Дене мүшелері. Қазақ тілі (орыс сыныбы), 1 сынып, сабақ жоспары.

Пән: қазақ тілі

Ұзақ мерзімді жоспар бөлімі:

1-бөлім: «Өзім туралы»

Күні:

Сынып: 1

Мектеп: Талдықорған қаласындағы

физика-математикалық бағыттағы

Назарбаев Зияткерлік мектебі

Мұғалімнің аты-жөні: А.Н.Баримбекова, Г.Т.Жакупова

Қатысқандар саны:

Қатыспағандар саны:

Сабақ тақырыбы

Дене мүшелері

Осы сабақта қол жеткізілетін оқу мақсаттары (оқу бағдарламасына сілтеме)

1.3 Ауызша хабарлама/аудио/бейне материалдарының мазмұнын түсіну.

1.1.3.1 мұғалімнің көмегімен тыңдаған хабарлама (ұзақтығы 0,5-1 мин шамасында) мазмұны бойынша сұрақтарға жауап беру және оған сәйкес фото/сюжетті суреттер/сызбалар таңдау.

Сабақ мақсаттары

Барлық оқушылар: сұрақтарға жауап береді және оған сәйкес суреттерді көрсетеді.

Көптеген оқушылар: сұрақтар қояды және жауап береді, оған сәйкес суреттерді көрсетеді.

Кейбір оқушылар: сұрақтар қояды және жауап береді, оған сәйкес суреттерді көрсетеді, сөз тіркестерін айтады.

Бағалау критерийлері

• Сұрақтарға жауап бере алады;
• Мазмұнына сәйкес суреттерді көрсете алады.

Тілдік мақсаттар

Пәнге тән лексика мен терминология: бас, шаш, көз, мұрын, ауыз, оң қол, сол қол, оң аяқ, сол аяқ.

Диалог пен жазу үшін пайдалы сөздер мен тіркестер:

Мынау не?

Оның түсі қандай?

Бұл ….

Оның түсі ... .

Құндылықтарды дарыту

Өзара құрмет көрсетуге тәрбиелеу.

Пәнаралық байланыстар

Орыс тілі

АКТ қолдану дағдылары

Бастапқы білім

Түстерді білдіретін сөздерді қайталау.

Сабақ барысы

Сабақтағы жоспарланған іс-әрекет

Түрлі түсті қарындаштар арқылы түстерді қайталау.

Cабақтың мақсатымен таныстыру.

Сөздік жұмысы.

1. Жеке жұмыс. Мұғалім суреттерді көрсетіп, дене мүшелерімен таныстырады: сөздердің айтылуын тыңдайды, әр оқушы жеке қайталап айтады, топпен қайталайды.

бас, шаш, көз, мұрын, ауыз, оң қол, сол қол, оң аяқ, сол аяқ.

2. Қимылдарды орынтату арқылы сөздерді меңгерту:

Оң қолыңды көтер.

Сол қолыңды көтер.

Оң аяғыңды көтер.

Сол аяғыңды көтер.

Мұрныңды ( аузыңды, көзіңді, басыңды, құлағыңды) көрсет. т.б.

3. Сұрақтарға жауап береді және оған сәйкес суреттерді көрсетеді:

– Мынау не?

– Оның түсі қандай?

– Бұл …. (көз, шаш,т.б.)

– Оның түсі ... (көк, қоңыр, қара, т.б.).

Сергіту сәті

Таң атты, күн шықты,

Аспанды бұлт жапты.

Жел тұрды, жаңбыр жауды.

Найзағай сарт сұрт етті,

Біз бұға қалдық.

Айтылым.

Сабақта меңгерілген сөздерді қолдана отырып, суреттегі кейіпкерлерді сипаттау.

Жетекші сұрақтар:

• Мынау кім?
• Оның көзі қандай?
• Көйлегі қандай? (т.б.)

Дәптермен жұмыс

Тапсырма: суреттерді бояйды, дене мүшелерінің атауларын қайталайды, жаза алатындар дене мүшелердің қасына қалай аталатынын жазады.

Бағалау: сабақ соңында оқушыларға смайлик тарату арқылы жұмыстарын бағалау.

Сабақ соңында мұғалім рефлексия жүргізеді.

Үйге тапсырпма: Суреттерді бояп, қандай түс екенін жазады.

Саралау –оқушыларға қалай көбірек қолдау көрсетуді жоспарлайсыз? Қабілетіжоғарыоқушыларғақандайміндетқоюдыжоспарлапотырсыз?

Денсаулық және қауіпсіздік техникасының сақталуы