Көпжақтар және олардың элементтері; Призма және оның түрлері; Параллелепипед және оның қасиеттері. Геометрия, 12 сынып, сабақ жоспары.

12.3С бөлім: Геометриялық денелердің көлемдері мен беттерінің аудандары

Мектеп

Күні:

Мұғалімнің аты-жөні:

Сынып: 12 А

Қатысқандар саны:

Қатыспағандар саны:

Сабақ тақырыбы:

Көпжақтар және олардың элементтері;

Призма және оның түрлері;

Параллелепипед және оның қасиеттері

Осы сабақта қол жеткізілетін оқу мақсаттары (оқу бағдарламасына сілтеме)

12.3.3.1

көпжақтардың (параллелепипед, призма, пирамида, қиық пирамида) элементтерін таниды және таба алады;

 Сабақ мақсаттары

Оқушылар:

көпжақтар (пирамида, призма және олардың түрлері) мен айналу денелерінің (конус, цилиндр, шар) бүйір және толық бетін есептей алады;

 Жетістік критерийлері

Дағды

Критерийлер

Білу және түсіну

 Тілдік мақсаттар

Төбе, Қыры, Жақ, Көпжақ

Призма

Параллелепипед

Пирамида

Қиық пирамида

Дұрыс көпжақтар

Диалогқа/жазылымға қажетті тіркестер

Төбесінде n қырлары бірігеді,

Дұрыс көпжақ.

Призманың бүйір жақ қырлары параллель және тең.

Пирамиданың бүйір жағы – үшбұрыш.

Табандары параллель жазықтықтарда орналасады.

 Құндылықтарды дарыту

Геометриялық денелердің сызбаларын салу арқылы ұқыптылыққа бейімделеді. Эстетикалық талғамдары өседі.

 Пәнаралық байланыстар

Физика, Тарих

 АКТ қолдану дағдылары

Интерактивті тақтада геометриялық денелердің сызбаларын салады. Элементтерін белгілейді.

Бастапқы білім

Планиметриядағы барлық фигураларды, қасиеттерін біледі.

Сабақ барысы

Сабақтағы жоспарланған іс-әрекет

І. Ұйымдастыру.

Амандасу, оқушы зейінін сабаққа аудару.

ІІ. Миға шабуыл.

Көпжақтар, олардың түрлері, элементтері, ерекшеліктері, бетттерінің аудандарын, көлемін есептеу формулалары туралы жетектеуші сұрақтар қою.

(Аталған сұрақтар төңірегінде оқушылар жауап бере алады, өткен жылғы материалда алғы шарттары қарастырылды. )

ІІІ. Тақырыпты ашу.

Оқушыларға призма (параллелепипед), пирамида, қиық пирамида анықтамаларын дәптерге жазып, сызба салуға және сызбада көпжақтардың элементтерін көрсетуге ұсыныңыз.

Схеманы талдаңыз:

Оқушыларға схема арқылы келесі сұрақтар ұсынуға болады:

1) Призма түрлерін атаңдар.

2) Тік призманың табаны не болады?

3) "Параллепипед призманың дербес түрі" деген тұжырым дұрыс па?

4) Қай жағдайда параллелепипедті куб деп айтады?

ІV. Жаңа материалды бекіту, толықтыру.

Презентация арқылы көпжақтардың түрлері, дұрыс көпжақтар, ерекшеліктері баяндалады.

Оқшылармен диалогтық оқыту іске асырылады.

V. Жалпы сыныптық есептер шығару.

1. Табанының қабырғалары 10,17,21 см болатын үшбұрышты призманың биіктігі 18 см. Толық бетінің ауданы мен көлемін табыңдар.

2. Тік призманың табаны – табанына жүргізілген биіктігі 8 см болатын тең бүйірлі үшбұрыш. Үшбұрыштың бүйір қабырғасы арқылы жасалған призманың бүйір жағының диагоналі 10 см және табан жазықтығымен 45⁰ бұрыш жасайды. Бүйір бетінің ауданы мен көлемін табыңдар.

Оқушылардың шығару жолдарын қадағалап, дұрыс бағыт бағдар беру. Оқушылардан тапсырманы түсінгендігін бас бармақ арқылы кері байланыс алу.

ЖАДА орнату мақсатында топтық жұмыс ұйымдастыру.

VІ. Топтық есептер

3. Дұрыс төртбұрышты пирамиданың биіктігі 4 см, табанының диагоналі 6 см. Толық бетінің ауданы мен көлемін табыңдар.

4. Дұрыс үшбұрышты пирамиданың биіктігі 12 см, табанының биіктігі 15 см болса, пирамиданың толық бетінің ауданы мен көлемін есептеңдер.

Екі топ орындаған тапсырмаларын тақтаға түсіндіреді, екі топ «Екі жұлдыз бір тілек»-арқылы бірін-бірі бағлайды.

VІ. Жұптық тапсырмалар.

1 – жұп.

Үшбұрышты дұрыс пирамиданың бүйір жақтары табанына 60⁰ бұрышпен көлбеген. Табанының төбесінен бүйір жағына дейінгі қашықтық 3 см болса, толық бетінің ауданы мен көлемін табыңдар.

2 – жұп.

Дұрыс төртбұрышты пирамиданың бүйір жақтары табанына 60⁰ бұрыш жасап көлбеген. Табан қабырғасының ортасынан бүйір жағына дейінгі қашықтық 4 см болса, бүйір бетінің ауданы мен көлемін табыңдар.

3 – жұп.

ABCDA₁B₁C₁D₁ тік параллелепипедінде AB =1см, BC=7 см, . AC диагоналі мен В₁ төбесі арқылы жүргізілген жазықтық табанымен 60⁰ бұрыш жасайды. Бүйір бетінің ауданын табыңдар.

Сабақ соңында оқушылар рефлексия жүргізеді:

- нені білдім, нені үйрендім

- нені толық түсінбедім

- немен жұмысты жалғастыру қажет

Оқушылар өздерінің жұмысы мен сыныптастарының жұмысын Марк схема бойынша бағалай алады

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Саралау іріктелген тапсырмалар, нақты бір оқушыдан күтілетін нәтижелер, оқушыға дербес қолдау көрсету, оқу материалдары мен ресурстарын оқушылардың жеке қабілеттерін есепке ала отырып іріктеу (Гарднердің жиындық зият теориясы) түрінде болуы мүмкін.

Саралау уақытты ұтымды пайдалануды есепке ала отырып, сабақтың кез-келген кезеңінде қолданыла алады

Бұл бөлімде оқушылардың сабақ барысында үйренгенін бағалау үшін қолданатын әдіс-тәсілдеріңізді жазасыз

Денсаулық сақтау технологиялары.

Сергіту сәттері мен белсенді іс-әрекет түрлері.

Осы сабақта қолданылатын Қауіпсіздік техникасы ережелерінің тармақтары

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?