Цилиндрдің, конустың және шардың жазықтықпен қимасы. Геометрия, 11 сынып, дидактикалық материал.

Цилиндрді жазықтықпен оның осі арқылы қиғанда пайда болған қиманы осьтік қима деп атайды. Осьтік қима -тік төртбұрыш болады. Оның екі қабырғасы цилиндрдің жасаушылары болса, ал басқа екеуі диаметрлері болады.

Цилиндрдің осіне перпендикуляр болатын қимасы оның табандарына тең болатын дөңгелек болады.

Цилиндрдің осімен бұрыш жасап қиятын көлбеу қимасы эллипс болады.

Цилиндрдің осіне параллель жазықтықпен қиғандағы қима-тік төртбұрыш болады. Оның екі қабырғасы жасаушысы, ал басқа екі қабырғасы табандарының хордасы болады.

Конустың осі арқылы өтетін жазықтықпен қимасы -осьтік қима деп аталады. Ол теңбүйірлі үшбұрыш болады. Оның бүйір қабырғалары конустың жасаушылары, ал табан қабырғасы конустың табанының диаметрі болады.

Конустың төбесі және табаны арқылы өтетін қимасы - теңбүйірлі үшбұрыш болады. Оның бүйір қабырғалары конустың жасаушылары, ал табаны конустың табанының хордасы болады.

Конустың табанына параллель болатын қимасы - центрі конустың осінде жататын дөнгелек болады.

Конустың табанына параллель болмайтын қимасы - эллипс болады.

Конустың басқа типтегі қималарының түрлері