Қуыршақ көріністерін жасау (1-сабақ). Қазақ тілі (орыс сыныбы), 2 сынып, сабақ жоспары.

Пән: Қазақ тілі

Ұзақ мерзімді жоспар бөлімі: 6 Күні:

Сынып:

Мектеп: Көкшетау қ. ФМБ НЗМ

Мұғалімнің аты-жөні:

Қатысқандар саны:

Қатыспағандар саны:

Сабақ тақырыбы

Қуыршақ көріністерін жасау (1-сабақ)

Осы сабақта қол жеткізілетін оқу мақсаттары (оқу бағдарламасына сілтеме)

2.4.1.1 заттың сынын білдіретін сөздерді қолдана отырып, сөйлемді суретпен толықтырып жазу/ постер құрастыру/ берілген иллюстрация бойынша мәтін (3 сөйлемнен кем емес) құрау

Сабақ мақсаттары

Барлық оқушылар: мұғалімнің қолдауымен заттың сынын білдіретін сөздерді қолдана отырып, берілген иллюстрация бойынша мәтін құрайды.

Көптеген оқушылар: заттың сынын білдіретін сөздерді қолдана отырып, берілген иллюстрация бойынша мәтін құрайды.

Кейбір оқушылар: заттың сынын білдіретін сөздерді қолдана отырып, берілген иллюстрация бойынша жүйелі мәтін құрайды.

Бағалау критерийлері

Заттың сынын білдіретін сөздерді пайдаланып, шағын мәтін құрастырады.

Тілдік мақсаттар

Кейіпкер, түсі, сұрайды, береді, алады.

Құндылықтарды дарыту

Ынтымақтастық

Пәнаралық байланыстар

Дүниетану

АКТ қолдану дағдылары

Презентация

Бастапқы білім

Сөйлеуде барыс, шығыс септік жалғауларын орынды қолданады.

Сабақ барысы

Сабақтағы жоспарланған іс-әрекет

Ресурстар

(Ұ) Қызығушылықты ояту. «Қадамдар» ойыны.

Оқушылар «Мақта қыз бен мысық» ертегісінің мазмұны бойынша сөйлемдер айтып жарысады. Бір сөйлем – бір қадам. Оқушыларға сөйлеу үшін шаблон ұсынылады. Соған сүйеніп, барыс және шығыс септікті жалғауларды қолданып сөйлейді.

Мысық ............... барады.

Мысық ............... сұрайды.

Оқушыларды сабақтың тақырыбы және мақсатымен таныстыру.

(Ұ) «Кейіпкерді таны!» Оқушылар сөйлемдерді тыңдай отырып, қай кейіпкер туралы айтылғанын анықтайды. Жауаптарын whiteboard парақтарына жазып көрсетіп отырады.

Тапсырманың мақсаты – сипаттауы арқылы кейіпкерді тануын тексеру, тыңдалым дағдысын қалыптастыру.

Сөйлемдер:

• Оның түсі сұр, құйрығы ұзын. Ол мысыққа тары беріп көмектеседі.
• Оның түсі жасыл. Ол мысықтан су сұрайды.
• Оның екі мүйізі бар. Ол мысықтан жапырақ сұрады.
• Ол – ең басты кейіпкер. Ол басқа кейіпкерлерден көмек сұрайды.
• Ол – басты кейіпкер. Оның шашы қара. Ол мысықтың құйрығын алып қояды.

Кері байланыс. «Бағдаршам» Оқушылар түстер арқылы тапсырма бойынша кері байланыс жасайды.

Жасыл түс – жеңіл болды.

Сары түс – аздап қиын болды.

Қызыл түс – қиын болды.

(Ж) «Кім тапқыр?» Оқушылар жұпта «Мақта қыз бен мысық» ертегісінің бір кейіпкерін таңдап, берілген сұрақтар негізінде соны сипаттап жазады. Сипаттаулар бойынша басқа оқушылар кейіпкерді анықтаулары керек. Оқушылар бір-бірін берілген критерийлер арқылы бағалап отырады.

Тапсырманың мақсаты – кейіпкерді сипаттай алуға үйрету. Жұпта жұмыс жасау арқылы бір-біріне деген құрмет сезімдерін қалыптастыру.

Сұрақтар:

Кейіпкер қандай?

Кейіпкер не істеді?

Бағалау критерийлері:

• Кейіпкерді дұрыс сипаттады.
• 2-3 сөйлем айтты.

(Ө) «Ойлан, жаз». Оқушылар берілген сұрақтар негізінде кейіпкерді сипаттап жазады.

Тапсырманың мақсаты – кейіпкерді сипаттап жазуға үйрету. Академиялық адалдыққа баулу.

Сұрақтар:

• кейіпкер қандай?
• кейіпкер не істеді?

Дескриптор:

• кейіпкерді дұрыс сипаттайды;
• кейіпкердің іс-әрекетін дұрыс жазады;
• сөйлемдерді бас әріптен бастап жазады;
• сөйлем соңына тиісті тыныс белгісін қояды.

Дифференциация. Қабылдау деңгейі орташа оқушыларға көмек ретінде кейіпкерді сипаттауға көмектесетін сөздер мен сөз орамдары ұсынылады.

Мейірімді, ашулы, көңілді, шашы қара, құйрығы ұзын, көздері кішкентай, түсі сұр.

Рефлексия. «Аяқталмаған сөйлемдер» арқылы сабақтағы жұмысын қорытындылайды.

Мен бүгін ...........................

Маған бүгін .......................

Саралау –оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Сабақ бойынша рефлексия

Жалпы баға

Сабақтың жақсы өткен екі аспектісі (оқыту туралы да, оқу туралы даойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?