Ертегілер оқу №1. Қазақ тілі (орыс сыныбы), 2 сынып, сабақ жоспары.

Ұзақ мерзімді жоспар бөлімі:

6-бөлім «Салт-дәстүр және ауыз әдебиеті»

Мектеп: Талдықорған қаласының физика-математика бағытындағы Назарбаев Зияткерлік мектебі

Мұғалімнің аты-жөні: Бердібаева А.М.

Күні:

Сынып: 2

Қатысқандар саны:

Қатыспағандар саны:

Сабақтың тақырыбы

Ертегілер оқу №1

Осы сабақта қол жеткізілетін оқу мақсаттары (оқу бағдарламасына сілтеме)

2.1.1.1 Ауызша айтылған және есту және көру материалындағы қарапайым сөз орамдарын қайталайды

2.1.3.1 Тыңдалған/ қойылған материал не туралы екенін анықтай отырып, мазмұнын түсінеді (идеясын, кейіпкерлерін, оқиғаларды)

Сабақтың мақсаттары

Барлығы: оқыған ертегінің мазмұнын түсінеді. Кейіпкерлерін атайды.

Көбі: ертегінің мазмұны бойынша сұрақтарға нақты жауап береді. Кейіпкерлерге мінездеме береді.

Кейбірі: ертегінің идеясын анықтайды.

Жетістік критерийлері

Ертегінің мазмұны бойынша сұрақтарға жауап береді. Жағымды , жағымсыз кейіпкерлерді ажыратады.

Тілдік мақсаттар

Ертеде… Бір күні... Кенеттен… Содан соң… Келесі… Соңында… Аяғында… Осы кезден бастап олар мәңгі бақытты өмір сүрді….

Жағымжы, жағымсыз, кейіпкер

Құндылықтарды дарыту

Отанын, халқын сүю, ата-анасын құрметтеу

Пәнаралық байланыс

ана тілі

АКТ қолдану дағдылары

Бастапқы білім

Демалыс туралы әңгіме жазу

Сабақ барысы

Сабақтағы жоспарланған іс-әрекет

Ертеңгілік шеңбері

Сабақтың мақсатымен таныстыру

Ертегінің мазмұнын түсінемін.

(МК, Ұ) Көмек ретінде ертегілер мен ертегіде қолданылатын сөздер тізімін ұсыну:

Ертеде… Бір күні... Кенеттен… Содан соң… Келесі… Соңында… Аяғында… Осы кезден бастап олар мәңгі бақытты өмір сүрді….

Тірек сөздермен құрылған сөйлемдер үлгісін көрсету.

Ертегілердің түрлеріне тоқталу

(Ұ) Алпамыс батыр ертегісін көрсету.

• Ертегінің басты кейіпкері кім?
• Ертегінің қай түріне жатады?
• Жағымды, жағымсыз кейіпкерлерді ата. Неліктен олай ойлайсың?
• Ертегінің негізгі ойы неде?
• Ертегі ұнады/ұнамады ма? Неліктен?

Ертегінің мазмұны бойынша тірек сөздерді көрнекі жерге іліп қою.

Ерте, ерте, ертеде Жиделі Байсын жерінде, Қоңырат деген елінде

Байбөрі деген бай болыпты.

Оның баласы болмапты.

Құдайдан бала сұрапты.

Байбөрінің тілегі қабыл болыпты.

Отқа салса жанбайды, суға салса батпайды.

Алпамыс өте мықты болыпты.

Ол домбыраны жақсы көріпті.

Алпамыстың Байшұбар деген аты болыпты.

Байшұбар өте ақылды ат болыпты.

Мыстан кемпір Ұлтан құлды әкеліпті.

Мыстан кемпір Ұлтан құлды жамандыққа үйретіпті.

Ұлтан құл Алпамыстың әке-шешесін ұрып-соғыпты.

Ұлтан құл хан болады.

Тайшық хан қазақтарды тонайды, үйлерін өртейді.

Мыстан кемпір Алпамысқа у береді.

Алпамысты зынданға тастайды.

Шашты Әзіз Алпамысты құтқарады.

Алпамыс батыр Гүлбаршынға ғашық болады.

Алпамыс әке-шешесін, халқын құтқарады.

Алпамыс елін, жерін жаудан қорғайды.

«Стоп-кадр» әдісі

Ертегіні қайта көрсетіп, оқушыларға түсіндіру үшін негізгі оқиғаларына тоқталу және талқылау.

Сергіту сәті «Жер сілкінісі»

(Ұ) Оқушылар өз еріктерімен оқыған ертегілері туралы пікірлерімен бөліседі.

(Ө, Қ) Тақтада берілген сөз орамдарының көмегімен дәптерлерінде кестені толтырады.

Дифференциация:

қабылдау деңгейі жоғары оқушылар өздері жеке оқыған әңгімелерін қайта айтып бере алады;

қабылдау деңгейі орташа оқушылар әңгіменің негізгі мәселелерін түсінуге және негізгі сөздерді оқуға тырысады.

Рефлексия

Мен не үйрендім? Не білгім келеді?

Үйге тапсырма: ертегі кейіпкерлеріне қатысты сын есім сөздерді жазып келу (мықты, күшті, жауыз)