Жанды табиғат туралы ақпарат жинау Төлдер №5 сабақ. Қазақ тілі (орыс сыныбы), 3 сынып, дидактикалық материал.

1-nарау: Жанды табиғат

№ 5 сабақ Төлдер

№1 Үй жануарларын төлдерімен сәйкестендір.

№2 Түсініп оқып, есіңе сақта!

• Мәтін дегеніміз – ауызша немесе жазбаша ойды жеткізу.
• Мәтін бірнеше сөйлемдерден тұрады. Олар бір-бірімен байланыста болады.
• Әңгімелеу мәтіні – оқиғаны ретімен баяндайды.
• Әңгімелеу мәтінінің сұрағы: Не істеді?
• Әңгімеде қысқа сюжет болады.
• Әңгімеде бірнеше кейіпкер болады.
• Әңгіменің идеясы болады (Идея- автордың айтайын деген ойы).

№3 Мәтінді оқы.

Бір күні лақ, құлын, бұзау, қошақан мен бота «Біздің иеміз қайсымызды жақсы көреді?» - деп бір - бірінен сұрады.Сонда лақ тұрып:Мә - ә, мә - ә, әрине, мені жақсы көреді. Адам біздің сүтімізді ішеді, жүнімізден киім тоқиды,- деді.Сонда құлын:- Лақ, сен мақтанба. Бізден қазы – қарта, шұжық, қымыз алады. Мінсе, көлікпіз- дейді.Бұзау тұрып:- Сендер мақтанбаңдар, адамға ең пайдалысы – сиыр. Бізден сүт, май, ірімшік алады,- десе, қошақан тұрып:- Сендер мақтанбаңдар, ием мені жақсы көреді. Біздің жүнімізден киім, үйге керек заттарды жасайды,- дейді.Бота тұрып:- Бәріңнен де иеміз мені жақсы көреді. Бізден алатын шұбат денсаулыққа өте пайдалы, - дейді.Осы кезде адам: - Төлдерім, сендер босқа таласпаңдар, әрқайсыңның өз орындарың бар, адам үшін бәрің де керексіңдер! – деді.

№4 Сұрақтарға жауап бер.

• Мәтін не туралы?
• Автор не айтқысы келді?
• Мәтіннің жанры қандай? Дәлелде.
• Мәтіннің қай түріне жатады? Жауабыңды түсіндір.

Дескриптор:

Мәтіннің

• тақырыбын
• идеясын
• жанрын
• түрін анықтайды.

№5 Орындары ауысқан сөздерден сөйлем құрап жаз.

• Пайдасы, көп, үй жануарларының, адамға.
• Сүтінен, май, сиырдың, жасайды.
• Жүнінен, қойдың, тоқиды, киім.
• Деп, шұбат, түйенің, атайды, сүтін.