Ертегілер – қысқа фильмдерді көру №1. Қазақ тілі (орыс сыныбы), 1 сынып, сабақ жоспары.

Ұзақ мерзімді жоспар бөлімі:

6-бөлім: Салт дәстүр және ауыз әдебиеті

Мектеп: Талдықорған қаласындағы физика-математикалық бағытындағы Назарбаев Зияткерлік мектебі

Мұғалімнің аты-жөні: Кушерова Л.К.

Күні:

Сынып: 1

Қатысқандар саны:

Қатыспағандар саны:

Сабақтың тақырыбы

Ертегілер – қысқа фильмдерді көру №1

Осы сабақта қол жеткізілетін оқу мақсаттары (оқу бағдарламасына сілтеме)

1.1 Зейін қойып оқу.

1.1.1.1 Сөздерді зейін қойып тыңдайды, түсінеді және дұрыс қабылдайды.

1.3 Мәтіндегі негізгі және қосалқы ақпараттарды анықтау және болжау.

1.1.3.1 Әңгіме (оқиға), өлең, ән жанрларын түсінеді, ажыратады\ таниды.

2.2 Тыңдалған мәтінді мазмұндау, дәлелдеу.

1.2.2.1 Қарапайым әңгімелерді (мәтінді) мазмұндайды.

Сабақтың мақсаттары

Барлығы: Сөздерді зейін қойып тыңдайды. Әңгіме (оқиға), өлең, ән жанрларын түсінеді. Қарапайым әңгімелерді (мәтінді) сұраққа жауап беру арқылы мазмұндайды.

Көбі: Сөздерді зейін қойып тыңдайды, түсінеді. Әңгіме (оқиға), өлең, ән жанрларын түсінеді, ажыратады. Қарапайым әңгімелерді (мәтінді) мазмұндайды.

Кейбірі: Сөздерді зейін қойып тыңдайды, түсінеді және дұрыс қабылдайды. Әңгіме (оқиға), өлең, ән жанрларын түсінеді, ажыратады\ таниды. Қарапайым әңгімелерді (мәтінді) мазмұндап, қорытынды жасай алады.

Жетістік критерийлері

Тыңдалым.

Тақырыпқа қатысты сөздердің көпшілігін есте сақтайды және мағынасын түсіндіре алады.

Әдеби жанрларды біледі және мәтіннің әңгіме/өлең немесе ән екенін анықтай алады.

Айтылым.

Қарапайым мәтіннің мазмұнын толық, жүйелі баяндай алады

Тілдік мақсаттар

Пәнге тән лексика мен терминология:

Түлкі, бөдене, шал мен кемпір, күлдіру, қорқыту, артымнан ер, разы болу, сен көзіңді тас қылып жұм

Құндылықтарды дарыту

Адал дос болуға тәрбиелеу.

Пәнаралық байланыс

Бейнелеу өнері, сауат ашу сабағы

АКТ қолдану дағдылары

«Түлкі мен бөдене» - http://www.youtube.com/watch?v=ItD6n_7MK4Y

Бастапқы білім

«Шалқан» ертегісін жазу №3

Сабақ барысы

Сабақтағы жоспарланған іс-әрекет

Ертеңгілік шеңбері

(Ұ) Оқушылардан қандай ертегілерді білетінін сұрау.

-Балалар, сендер қандай ертегілерді білесіңдер?

Оқушылар оқыған тыңдаған, көрген ертегілерін айтып береді.

(Тақтада оқушыларға арналған оқу мақсаты жазылады.) Сабақ мақсаттарымен оқушыларды таныстырып өту.

(Ұ) Оқушылар «Түлкі мен бөдене» ертегісін тыңдайды.

Сұрақтарға жауап береді.

Мысалы:

• Біздің тыңдағанымыз әңгіме ме, өлең бе, әлде ертегі ме?
• Ертегінің ерекшеліктері қандай?
• Сендерге ертегі ұнады ма? Неге?
• Қай кейіпкер ұнады? Неге?

(Ө) Оқушылар ертегідегі өздеріне ұнаған бөлімнің суретін салады. Салған суреттері бойынша сөйлейді.

СЕРГІТУ СӘТІ.

Күніміз жарық болсын,Аспанымыз ашық болсын.Деніміз сау болсын,Елімізде тыныштық болсын.

(Т,Қ) Топқа нұсқау беру және тілдік дағдыларына назар аудару. Оқушылардың төмендегі дағдыларын бағалау:

• қарапайым сөздерден тұратын фильм туралы өз ойын айта алу, мысалы: «Мен бөденені ұнаттым, себебі…..»’.
• фильмнің қызықты бөлімдері туралы мазмұндау;
• басқа оқушылардың фильм туралы айтқандарын тыңдау.

Жетістік критерийі:

• Тақырыпқа қатысты сөздердің көпшілігін есте сақтайды және мағынасын түсіндіре алады.
• Әдеби жанрларды біледі және мәтіннің әңгіме/өлең немесе ән екенін анықтай алады.
• Қарапайым мәтіннің мазмұнын толық, жүйелі баяндай алады

Дифференциация:

Қабылдау деңгейі жоғары оқушылар: фильмнің мазмұнын айтып беру.

Қабылдау деңгейі орташа оқушылар: фильм туралы бір-екі ауыз сөз/тіркестер айту.

Рефлексия

«Бағдаршам» арқылы кері байланыс алу.

Бағалау – оқушылардың материалды меңгеру деңгейін тексеру жоспарыңыз?

• қарапайым сөздерден тұратын фильм туралы өз ойын айта алу, мысалы: «Мен бөденені ұнаттым, себебі…..»’.
• фильмнің қызықты бөлімдері туралы мазмұндау;
• басқа оқушылардың фильм туралы айтқандарын тыңдау.