Қуыршақ көріністерін көрсету. Қазақ тілі (орыс сыныбы), 2 сынып, сабақ жоспары.

Ұзақ мерзімді жоспар бөлімі:

6-бөлім «Салт-дәстүр және ауыз әдебиеті»

Мектеп: Талдықорған қаласының физика-математика бағытындағы Назарбаев Зияткерлік мектебі

Мұғалімнің аты-жөні: Бердібаева А.М.

Күні:

Сынып: 2

Қатысқандар саны:

Қатыспағандар саны:

Сабақтың тақырыбы

Қуыршақ көріністерін көрсету

Осы сабақта қол жеткізілетін оқу мақсаттары (оқу бағдарламасына сілтеме)

2.1.1.1 Ауызша айтылған және есту және көру материалындағы қарапайым сөз орамдарын қайталайды

2.4.4.1 Орфография ережелерін басшылыққа алып жаңа сөздерді дұрыс жазады; үлкендердің көмегімен зат есім, сын есім және етістікті пайдаланып жай сөйлемдер құрастырып жазады

Сабақтың мақсаттары

Барлығы: қарапайым сөз орамдарын қайталайды

Көбі: қарапайым сөз орамдарын түсінеді және қайталайды, көмекші сөздермен сөйлем құрастырады.

Кейбірі: көмекші сөздерді қатыстырып, әңгіме құрастырады.

Жетістік критерийлері

Көмекші сөздермен сөйлем құрастыра алады.

Сөздік қор

тыс, ішінде, ішіне, астында, жоғарыда, төмен, жоғары, үстінде, арқылы; ұқсас, сияқты, жаққа, қасында, жанында, үшін, дейін.

Құндылықтарды дарыту

Ұқыптылық, әдептілік

Пәнаралық байланыс

ана тілі

АКТ қолдану дағдылары

Сайттағы берілген өлеңдерді тыңдайды, оқиды

Бастапқы білім

Ертегілер оқу

Сабақ барысы

Сабақтағы жоспарланған іс-әрекет

Сабақтың мақсатымен таныстыру

Қарапайым сөз орамдарын қайталаймын.

Зат есім, сын есім, етістік және көмекші сөздерді қолданып, сөйлем құрастырамын.

(МК ) Көмекші есімдерді таныстырылым арқылы таныстыру.

Қораптың ішінде, қораптың сыртында, қораптың үстінде, қораптың астында, қораптың артында, қораптың алдында, қораптың қасында.

Көмекші сөздерді сөйлемде қолданылуының үлгісін көрсету: Қораптың ішінде мысық жатыр. Үйдің артында балалар ойнап жүр.

(МК, Ұ) Көмекші сөздермен жұмсақ ойыншықты (ит сияқты) қолдана отырып меңгерту:

«Сәлеметсіз бе? Мен Ақтөс деген итпін. Мен сендерге заттардың қайда екендігін табуға көмектесемін. Мені серуенге алып шығыңдар...»

«сыныптан тыс, көпірдің астында, шұңқырдың түбіне қарай, ағаштың үстіне, жолдың үстімен, үйдің артында»

(Ө, Қ) Қуыршақтармен көмекші сөздерге қатысты әңгімені қайталайды.

(Ө, Қ) Көмекші сөздерді қолданып, сурет бойынша сөйлемдер құрастырып жазу.

АҚТ. Әдептілік, ұқыптылық туралы тақпақтарды оқу, тыңдау

Дифференциация:

қабылдау деңгейі жоғары оқушылар өздігінен көмекші сөздерді қатыстырып сөйлемдер құрайды.

қабылдау деңгейі орташа оқушылар көмек арқылы сөйлемде көмекші сөзді қолданады.

Рефлексия