Ертегілер – қысқа фильмдерді көру №2 «Алма» ертегісі. Қазақ тілі (орыс сыныбы), 1 сынып, сабақ жоспары.

Ұзақ мерзімді жоспар бөлімі:

6-бөлім: Салт дәстүр және ауыз әдебиеті

Мектеп: Талдықорған қаласындағы физика-математикалық бағытындағы Назарбаев Зияткерлік мектебі

Мұғалімнің аты-жөні: Кушерова Л.К.

Күні:

Сынып: 1

Қатысқандар саны:

Қатыспағандар саны:

Сабақтың тақырыбы

Ертегілер – қысқа фильмдерді көру №2

«Алма» ертегісі

Осы сабақта қол жеткізілетін оқу мақсаттары (оқу бағдарламасына сілтеме)

1.5 Тыңдаған және оқыған мәтіндер бойынша сұрақтар құрастырып, орынды жауап беру.

1.1.5.1 Тыңдаған мәтінді түсінеді, түсінгенін пікір, сұрақтар немесе қимыл арқылы білдіреді.

2.5 Медиа құралдар арқылы тіл дамыту.

1.2.5.1 Қарапайым фильмдер мен есту материалдары бойынша оқиғаларды талқылайды.

Сабақтың мақсаттары

Барлығы: Тыңдаған мәтінді түсінеді, түсінгенін сұрақтар арқылы білдіреді. Қарапайым фильмдер мен есту материалдары бойынша кейіпкерлерді атайды.

Көбі: Тыңдаған мәтінді түсінеді, түсінгенін сұрақтар немесе қимыл арқылы білдіреді. Қарапайым фильмдер мен есту материалдары бойынша ұнайтын/ұнамайтын себебін айта алады.

Кейбірі: Тыңдаған мәтінді түсінеді, түсінгенін пікір, сұрақтар немесе қимыл арқылы білдіреді. Қарапайым фильмдер мен есту материалдары бойынша оқиғаларды талқылайды.

Жетістік критерийлері

Тыңдалым.

Тыңдалған материалдар бойынша қарапайым сұрақтар қоя алады;

Қойылған сұрақтарға тыңдалған мәтіннің мазмұны бойынша жауап қайтара алады.

Айтылым.

Оқиғаға қатысты өз ойын білдіре алады;

Тыңдалған материалдарға қатысты өз көзқарасын дәлелдей алады.

Тілдік мақсаттар

Пәнге тән лексика мен терминология:

Алма, кірпі, қоян, аю, қарға, секіру, домалау, құлау, өрмелеу, бөлу, бөлісу, тең бөлу, ренжу, ренжітпеу.

Құндылықтарды дарыту

Адал дос болуға, тату өмір сүруге тәрбиелеу.

Пәнаралық байланыс

Бейнелеу өнері, сауат ашу сабағы

АКТ қолдану дағдылары

«Алма» ертегісінің бейнежазбасы

Бастапқы білім

Ертегілер – қысқа фильмдерді көру №1

Сабақ барысы

Сабақтағы жоспарланған іс-әрекет

Ертеңгілік шеңбері

(Ұ) «Түлкі мен бөдене» ертегісінің сюжетті суреттерін ретімен қойып қысқаша мазмұндау.

(Тақтада оқушыларға арналған оқу мақсаты жазылады.) Сабақ мақсаттарымен оқушыларды таныстырып өту.

(Ұ) Оқушылар «Алма» ертегісін көреді.

Мұғалім ертегі бойынша сұрақтар қояды:

• Ертегі не туралы болды?
• Кейіпкерлерін ата.
• Олар неге таласты? Неге?
• Кім оларға көмектесті?
• Саған ертегі ұнады ма? Неге?

(Оқушылар сұрақтарға жауап бергеніне қарай ертегіні түсінгенін бағалайды.)

(МК) Ертегінің кардларын тоқтатып, оны дыбыстату, яғни оны түсінгенін сөзбен айтып береді. Жаңа сөздерді қолдану.

СЕРГІТУ СӘТІ.

Күніміз жарық болсын,Аспанымыз ашық болсын.Деніміз сау болсын,Елімізде тыныштық болсын.

(Ұ,қ) Оқушылар әңгіменің қызықты бөлімдері бойынша салған суреттерімен алмасады. Бір-бірін бағалап, пікірлерін айтады.

Жетістік критерийі:

• Тыңдалған материалдар бойынша қарапайым сұрақтар қоя алады;
• Қойылған сұрақтарға тыңдалған мәтіннің мазмұны бойынша жауап қайтара алады.
• Оқиғаға қатысты өз ойын білдіре алады;
• Тыңдалған материалдарға қатысты өз көзқарасын дәлелдей алады.

Дифференциация:

Қабылдау деңгейі жоғары оқушылар: фильмнің мазмұнын айтып беру.

Қабылдау деңгейі орташа оқушылар: фильм туралы бір-екі ауыз сөз/тіркестер айту.

Рефлексия

«Бағдаршам» арқылы кері байланыс алу.

Бағалау – оқушылардың материалды меңгеру деңгейін тексеру жоспарыңыз?

Оқушылар сұрақтарға жауап бергеніне қарай ертегіні түсінгенін бағалайды.

Оқушылар әңгіменің қызықты бөлімдері бойынша салған суреттерімен алмасады. Бір-бірін бағалап, пікірлерін айтады.