Ғаламтормен жұмыс жасау кезінде болатын қауіптер. Информатика, 5 сынып, дидактикалық материал.

1-жағдаят

Ваня Warcraft ойынына құмар. Бұл ойынды ол үш жылдан бері ойнап келеді және өзінің кейіпкерін өте жоғары деңгейге дамытты. Бір жыл бұрын Ваня ойында басқа қатысушылармен топтық тапсырманы орындау кезінде Айбекпен (15 жаста) танысады. Осыдан кейін де олар бірнеше рет бірге шайқасады және ойын барысында бір-біріне хат жазып, араласып отырды. Кеше Айбек демалыс күндері Астанаға келетінін жазып, Ванямен шынайы өмірде танысқысы келетінін хабарлайды.

Талқылау сұрақтары:

• Ваняның кездесуге баруы керек пе? Неге?

• Осы жағдаятта сізді не алаңдатады? Сіз Айбекке сенесіз бе?

• Кездесудің қандай салдары болуы мүмкін?

• Ваня қандай амалдармен өзін қауіпсіздендіре алады?

2-жағдаят

Дәрия (15 жаста) — «Пикник» тобының жанкүйері. Дәрия басқа да жанкүйерлермен танысқысы келеді. Алайда топтың сайтына тіркелу қажет. Ұсынылған үлгіде міндетті түрде тегі мен атын, үйінің мекен-жайын және телефон нөмірін көрсету керек.

Талқылау сұрақтары:

• Дәрияға тіркелу керек пе? Неге?

• Осы жағдайда сіз неден күдіктенесіз?

• Салдары қандай болуы мүмкін?

3-жағдаят

 Тимурдың поштасына белгісіз адрестен хат келді. Мазмұны төмендегідей:

«Біз Сізге «Бүгінгі күннің ең жақсы фотосы!» байқауының жеңімпазы атанғаныңызды хабарлаймыз. Растау үшін 5777 қысқа нөміріне 22+289445 мәтінімен СМС жіберіңіз. СМС – тегін. Өз мүмкіндігініңізді жіберіп алмаңыз!»

Талқылау сұрақтары:

• Тимур СМС жіберуі керек пе?
• Осы жағдаятта сізді не алаңдатады?
• Салдары қандай болуы мүмкін?
• Тимур не істеуі керек?