыр.

• Әр оқушы өз атын және өзіне ұнайтын мүсіннің атауын кестеге жазады да, үлгі бойынша сипаттап айтады.
• Бағалау «Шапалақ» тәсілі арқылы жүзеге асырылады.

«Шеңбер бойымен әңгімелеу» әдісі

2-тапсырма (оқулықтың 109-бетіндегі 4-тапсырма).

Кімге ненің мүсіні ұнайды?

Маған // саған // сізге // оған

1-тапсырмада толтырылған кестені басшылыққа ала отырып, әр топтан тақтаға шыққан 1 оқушы өз тобы мүшелеріне қай мүсіннің ұнайтыны туралы айтады. Мысалы: Маған жыланның мүсіні ұнайды. Арай, саған қоянның және барыстың мүсіні ұнайды. Апай, сізге ұлудың мүсіні ұнайды. Сашаға (оған) жылқының мүсіні ұнайды.

Бағалау «Бас бармақ» әдісі арқылы орындалады.

3-тапсырма (оқулықтың 110-бетіндегі 5-тапсырма үлгісімен). Тірек сөздер бойынша «Шығыс күнтізбесі» субұрқағы туралы мәтін құрастырып айту

ТІРЕК СӨЗДЕР: «Шығыс күнтізбесі» субұрқағы, 12 мүсін, олар, жылқының мүсіні, жыланның мүсінінің түсі – сұр, мәрмәр тастан, әдемі

Бағалау дескриптор арқылы жүзеге асады.

Дескриптор:

• «Шығыс күнтізбесі» субұрқағындағы барлық мүсіндерді атады.
• Тірек сөздерді қолданып, субұрқақты сипаттап айтты.

Рефлексия

«Стикерлі вагондар»

Үйге тапсырма:

108-бет, 1-тапсырма (оқу, мазмұнын айту)

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушының материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Саралау іріктелген тапсырмалар, нақты бір оқушыдан күтілетін нәтижелер, оқушыға дербес қолдау көрсету, оқу материалдары мен ресурстарын оқушының жеке қабілеттерін есепке ала отырып іріктеу (Гарднердің жиындық зият теориясы) түрінде болуы мүмкін.

Саралау уақытты ұтымды пайдалануды есепке ала отырып, сабақтың кез келген кезеңінде қолданыла алады.

Бұл бөлімде оқушының сабақ барысында үйренгенін бағалау үшін қолданатын әдіс-тәсілдеріңізді жазыңыз.

Денсаулық сақтау технологиялары.

Сергіту сәттері мен белсенді іс-әрекет түрлері.

Осы сабақта қолданылатын қауіпсіздік техникасы ережелерінің тармақтары.

Сабақ бойынша рефлексия

Сабақ мақсаттары /оқу мақсаттары дұрыс қойылған ба? Оқушының барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушының жетістік/ қиындықтары туралы нені білдім, келесі сабақтарда неге көңіл бөлу қажет?