Тармақталу операторы. Информатика, 8 сынып, сабақ жоспары.

Ұзақ мерзімді жоспар бөлімі: 8.3А бөлім - Программаларды әзірлеудің кіріктірілген орталары

Мектеп:

Күні:

Мұғалімнің аты-жөні:

Сынып: 8

Қатысушылар саны:

Қатыспағандар:

Сабақ тақырыбы

Тармақталу операторы

Осы сабақта қол жеткізілетін оқу мақсаттары

8.3.3.1 таңдау және қайталау операторларын программаны өңдеудің кіріктірілген ортасыныңда қолдану (С/С++, Python, Delphi, Lazarus)

Сабақ мақсаты

• «Тармақталу» түсінігін білу
• Тармақталу түрлерін білу
• Тармақталуға блок-схема құру және талдау;
• Есепті шешуде тармақталу қолданып алгоритм жазу.

Бағалау критерийлері

• «Тармақталу» түсінігін түсіндіре алады
• Тармақталу түрлерін ажырата біледі
• Тармақталуға блок-схема құрады және талдайды;
• Есепті шешуде тармақталу қолданып алгоритм жаза алады.

Тілдік мақсаттар

Пәндік терминология:

• Толық тармақталу, толық емес тармақ, блок-схема, егер, онда, әйтпесе.

Оқушылар тармақталу конструкциясының алгоритмінің / блок-схемасын/ программа кодын талдау кезінде негізгі сөздерді дұрыс пайдалана алады

Оқу және жазуға арналған пайдалы сөз тіркестері

• Шартты оператордың толық түрі бойынша келесі құрылымы бар ...
• Қысқартылған шартты оператор келесі конструкцияға ие ...

Құндылықтарды дарыту

1. Құрметтеу: топтық жұмыс кезінде жұптық қарым-қатынастарды дамытуды қамтиды

2. Академиялық адалдық: академиялық адалдық принциптерін сақтауға негізделген басқа адамдардың идеялары мен ойларын құрметтеу.

3. Өмір бойы білім алу

Пәнаралық байланыстар

Математика

Бастапқы білім

Алгоритм тұжырымдамасы, алгоритмді жазу түрлері, блок-схема.

Сабақ барысы

Сабақта орындалатын іс-әрекеттер

• Ұйымдастыру сәті

Мұғалім сабақтың тақырыбы мен мақсаттарын таныстырады

• Сыныппен жұмыс: тірек сызбамен жұмыс

Оқушыларға тірек сөздер берілген: тармақталу операторы, егер, онда, әйтпесе

Оқушылар тірек сөздерді пайдалана отырып, тармақталу операторының анықтамасын құрастырады.

• Жаңа тақырыпты түсіндіру: Тармақталу түрлері – толық және толық емес

Толық және толық емес тармақталу операторларының блок-схемаларының үлгілерін көрсету.

Оқушылар 2 блок-схеманы талдап, 1 суретте толық тармақты деп көрсетуі керек, ал 2 суретте толық емес тармақталған конструкция екенін анықтаулары қажет.

(?) Сыныпқа сұрақ: Кейбір конструкциялар қашан пайдаланылады?

Толық тармақ, егер шарт ақиқат болған жағдайда бір командалар сериясын орындау қажет, егер шарт жалған болса келесі командалар сериясы орындалады

Толық емес тармақ, егер шарт ақиқат болған жағдайда команданы орындайды және жалған жағдайда ештеңе орындалмайды

• Жұппен жұмыс істеу (қалыптастырушы бағалау)

Оқушылар есептің шартын анықтайды және бок-схеманың соңғы нәтижесін анықтайды. Сонан соң программа кодын талдайды

(а) (в)

• Сыныппен жұмыс. Оқушылардытармақталу операторларымен таныстыру: if, then, else

• Жеке жұмыс

Оқушылар таратпа материалдағы әртүрлі қиындықтағы деңгейлік тапсырмаларды орындайды

1) Блок-схемада көрсетілген есептің шартын анықтаңыз:

Жауап: Үй тапсырмасын орындау алгоритмі

2) Есепті шығару блок-схемасын сал және компьютерде программалық кодын жаз

А) Сан енгізу. Егер ол сан теріс емес болса оған 10 санын қосу, басқаша жағдайда 10 санын алып тастау.

В) Қолданушының жасын сұрайтын, жасына сай кәмелеттік жасқа толғанын немесе толмағанын анықтайтын программа жаз.

• Рефлексия.

«Бес минуттық эссе». Оқушылар «Бүгінгі сабақта алынған білімді қайда пайдалана аламын?» тақырыбына эссе жазады. Тармақталу операторын пайдалануы жайлы

Қосымша ақпарат

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Бағалау – Оқушылардың ақпаратты қаншалықты меңгергенін қалай тескересіз?

Пәнаралық байланыс. Қауіпсіздік ережелері. АКТ-мен байланыс. Құндылықтармен байланыс (тәрбиелік элемент)

Қабілеті жоғары оқушылар есептерді шешу барысында қабілеті төменірек оқушыларға көмек береді, консультация жасайды.

Сабақ барысында ауызша және жазбаша қалыптастырушы бағалауға арналған тапсырмаларды жұпта және сыныппен талқылайды

Жұппен жұмыс барысында техникалық қауіпсіздік ережелерін сақтау